全知言

維基開台 張開雙眼最想見到邊個?

Ads by Google

維基嘅香港電視終於決定喺 11月開台,仲話會喺大台 11.19台慶嗰日賀賀佢喎!講真大家等到頸都長,今鋪可以認真告別臥底開飯食公仔麵。
全知言今期就訪問咗幾位靚女明星,睇吓佢哋喺香港電視呢個新平台入面,最想見到邊位藝人演出?估唔到吳雨霏竟然乘機 hard sell自己,咁不如集齊其餘 8位餅碎,整番套《女子組合血淚史》啦,有得諗喎維基! 


全知言
收$500圍蘋果唔該專業啲!

吳雨霏 乘機自 sell

吳雨霏 08年同 Stephy拍完《絕代雙嬌》後已再冇電影出產,估佢唔到佢原來咁大戲癮。

如果加入維基嘅話,我覺得不如就搵我啦!因為我自己對拍喜劇都非常之有興趣,雖然 N年前拍過啲搞笑嘅電影啦,但係我自己不嬲都喜歡啲氣氛好啲、笑吓嘅劇。我覺得一啲傻吓傻吓、傻大姐嘅角色都幾啱我自己。同埋我唔怕醜化自己,甚至可能愈核突嘅都 ok,我覺得可以係一個挑戰囉!
吳千語 最愛廖啟智

之前都睇咗佢好多電影,佢係一個我好鐘意嘅香港演員,演過好多好突破嘅角色,好似之前同郭富城嗰套(應該講緊《 C+偵探》),自己好期待佢嘅新作品,因為覺得佢做嘅角色,每一次都有好多驚喜俾觀眾,我自己好期待睇到佢嘅演出。(其實智叔已經拍咗《警界線》等住出街)

智叔 07年同阿城做嗰套《 C+偵探》更係港產懸疑片經典。
Rosanne 掛住張栢芝
做劇呢,張栢芝吖!我覺得佢做戲有一種魅力,同埋好掛住佢拍戲嗰啲好喪好豪放嘅角色,好掛住佢,返嚟拍啦!

栢芝好戲唔使講,做妓女更加入木三分,不過要栢芝拍香港電視劇就難啲囉!
街坊最想睇影帝
反正都係希望,有市民就索性話想張家輝入 HKTV,明喎,唔通俾個劉錫賢你又睇住先咩?
恨睇張家輝
個劇本同佢係發揮得好,比如張家輝嗰啲囉,咁但係呢啲老實講,人哋做咗影帝又會唔會返嚟拍劇,呢個當然係另一個問題啦!但係我真係好鐘意,如果有嘅,都會吸引囉!

Micky

張家輝拍完《激戰》拍《魔警》,如果真係去 HKTV,收視一定爆燈!
林依晨好戲

如果是女演員的話我比較喜歡林依晨。你看她拍那些台灣的偶像劇,收視率很高,而且我覺得她偏激的粉絲比較少,就是一個很好的形象,在其他地方口碑很好亦不錯呀。

國語人 Candy

林依晨貴為台劇天后,拍港視劇都應該受歡迎。

即時報料
有料、有相、有片即刻 send嚟啦!
熱線 9222 0828
電郵 facenews@nextmedia.com
facebook: facemagazine inbox
LINE、 we chat id: facemagazine

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()