擁有藝術碩士銜頭的葉蘊儀曾在 Moiselle打過工,所以跟老闆娘徐巧嬌分外親切。桌上的三個陶瓷娃娃,是 Moiselle的三個「第一」:左邊的蔡少芬是第一個行騷的代言明星,中間的蔡卓妍是囝囝陳栢熹第一次參與的設計,右邊的范冰冰是他們首次請國內藝人做嘉賓。

名氣生活
葉蘊儀 將明星變公仔

Ads by Google

勇於發聲,又身體力行出街綁黃絲帶撐學生的葉蘊儀,最近又有新搞作,將十個曾經為 Moiselle行騷的明星造型,變成陶瓷娃娃,一針一線做出公仔裙,為乳癌基金拍賣籌款。
講手作仔,她有心有力,「我手臂都有番咁上下,平時都係我一個人抬石膏模。」提民主,她唔怕講,「我唔係藝人,只係以藝術家角色出聲,對社會問題有自己見解,學生咁自律係好值得尊重。」

 

最愛蔡少芬
上週五,病到聲都沙啞的葉蘊儀,沒有助手協助,一個人拎住化妝箱及幾隻寶貝公仔到現場。她的十隻陶瓷娃娃差不多同一個樣,眼大長髮,但服飾髮型都各有特色,甚至有名有姓,「我最鍾意蒙嘉慧,因為係我第一隻造,佢條裙算有難度,一層層夾雜羽毛,但又俾我做到。」旁邊的 Moiselle老闆娘徐巧嬌見狀,亦走來嚷住要抱住「蔡少芬」︰「見到佢哋,我感觸良多,想起公司以前點捱過來。」
原來一年前 Moiselle提供了十套由陳慧琳、徐子淇、張栢芝、黎姿等明星、阿太,十多年來著過他們品牌的晚裝照片,交俾葉蘊儀變成改良版,套在十個娃娃身上,準備為乳癌基金拍賣籌款。
由於晚裝年代久遠,葉蘊儀只能靠睇照片,再自行加減,務求拿捏當中精髓,「每個公仔製作要花一個月,其實好多都有難度,唔係想像中咁易,但我唔跟足,想改造後有自己特色;以前都做過公仔衫,多數是維多利亞、洛可可時代最興的喱士款,我連公仔的內褲都係長褲。」


徐子淇喜歡胸前開窿流露性感,而葉蘊儀亦跟足原著,連頭飾亦做得近似,只是改為 A字裙襬。


○四年首次用栢芝行騷,其公仔麵頭亦倒模到陶瓷娃娃上。

栢芝夠義氣
眾多「明星」在前, Moiselle老闆娘直言個個都鍾意,又大讚栢芝夠義氣,「當年佢咁紅,去行紅地氈或大型活動,真係大把國際大牌子等佢揀,但佢就是著我哋啲衫。一○年上海的花生騷,她又專程飛過來撐場,真係好支持;而徐子淇婚前最後一個時裝騷就係做我哋公司,當年我哋為佢度身訂做一條裙;至於黎姿,是我睇電視睇中,請她做代言人,佢真係好專業,好多高難度的甫士都落力配合。」
會否請當事人競投自己的迷你版?徐巧嬌忽然驚醒話:「係喎!我都投阿 Sa(蔡卓妍)送俾我個仔,那年花生騷是他第一次參與,好有紀念價值。」

徐巧嬌拎住「黎姿」時,忍不住話:「呢個做得最斯文,又溫柔,佢總係好關心身邊人,你睇得出佢好錫細佬,付出好多,雖然我哋目前少聯絡,但見到佢家庭美滿,好令人欣慰。」


原裝的蒙嘉慧是穿 deep V晚裝,陶瓷版改成高領裝,更為老少咸宜。

製作過程

娃娃頭石膏模完成後,要用幼細砂紙打磨平滑。

然後為娃娃化妝上色。

公仔衫做了紙板,用衣車縫製。

撰文:名人組
攝影:李敏軒、梁炳權

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()