探熱針

泊車結怨 鬼佬鄰居怒爆陳豪「 YouCock」

Ads by Google

去年以三千四百萬購入大埔比華利山海景豪宅的陳豪,雖然老婆陳茵媺宣布再有喜,但愛熱鬧的陳生陳太仍經常請朋友返屋企 gathering。由於每幢獨立屋只設兩個停車位,朋友個個貪方便,將坐駕亂咁泊,違規佔領其他住客的車房出入口。由於陳豪屢勸不改,多次中招的鬼佬鄰居嬲到爆,於是自製「 You Cock」抗議 tee寸爆陳豪打橫行。

 

投訴都冇用
剛剛拍完新劇《水髮胭脂》的陳豪,近日經常留守在比華利山四千呎豪宅內,陪太太陳茵媺安胎,以及照顧八個月大的仔仔陳梓燁。一家三口雖然足不出戶,但間中會邀請大班朋友返屋企搞聚會,陳茵媺契哥麥長青同太太,更是陳宅的常客。
「陳豪唔係成日搞 party,但請親都有大班人嚟玩,比華利山山長水遠,個個都揸車入去,但每個單位得兩個車位,陳豪兩公婆一人一部車都霸晒,朋友去到,啲車就咁泊响佢哋車位前面,一架半架就無所謂啫,佢班 friend直頭將架車泊喺人哋屋企停車位對出,搞到對面屋鬼佬出唔到車。個鬼佬最初搵陳豪傾過,但佢態度照舊,之後去屋苑管理處投訴,一樣無用。住佢隔籬左右班業主已經好嬲,年初仲試過影低相放咗上 facebook。」知情者說。

今年 1月陳豪胞兄以及朋友探他,做路霸佔據車路,在車房出面泊多兩部車,對面屋鬼佬差啲唔夠位出車,㷫爆影相放上 fb。


陳豪去年以三千四百萬購入單幢屋,現已升值至四千多萬。

陳豪去年以三千四百萬購入單幢屋,現已升值至四千多萬。

陳豪遲遲無反應,鬼佬又更新 fb,將他與 CY的 tee合併,表示要將憤怒轉化為創造力。

陳茵媺帶仔行街,為免梓燁曝光,她幾乎將他包冚。

在四千呎愛巢過第一個聖誕節,陳茵媺買了一棵大聖誕樹慶祝。

電視劇《水髮胭脂》拍完,陳豪開始放假陪老婆。

陳氏夫婦跟麥包合作多部劇後成為好朋友,兩家人經常見面聚會。

陳茵媺七月時被網民狂轟棄養寵物,更表明要罷睇她跟陳豪的劇集,事後她解釋要餵母乳,要等兒子戒奶後才可以帶貓返家。

前度廖碧兒早前被拍到在屋苑附近跑步,有指她難忘舊愛搬到比華利山,不過遭當事人否認。

陳茵媺朋友多,跟港姐出身,已經榮升媽咪級的曹敏莉(後三)經常有聚會。
著 tee抗議
既然投訴都無用,個鬼佬於是想出另類方法洩憤。
「住正陳豪對面屋個鬼佬,早排特登做咗件反陳豪 tee,件衫寫住『 MOSES CHAN STOP PARKING IN FRONT OF MY CAR PARK YOU COCK』,又笑佢以為自己係比華利山之王,張相放咗上 fb後,班街坊 like爆,提議鬼佬不如做個大招牌放紅隧,有啲又叫佢掛件 tee喺陳豪門口,仲叫佢印多幾件,等大家可以著住喺屋苑周圍行抗議。鬼佬近排再加料,將陳豪同 CY(梁振英)兩件 tee一齊放上 fb,話要將憤怒化為創作,件 tee後面仲要有隻豬公仔,好玩嘢。」知情者說。

陳茵媺早前出席活動宣布再有喜,跟準媽咪梁詠琪互相祝賀。

愛妻號,陳豪拍完劇,即帶老婆出遊享受陽光與海灘。

開始放假陪老婆,陳豪也為他孭正的新戲《點對點》落力做宣傳。

陳豪跟胡杏兒在新劇《陪着你走》飾演情侶,他表示婚後盡量少拍親熱戲。

湊仔導致手部筋膜炎,但緊張陳茵媺依然仔不離手,抱住行街食飯。
招人話柄


藝人的言行舉止影響形象,一旦行差踏錯,即招人話柄,有排煩有排解畫。

朱薰 噪音擾人
12年, DJ朱薰相約一班歌手包括阿 Sa等人,到她位於西灣河屋企的平台燒烤,因聲浪過大被鄰居報警投訴。去年農曆年期間,朱薰再搞 BBQ派對,陣容有陳奕迅、張繼聰等,因煙味太濃再被鄰居投訴,事後朱薰表示會正視問題,盡量跟鄰居協調。


宣萱 泊車爆粗
14年,住在西貢獨立屋的宣萱,因為坐駕泊位阻礙其他車出入,跟鄰居發生爭執,被人用粗口問候的她,即時報警備案。


廖碧兒 狗吠擾民
陳豪舊愛廖碧兒,被鄰居投訴家中七隻狗經常亂吠,夏天時屋內還傳出惡臭,更試過報警,不過廖碧兒一直避開,老豆則反擊鄰居頂唔順,可以搬走。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()