1/10北京返新公司
北京電影學院,相信每個藝人都想喺度深造,可惜今次冇時間,不過, I'll be back!

Ads by Google

真面目
一路向北 高鈞賢強國漂流日記
9月離開大台,高鈞賢休息一個月後即重新出發,簽約「盛世強音」做旗下藝人,雖然賣身 6年,但 800萬人仔袋袋平安,加上新公司會有自己製作,連胡兵都係靠呢間公司上位,信心保證,考慮個多月已經答應啦!
10月 1日坐飛機到北京返新公司蒲頭,見老闆、見公司其他藝人,仲有幸同師兄、中國首席男模李學慶同枱食飯,飯局上更互相分享過往演出經驗。未夠一個月,強國生活已夠高鈞賢享受,都係嗰句啦,好過留喺大台做非禮阿婆角色囉!

同師兄李學慶晚飯,適逢師兄生日,當場就唱咗首生日歌俾佢聽啦!

雖然《山海經》係古裝片唔需要露肉,不過高鈞賢都要 keep住個港男身型,隨時用得着嘛!《蘋果日報》圖片
15/10橫店安頓新居
10月 15日去到杭州的橫店,準備拍人生第一部內地劇的劇組,劇組安排的酒店房其實都唔差,最緊要夠大,入劇組前,每日都要拎住劇本熟讀,始終國語唔係好精,背多幾次點都好過埋位時甩漏啦!唔可以失禮香港人嘛!

劇組安排嘅酒店設備唔差,而且夠晒大,最緊要係夠靜,讀劇本都易入腦啲。

 

要喺橫店住 3個月,唔怕 home sick最怕冇嘢食,所以一早預備大量乾糧,怕水肚不服就連礦泉水都帶埋嚟。

天氣乾燥潤膚膏亦唔係女生專利,簡直將半個屋企搬咗過嚟!

17/10橫店影視城正式開工
10月 17日真正為《山海經》試造型,雖然呢個妝以前在大台都有類似的做過,不過今次係做奸角,而且仲有變臉效果,真係好期待拍出來的效果!早兩日收到一個好消息,年底要為吳思遠和丁鴻華導演的新戲《瓶子裡的星星》開工,今次真正做男一,仲要拍住國內影后奚美娟,有 30萬片酬,拍到大片,又學到嘢,部戲仲會喺 2015上海國際電影節播出,睇嚟離開大台轉簽國內公司,真係無決定錯!

《山海經》最終定妝,今次唔使再做昏君,要做奸角,唔知點解試造型個樣就自動波奸咗!

嚟緊會接白由吳思遠(小圖)同埋丁鴻華導演嘅新戲《瓶子裡的星星》,做男一,開心都嚟唔切。

去到橫店,收到消息將擔正做電影《瓶子裡的星星》男一,果然冇白費仆去上海見丁鴻華導演!

採訪、撰文:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()