上週六(十月十九日), Yumiko跟英皇一班藝人幫經理人 Kitty食飯餞行, Yumiko當日着鬆身花裙,孕味濃。

探熱針
生產力強 容祖兒收風學造人  Yumiko佗 B

Ads by Google

去年尾才與化妝師男友梁學儲( Andy)到泰國蘇梅島舉行婚禮的 Yumiko,估唔到做梁太一年都無,已經「造人」成功。
由於未過安全期, Yumiko先將喜事告知身邊幾位閨密,當中包括今年九月兩公婆在港補擺喜宴、幫手做姊妹兼接到花球的 Joey容祖兒。
同劉浩龍感情穩定,已經三十四歲的 Joey,恨嫁恨生 B恨到講出口,既然好姊妹一擊即中,想三十六歲做媽咪的 Joey,收定風學「造人」係時候。

 


平底鞋護肚
一向愛穿高踭鞋的 Yumiko,近日改以平底鞋上陣,為護肚做足準備。雖然有 B是開心事,但準媽咪心情卻相當忐忑。「 Yumiko已經六年冇出唱片,難得公司俾機會,當然想做好啲,點知突然發現有 B,打亂晒工作計劃。佢最初仲以為自己工作太緊張,所以月事遲咗,後來先知有 B,其實佢兩公婆一直都不設防,只係冇諗過咁快就得咗啫!」知情人說。
原本想同老公過多幾年二人世界的 Yumiko,最後被好姊妹應采兒勸服,才提前進行造人計劃。
「因為 Andy同前妻有個十二歲囡囡, Yumiko都冇諗住咁快生,但應采兒成日話一係唔生,一係就三十五歲之前生,否則會好辛苦,加上 Yumiko媽咪開到口想抱孫,話自己年紀大,怕將來冇氣力幫佢湊小朋友,所以 Yumiko先改變計劃,佢話暫時一個夠晒數,如果佗到孖胎就最 good。」知情人說。

由於化妝師老公 Andy跟前妻育有一女, Yumiko生育壓力不大,她亦料不到咁快有喜。

Yumiko po大合照在 Ig,留意她面前沒有酒精飲品,只有熱茶。
阿 Sa都心郁
英皇四大小花, Yumiko結婚佗 B一年搞掂晒,其餘三小花 Joey、阿 Sa、阿嬌,戥好姊妹開心之餘,更想自己成為下一個幸運兒,尤其是一直想三十六歲結婚生 B的 Joey。
「 Joey喺 Yumiko婚禮上接到花球,我哋個個都估下一個出嫁嘅小花,一定係 Joey。其實佢同阿 Sa都好鍾意小朋友,但 William(陳偉霆)內地事業剛起步,阿 Sa恨嫁都冇用,聽講呢排 Joey已經猛問 Yumiko佗 B有乜感覺,開始做緊功課。」 Joey做足準備,睇怕劉浩龍距離做英皇女婿又邁進一大步。

改著平底鞋

Yumiko向來喜歡著高跟鞋,近日她為新碟宣傳,已改為平底鞋示人,小心護肚。

Yumiko父母想早日抱孫,嫁女不久即有望做外公外婆,相信老人家最開心。

Yumiko笑稱應采兒個仔見親她都喊,但她聽應采兒意見,盡早做媽咪。

阿嬌、阿 Sa和容祖兒是 Yumiko的好姊妹,其中阿 Sa和祖兒都羨慕她有 B,開始心郁郁想結婚生仔。

六年沒出碟, Yumiko再戰樂壇,她表示自己想當事業女性,而不是少奶奶。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()