靚抽王

散 Band血淚屎

Ads by Google

樂隊嚟講,兩個字,咪就係「是」同「非」囉,正所謂念念不忘,必有迴響,好似 Beyond呢啲傳奇樂隊,都係逃唔過散 Band、互罵、我是憤怒、天天都可騷擾你嘅 Rock友宿命?其實喺香港,所有長壽嘅樂隊嚟嚟去去都係得一個下場。講到尾,散 Band?無非係為咗重組啫!


反目成仇組: Beyond、達明一派
Beyond:音樂傳奇家駒去世後, Beyond三子都捱咗一排,散 Band後開始一連串互數不是嘅鬧劇。最有趣嘅,係當中有一種慣性,就係鬧幾嘢,過一排又會聚埋一齊搞番場演唱會搵真銀,到差唔多大家就快唔記得佢哋嘅嗌膠歲月時,佢哋又會走出嚟吵一場。好似今次咁,黃家強講番當年散 Band內幕,話係阿 Paul唔想養世榮。唉,其實當年可能人哋年少無知啫,正所謂朋友多好,年少多好,一番爭執不會記入腦呀嘛……查實爭乜吖,溝埋一齊再做多場演唱會搵真銀好過啦!


達明一派: 2006年劉以達同商台俞琤不和,商台停辦達明一派演唱會,劉以達力斥明哥冇骨氣,宣稱「達明一派已死」,不過到咗 2012年咪又再一齊搞演唱會!
好嚟好去組: LMF、 Swing


LMF:所以話講粗口唔代表冇文化,雖然 LMF紅過又散咗 Band,但係成班義氣仔女都冇發生過「互數不是」嘅笨實嘢, 2013年就重組喺廣州開演唱會,繼續槍口一致對外 X。


Swing: 1999年組隊 3年後散 Band, 2011年再復合,搞咗次演唱會,再散 Band。對佢哋嚟講,組隊玩音樂同去夏威夷度假一樣,鍾意咪去吓囉,唔鍾意咪各有各玩囉,又唔使死嘅。 Swing真係 Swing,雲淡風輕,令人敬佩。學嘢啦!你班 Rock友!
荒謬現象學
每期荒謬現象學為你解構娛圈嘅不尋常現象!

撰文:娛文樂

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()