有份撐同事,聯署反公司嘅周嘉儀,去中環站轉車去圓方期間,心情靚爆,邊行邊嘟起櫻桃嘴。

同你吟一吟
撐同事作反 周嘉儀買袋慶功

Ads by Google

上個禮拜三(十月十五日)傍晚,數十名 CCTVB新聞部記者聯署公開信,對管理層處理警員圍毆示威者報導表達遺憾,到咗夜晚,再有十二名主播加入埋聯署行動。


擺明群起作反,成支茅頭更指向新聞部揸 fit人袁志偉,身為佢旗下 fit馬嘅周嘉儀,今次居然手指拗出唔拗入,有份簽名撐同事。
分分鐘會得罪高層,但周嘉儀心情冇受影響,聯署事件事隔兩日(十七日),收早嘅周嘉儀一個人坐機鐵去圓方行街 shopping。
行過見到 Max Mara新出嘅 Signature bag,周嘉儀當堂兩眼發光,行到入 shop,見佢又撥髮又嘟嘴,風騷嗌店員攞晒兩個色俾佢慢慢揀。個袋埋單要$9,880,周嘉儀俾完錢,著住四吋踭扭吓擰吓走人,就知道佢開心到連袁志偉姓乜都唔記得啦!

同一款袋,唔同色,周嘉儀攞晒上手揀完,再叫店員併埋身,等佢慢慢睇真啲!

買到心儀靚袋,周嘉儀繼續玩嘟嘴,好風騷。

雖然放咗工,但周嘉儀坐車期間仲掛住睇手機,留意佔中最新消息。

當日同許方輝搞出桃色新聞,袁志偉保住愛將周嘉儀,但講到新聞自由,周嘉儀寧願轉軚撐同事。(《蘋果日報》圖片)

撰文:八珍
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()