陳彥行有份拍《大凶捕》,飾演「姐妹情殺案」嘅家姐角色。佢呢個裝扮又幾懷舊喎!

Ads by Google

媽咪姐
陳彥行翻拍情殺案連邪 3次
有線 11月出街嘅靈異電視電影《大凶捕》,最近拍攝得如火如荼,其中一個單元劇就揾咗依家喺數碼電台開咪嘅陳彥行同 2013年落選港姐張敬仁( Kendy),翻拍喺 84年荔枝角邨發生嘅「姐妹情殺案」。有傳案發後,單位不時鬧鬼,媽咪姐聽完都有啲毛管戙。


《大凶捕》拍攝嗰陣,亦發生唔少怪事。劇組原本安排用 4日拍 3個地方,點知臨到開工前一日,突然接連收到幾個電話話取消借場,包括米舖同公屋,就算申請咗拍攝都被趕走。見慣世面嘅行姐當然話唔怕啦!但有份拍嘅 Kendy就話:「聽到真係有啲心寒!」梗喺啦!兇案邪成咁,邊個夠膽借地方拍喎!

喺 7號嗰日,陳彥行原定要去屯門嘅公屋開工,估唔到拍咗兩個鐘,房署突然殺到,勒令收隊。編導嘉華都話耐人尋味。

Kendy對連番「被取消」借場,都聯想到係「情殺案」兩姊妹唔 like,出手阻撓。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()