佔中人士用黃絲帶,反佔中用藍,特首太在如此敏感時刻扮蕉,係咪想激死 CY?

社交圈
特首太扮蕉佔中

Ads by Google

原本講好上週五同學聯對話嘅林鄭月娥,最終出爾反爾,梁振英亦龜縮唔見人。對話告吹,但當晚 CY老婆唐青儀嘅派對就繼續,喺元創方為廚餘組織惜食堂搞籌款晚宴,實行另類佔中;而一班富豪闊太,都冇因為示威封路遲到,個個準時到達,見到特首夫人仲如蟻附膻黐埋去。
最奇係喺呢個顏色代表取向嘅時候,特首太冇著大會綠色 dress code,竟然挑戰黃絲帶,打扮到成隻黃蕉咁現身,真係唔知梁太係無政治智慧,定係借衫明志呢?


罕有出席呢類活動的前特首、現任政協副主席董建華,既然搞智庫為梁振英獻計,阿太吹雞,他當然要現身撐。
玩具大王蔡志明老婆有份做晚宴搞手,但蔡生冇到,由大女蔡加敏做代表;問蔡太新抱圓圓開始減肥未?「圓圓餵緊人奶,個孫女好得意,有時似個仔、有時又似個新抱。」


美心第三代後人伍偉國亦難得拖埋太太、鷹君集團太子女羅寶盈去惜食堂晚宴,由於餐廳位於元創方六樓,佢哋要同幾十個嘉賓一齊等𨋢,不過等咗一陣,伍生決定放棄,同太太走去行樓梯。


林建岳前妻謝玲玲以一個卅多萬的綠色鱷魚皮 Kelly手袋點題,講到健康飲食,佢話:「我鍾意食,但有做運動,又少食多餐,每次七分飽,反而係啲仔女夜瞓又食宵夜,我都叫佢哋唔好。」


已經甚少去 ball的賭王二房長女何超瓊,這晚一身黑裙嚟捧場,唔知有冇特別意思呢?


這晚邱德根兒子邱達昌出動全家贈興,他與太太吳惠平和兒子邱華瑋甫到場即孖住 CY太影相,而三個女兒亦一早嚟到,一家人齊齊撐。


二女邱詠賢和丈夫同來,女的穿粉紅裙,男的著藍西裝,政治取向擺到明。


大女邱詠筠(中)收起豐胸,以花裙赴會,細女邱詠麒身穿藍裙,立場都好明顯。
徐子淇不知是否要準備翌日的智行晚宴,所以這晚李家誠要單拖赴會,反而徐子淇父母(圖)就有到場,仲好開心咁識咗特首夫人添。



平時好 social嘅莎莎郭少明夫婦,呢晚見到記者扮見唔到,叫住傾兩句都直行直過,可能係怕講乜都死啦。



撰文、攝影:名人組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()