探熱針

好牙力 轉會睇錯價女友出面講數 劉浩龍 200萬簽三年

Ads by Google

獲老闆楊受成開綠燈御准拍拖,容祖兒唔單只愈愛愈高調,為打破事業女尊男卑局面,早前 Joey碌盡人情卡,安排男友劉浩龍過檔太陽娛樂文化,天后出手,終令劉浩龍由原本三年一百萬的轉會費,倍增至二百萬。
女友人面廣、牙力強,劉浩龍真有福氣!

 


傾約擺烏龍
對男友事業非常上心的祖兒,眼見東亞娛樂未有重用劉浩龍,於是親自出馬,向舊同學兼太陽娛樂文化行政總裁唐才智( Alex)引薦劉浩龍過檔。
「 Joey拉完線,其他嘢就由師兄(劉浩龍)同人傾,太陽娛樂開價一百萬三年,但師兄以為人哋 offer一百萬一年,合共簽三年,以為過檔費有三百萬。點知到落筆簽約嗰日,先發現份合約寫一百萬三年,原來自己擺咗烏龍。」知情人說。

容祖兒將掛住 JY616車牌(她英文名縮寫及生日日期)的百萬波子,交給劉浩龍作出入戰車。

劉浩龍居於跑馬地雲地利道,有傳由祖兒幫他交租。

劉浩龍轉會太陽娛樂,日前同公司揸弗人 Paco及梁漢文去睇波,但據悉傾約時,由祖兒出面聯絡太陽娛樂行政總裁唐才智(小圖)。
價錢高一倍
同心目中價錢有出入,劉浩龍拒絕動筆,雙方更不歡而散,後來身在英國睇騷兼拍 MV的祖兒知道,越洋致電搵 Alex講數。
「太陽娛樂行政總裁 Alex係 Joey舊同學,熟朋友始終易開聲,唔知係 Joey夠牙力,抑或 Alex俾面,最終劉浩龍袋二百萬簽三年,價錢多成倍,天后開聲真係唔同,我哋仲同師兄講笑,叫佢分番佣俾 Joey。」知情人說。
撐男友撐到出面,即使事業有距離,但祖兒對劉浩龍依然有讚無彈:「佢少去夜店,認識咗我之後更加冇。我令佢有改變,變得更加向好方面發展。」愛情,果然是盲目。

容祖兒工作忙個不停,早前去完澳門唱英皇騷。

去歐洲睇花生騷時,祖兒不忘隔空為劉浩龍傾約。

劉浩龍工作不多,閒時做運動 keep弗。

日前容祖兒去捧黃子華場,難得偷閒。
天后護航


女友身家以億計,有指劉浩龍衣食住行由 Joey照起,難怪有本事租得起跑馬地雲地利道豪宅,住近家在司徒拔道松柏新村的 Joey。

私有波子
Joey掛住車牌 JY616的百萬波子,現在已成為師兄的私人坐駕,方便他做柴可夫,接載女友。

做老闆
去年 9月, Joey幫師兄升級做老闆,掟 60萬讓他跟范振鋒等人合資開日本餐廳。

飛美伴遊
去年 8月,容祖兒到美國修讀短期跳舞課程,用飛行里數換機票俾師兄一齊飛。

撰文、攝影:娛樂組 設計:余少康

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()