10年前 Beyond三子開演唱會,阿 Paul仲拍世榮膊頭,睇落好照顧佢。但家強講,原來唔係喎!

Ads by Google

媽咪姐
Beyond企硬互鬧毀錢途
Beyond三子阿 Paul黃貫中、黃家強同葉世榮加埋都百五歲,仲係日嘈夜嘈,唔知為乜!早前家強喺微博寫咗成萬字,數臭前經理人同埋阿 Paul,話阿 Paul當年嫌棄世榮,覺得收入分配對佢唔公平,講坦白啲就係得佢一個做,但要養埋世榮,所以寧願解散。媽咪姐都係 Beyond粉絲,聽到呢番說話真係想講句「撞鬼咩!」當年家駒都付出咗唔少,又唔見同阿 Paul計。

不過有位唱片界嘅前輩同媽咪姐講,原本諗住做和事老,但家強同阿 Paul兩個都火爆,唔認衰,點都傾唔埋。查實以佢哋當年嘅人氣,食老本都仲有排做,錢真係長搵長有,但家強今次咁爆大鑊,點有彎轉吖!所以話架係自己丟,米都係自己倒嘅!

家強喺微博寫咗封睇極唔完嘅文章,其中一段話「 Beyond解散真正原因,黃貫中親口對我說不想再養世榮了」。唔知阿 Paul有冇同世榮講唔想再養家強呢?

爆完就走
家強呢頭發毒誓話「全部千真萬確,如有謊言絕子絕孫。」轉頭就話要離開微博是非地。後門閂得好快!

5年前阿 Paul同家強開騷,果然係飛起世榮。睇嚟家強冇吹水。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()