唔做幕前,張舒雅連扮靚都 hea,素顏加雙下巴,港姐喎!

同你吟一吟
張舒雅 hea一世

Ads by Google

被稱為「史上最 hea港姐」嘅張舒雅,就算轉行做 model,工作態度一樣咁 hea。冇工開,張舒雅一日到黑响社交網站分享美食、去 party、去旅行出海靚相,上個禮拜一(十月六日),繼續 hea,同兩個朋友 hea遊又一城。


第一站,醫肚,三條 Queen,食量有限,食唔晒,朋友用外賣盒打包走人。食完行街,張舒雅繑埋雙手 hea睇護膚品,但冇收穫,轉場踩落九龍城。
已經一街都賣緊大閘蟹,張舒雅唔執輸,買!雖然冇落手自己逐隻揀,但都將黑超推上頭頂落足眼力睇,最後揀咗要$320蚊斤嘅貨,好識食。
買完蟹,張舒雅見到《壹》仔,於是同朋友快腳跳上架去九龍塘嘅綠 Van走人。家住九千呎九龍塘豪宅,屋企做珠寶生意,身家億億聲,張舒雅 hea一世都得。


不時不食,大閘蟹更加唔重唔食, 320蚊斤,一隻五兩半到六兩,識食。

買咗大袋蟹走人,張舒雅同朋友走去追綠 Van返九龍塘豪宅。

眼闊肚窄,朋友提議將食剩餸打包,張舒雅幫手撥落外賣盒,有衣食。

08年以大熱姿態成為港姐冠軍,同屆仲有得寵高 Ling。

唔做港姐,張舒雅走去做 model,但工作態度一樣咁 hea。

撰文︰八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()