me.jpg

Joey Yung
芥辣黃色毛毛 trench coat$60,000
黃色印花茄士咩絲巾$7,300
黃色塗鴉牛皮腰帶$10,500
all Burberry Prorsum

Ads by Google

over face
容祖兒 接受到全裸
十年前跟祖兒到倫敦拍攝寫真集,一連十日的行程,除咗瞓覺外基本上是對到足,工作 shopping一日三餐,相處後總結是,她為人冇架子。
十年後,同樣是倫敦,拍攝封面照,感覺仍是同一個容祖兒,分別是她已是樂壇一姐。常說人紅就囂,大牌明星特別多是非,但以我目測,呢件事絕對冇發生在她身上,還跟我說現階段想繼續搏殺,就算連《色,戒》全裸的尺度都接受到,之後再談結婚、生仔兼退休後的生活,這樣 personal的祖兒,你見過未?

Profile
 
Joey Yung
出生日期: 1980年 6月 16日(雙子座)
出生地:香港
身高: 5呎 6吋
體重: 103磅
簡歷: 1999年,推出首張同名 EP《 Joey》;於 03至 07年度《十大勁歌金曲頒獎典禮》連續五屆蟬聯「最受歡迎女歌星」;亦係首位女歌手獲得三屆,「四台聯頒音樂大獎——傳媒大獎」; 11至 13年「全年最高銷量女歌手」。
重要作品:唱片《誰來愛我》( 00),《隆重登場》( 01),《我的驕傲》( 03),《 Close Up》( 06),《 Joey Ten》( 10),《 Joey& Joey》( 11),《小日子》( 13)。電影《魂魄唔齊》( 02),《神經俠侶》( 05)。演唱會《容祖兒黃金十年演唱會》( 09),《 1314容祖兒演唱會》( 13)。
Instagram ID: yungchoyee

結婚有共識
 
好姊妹結婚,除了替她開心外,或多或少都會幻想幾時到自己,老闆楊生更預先開出送 150圍酒席作賀禮,唔知容祖兒幾時可接收這份厚禮呢?
「 Yumiko結婚嗰日,的確有過想嫁的念頭,但呢啲事唔會一蹴而就,所以諗咗陣就冇再幻想。每個人總有自己嘅時間表,唔會因為好姊妹結婚就急住結。」
每個人總有幻想過自己的結婚場面,以容祖兒的級數及知名度來計,應是世紀婚禮吧。
「一生人大部份時間都從事演藝工作,結婚嗰日想屬於番自己,唔需要同人交代,請十幾廿位親人同朋友見證就好了,但你知啦,可能到時好多人話想同你分享呢一刻,結果愈搞愈大。」
有 plan過,即是有結婚的準備,同劉浩龍的感情應一日千里。
「我同佢喺呢方面有共識,其實我哋係完全兩種性格嘅人,勝在大家都好易開心,諗法正面,透過兩個人的經歷和溝通建立信心,切忌因為自己嘅執着而放唔低某些事情。」

84年
興趣是從小培養的,你睇 4歲的容祖兒已自選鄭少秋的《夾心人》黑膠來播,人仔細細已有小歌庫。

13年
上年容祖兒演唱會期間抱病上陣,幸好得男友大力支持,忍不住大讚他患難見真情兼靠得住。

13年
容祖兒跟媽媽、細佬感情要好,更揚言小時候細佬是陪她玩煮飯仔、扮港姐及歌手的最佳人選。

想拍愛情片
 

Joey Yung
粉紅色併深藍色織圖茄士咩披肩$13,000
Burberry Prorsum

二十歲開個唱,廿三歲首奪「最受歡迎女歌手」後,獎項排山倒海,入行十五年,歌唱事業已到頂峰,卻常被人說是票房毒藥,容祖兒還想在演藝事業作甚麼突破呢?
「唔好成日諗住自己已到巔峰,根本唔係,係大家幻想出嚟,其實喺做戲和表演方面都可以再探索吓,進修吓。我好欣賞舒淇同湯唯嘅演技,自然流露,收放自如。作為一個藝人除了努力外,魄力、內涵都好重要,靠經驗、經歷累積番嚟才是我最寶貴嘅財產。」
講到仲有咁大發揮空間咁,演戲會否有底線?暴露演出都肯制?「露咩先?格肋底呀?哈哈……,(好似《色戒》的程度),如果有個角色一定要有咁嘅表現方法,我會接受到,期待睇到個劇本時已有好多畫面、想法去演繹。(男主角人選?)我幾鍾意胡軍、陳道明和葛優,但首先唔好咁貪心,一諗就做湯唯,如果可以同佢哋做吓對手戲都好好。我拍戲唔多,最鍾意拍輕鬆愛情片,好似《當北京遇上西雅圖》這類生活化又有共鳴的,最好不過。」

退休後唔再唱
 

Joey Yung
寶藍色羊絨大褸$28,500
黃色塗鴉牛皮腰帶$10,500
粉紅色雪紡連身長裙$21,000
猄皮塗鴉露趾高踭鞋$15,000
all Burberry Prorsum

人總有想過退下來的時候,演藝生涯日夜顛倒,過了十年水銀燈下的生活,如果容祖兒真的退下來,接受得到嗎?
「如果我真係退休嘅話,事前應要有一個好大嘅決心,可能係我要將全部心機照顧屋企、小朋友,所以再出番嚟唱嘅機會唔大,講咗退休我就唔會回頭,亦唔會蜻蜓點水式繼續唱,可能只會六十周年出嚟唱一次。如果呢日真係來臨,我已諗定每隔一段時間到不同地方生活兩個月,可能到歐洲不同嘅地方,體驗當地人嘅悠閒生活。」

後記
 

Joey Yung
啡色手繪彩圖羊毛皮褸$60,000
米色手繪彩圖薄茄士咩絲巾$10,500
米色手繪彩圖高衩長裙$24,000
啡色彩繪牛皮腰帶$5,800
all Burberry Prorsum

女星們,尤其是紅嗰批,多是守身如玉,要佢性感多一吋幾乎要出動一噸口水攻勢。容祖兒呢,卻自動波拉低斗篷露香肩,仲風趣地邊影邊說:「唉,食娛樂圈飯就係要咁㗎啦!」為的只是相片更美,一姐地位穩如泰山,就是這樣鍊成的。

撰文: Carmen Chan
形象:黃健華
攝影: Ray Siu  
化妝: Arris Law
髮型: Heibie Mok@Hair Culture
鳴謝: Burberry

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()