雖然崔建邦和新女友於飛鵝山同居,但上週三(十月十五日),本刊發現唐詩詠帶同愛貓,駕車離開崔建邦的住所,可見二人仍關係密切。

探熱針
同居飛鵝山 崔建邦溝掂 18歲𡃁模 唐詩詠照上門

Ads by Google

唔靚仔,但溝女永冇失手的崔建邦,最新獵物,有來自廣州的十八歲𡃁模陳嘉莉( Kelly),二人更火速於飛鵝山同居。至於跟他翻撻無限次的唐詩詠,完全當崔建邦新女無到,甚至自出自入二人愛巢,當正自己先係女主人。

 

一撻即着
係男人都鍾意嫩口𡃁妹,難怪三十五歲的崔建邦,第一眼見到 Kelly,去馬!
「佢兩個夜蒲時識, Kelly知 Amigo(崔建邦)係藝人,對佢特別熱情,嗰晚兩個不停咬耳仔, Amigo直頭攬住 Kelly,完全睇唔出係初相識。到第二日, Kelly主動 WhatsApp佢,話咁快就撻着喺埋一齊。」知情人說。
現年十八歲的 Kelly去年由廣州來港,因樣靚身材正,簽約成為 Mandy Lieu師妹。
「 Kelly覺得自己好索,自認係翻版吳千語,成日話要嚟香港搵佢個『林峯』,林峯就搵唔到喇, Amigo都照殺。佢本來住喺親戚屋企,但識咗 Amigo唔夠兩個月,就搬去人哋度住。早排佢哋慶祝拍拖三個月, Amigo下廚、送花同佢慶祝,仲將食物砌成心形, Kelly冧到喺 Instagram晒命。」知情人說。

崔建邦撻着十八歲的 Mandy Lieu師妹 Kelly,日前二人去銅鑼灣拍拖,崔建邦全程保持距離。

唐詩詠與崔建邦相戀以來,男方多次被踢爆偷食,但至今唐詩詠仍堅稱他對自己很好。

本週一(二十日),崔建邦坐的士離開飛鵝山,返回無綫
開工。

男方縮骨
崔建邦知道被踢爆同居後,竟叫 Kelly暫時搬去灣仔,本週一(二十日)她在 Instagram上載素顏愁樣,表示好唔開心。

Kelly去年由廣州來港發展,過去一年拍了約十個電視廣告,成績不錯。
拍拖扮唔識
Kelly在港朋友不多,平日多數留在崔建邦的飛鵝山屋企玩煮飯仔,間中陪男友去大浪灣享受陽光與海灘,比怕曬的唐詩詠跟崔建邦更合拍。
為保密戀情,日前兩個到銅鑼灣拍拖,崔建邦刻意同女友保持距離,更提高警覺不時四處張望。而一直殿後的 Kelly只能摩打腳跟到實,見她不斷從後跟男友說話,但崔建邦卻十問九唔應。

崔建邦開設製作公司,主力幫人搞公司活動,有時會找唐詩詠做司儀,有錢齊齊搵。

Kelly早前跟梁烈唯一起拍廣告。

Kelly青春無敵,有樣有身材,崔建邦非常識食。

Kelly是 Mandy Lieu師妹,她希望像 Mandy一樣進軍影圈。

崔建邦事業翻生,近期跟汪明荃一起主持清談節目,再度得寵。
自出自入
以為崔建邦跟唐詩詠的關係終於成為「過去式」,但上週三(十月十五日)下午,本刊卻發現她帶同愛貓,駕車離開崔建邦的住所。
壹:壹週刊 唐:唐詩詠
壹:頭先係咪去搵崔建邦?
唐:總之我去湊番佢(貓貓)。
壹:崔建邦同新女友 Kelly一齊住,你識唔識佢?
唐:唔識呀,我今日淨係負責湊佢(貓),我未見過佢女友。
據知二人已正式結束情侶關係,並協議共同撫養愛貓「銀仔」。「之前 Natalie(唐詩詠)俾人影過揸車接 Amigo去街,其實係 Amigo冇錢帶銀仔睇醫生,所以接埋佢哋,順便埋診所張單。銀仔係佢哋拍拖時一齊養,邊個得閒就邊個照顧。以前 Natalie負責銀仔生活費,但近期 Amigo間製作公司生意好咗,有本事由西貢村屋搬去飛鵝山,而家 Amigo有適合嘅工作都會預埋 Natalie,兩個關係好好。」
由情人變知己,早前唐詩詠接受訪問,大方公開與崔建邦的關係。「我哋之間經歷咗好多,當中有好多嘢令我哋再次走埋一齊。發現第三者當然有嬲過、喊過,(點解可以接受男友有第三者?)一言難盡,過去咗就由佢過去,佢對我其實好好,最終我哋選擇以朋友關係相處亦係一件好事。」

唐詩詠和洪永城在《載得有情人》嘴完之後,傳出緋聞,洪永城大讚她是好女仔。

 

九月二十二日凌晨,洪永城在微博借宮崎駿的動畫說了句「真正心裡(里)有你的人!」意指心裡有你的人,會無時無刻關注你。他留言半粒鐘後,身處上海拍劇的唐詩詠,即上載放滿玫瑰花的心形盒照片,並寫上「 Love is all around me」,微博傳情。

唐詩詠不乏桃花,早前傳古天樂覺得她似其舊愛黃𨥈瑩,拍電影《逃出生天》時對她分外體貼。


唐詩詠同馬國明拍攝《鐵馬尋橋》後傳出緋聞,有指當時崔建邦曾四圍唱馬明搶人女友。
住家菜
崔建邦為密封戀情,平日比較少同 Kelly出街。除偶然去大浪灣游水外,主要在家玩煮飯仔,連慶祝拍拖三個月都不例外。

拍拖 3個月

拍拖 3個月時,崔建邦送花,並親自下廚餵飽 Kelly。雖然 Kelly自稱 18歲,但在 Instagram又話自己 21年來第一次慶祝這樣的日子。

煮飯補數

崔建邦平日少同 Kelly去街,唯有入廚補數, Kelly大讚好味。

沙灘解放

Kelly和崔建邦愛游水曬太陽,會在閒日去大浪灣,貪少人唔怕被人偷影。
好識食


崔建邦與唐詩詠拍拖多年,其間男方與多位靚女傳緋聞,導致二人多次離合。

郭思琳
2010年 11月,崔建邦帶有「翻版李嘉欣」之稱的模特兒郭思琳返家過夜,斷正後郭思琳辯稱自己瞓梳化。


Marina V.
2010年 9月,俄羅斯模特兒 Marina V.與崔建邦夜蒲後,同車離去,當時 Marina直認對崔建邦有好感。


鄺敏慧
2009年 8月,崔建邦瞞住唐詩詠,與鄺敏慧撻着,翌年男方被爆向女友動粗,但鄺敏慧於案件開審前突然「放生」崔建邦,最後他毋須留案底,但要守行為一年。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()