一班拉晒橫額嘅黑社會、口罩大叔同鄉音大媽,一字排開操到壹傳媒大樓外叫囂。

媽咪姐

捍衞新聞自由絕不低頭

Ads by Google

作為一個 C9,好坦白,媽咪姐都只係想過啲得閒 shopping嘆吓 high tea嘅 hea爆日子。不過,世界變咗,香港已經唔係我哋認識嘅香港。政府幫晒大財團, 689及高官齊齊僭建囤地做劏房,然後廢噏幾句就可以無事,現時又要港人「袋住」有篩選嘅「普選」!


終於學生忍唔住嘞!雨傘運動,遍地開花。警方清場,射完 87個催淚彈,再有黑警毒打示威人士。喺周日( 12日)開始,仲有大批黑社會、深圳大媽、口罩大叔同金毛青年,圍堵壹傳媒大樓,阻礙《蘋果日報》出版發行。
問心嗰句,大家數吓全香港仲有幾多間傳媒會揭政府黑暗面?大台攝影師拍到黑警毒打示威者嗰段片,播咗幾個鐘就俾高層「河蟹」咗嘞!好彩網民手快瘋傳,先保得住!你真係想有日香港得番 CCTVB?同愚民日報?媽咪姐就撐硬新聞自由!記者們加油呀!

右邊呢位着灰色衫、聲大夾惡嘅原來係坑尾村村民廖達文,有 9次刑事案底,仲因為襲擊人民力量成員而被罰款。

成班戴口罩、連水都唔敢飲(驚除口罩俾人認出呀!)嘅所謂「示威者」,忽然衝出馬路坐,阻住運報車出入,坐到夠鐘就起身走人!

連日嚟,壹傳媒集團嘅記者、員工自發到公司門外,防止黑社會、口罩大叔同鄉音大媽等衝擊,組成人鏈護送運報車通過。辛苦了!
向 TVB新聞部 46君子致敬
周三( 15日)傍晚,一班有良知及專業操守嘅大台新聞部記者發出公開信,對管理層刪去黑警圍毆示威者旁白,表示遺憾,矛頭直指大台嘅新聞部主管。而我哋熟悉嘅主播好似吳璟儁同利君雅都有份聯署,但至晚上截稿前,一班靚樣主播好似周嘉儀、張文采同伍家謙都無影。

TVB新聞部總監袁志偉

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()