社交圈

阿太的盛宴

Ads by Google

撐佔中、反佔中立場唔同好易無朋友,但生活總要繼續, party must go on。徐子淇就最識講嘢,用扮靚心得去緩和兩派朋友緊張氣氛,所以週六晚搞智行基金幫愛滋遺孤搞晚宴籌款,老友都珠光寶氣過海去尖嘴撐場。


徐子淇 兩面討好
穿上 Prada喱士裙的徐子淇,胸前扣上紅絲帶,佢解釋話:「係幫愛滋遺孤,各地人都希望有愛。」李太話兩個女因佔中,每日花兩個半小時返學,但去迪士尼玩卻無塞車,「今次完全無人,又唔使排隊,道理上應該好開心,但我好心痛;我都想有普選,兩邊聲音都有聽,亦有朋友因為呢件事冷戰,但我希望大家珍惜親情、友情,我同老公是溫和同一致。」
何倍倩 完美結局


護膚品牌 Zensation老闆娘何倍倩,以英國的 Temperley London裙襯自家設計的鑽戒,「 TLA代表 Terrence(丈夫英文名) Loves Anina,係咪好難頂?哈哈哈!」提起佔中,她最關心是如何有個完美結局,「依家已經唔係話支持唔支持(佔中),大家要聆聽、退一步,先有和諧、開心結局,如果覺得自己啱晒,就永遠唔會好番。」
周國豐太太 阿仔心散


周國豐太太雖然著住 Marchesa藍色晚裝裙,但就直言跟老公是政治中立,只係交通問題殺到埋身,「阿仔每日用四個鐘來回返學,因為停學十二日就心散,最近復課後唔願返學,我有事要到中環,都寧願唔去留喺屋企。」
林恬兒 黑白夫妻檔


以往單拖出席智行 ball的林建岳大女林恬兒,這晚就繑住老公、星島何柱國兒子何正德一齊出席,佢哋冇揀敏感的黃、藍色嚟著,以好 formal的黑白禮服出席,夠晒安全。
楊諾詩 失儀


今次晚宴有英皇珠寶贊助,老闆之一的楊諾詩當然全套架生上陣,戴住牛眼咁大,價值三百萬的珍珠鑽石鏈套飾襯 tube dress晚裝;只係條裙頻頻下滑,露出膠紙邊,搞到楊小姐顧不得儀態當眾抽裙,安全至上嘛。

撰文、攝影:名人組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()