行去攞車前,先去買生果,見到《壹》仔,葉佩雯揮手招呼。

同你吟一吟
第一代英皇三小花 葉佩雯最早定性

Ads by Google

有高人指點,猴旺楊受成,所以當年英皇簽人,馬騮仔女優先,亦必被力捧,包括一哥謝霆鋒、一姐容祖兒。同 Joey同期,仲有一樣屬猴嘅葉佩雯、何嘉莉。


第一代英皇三小花,何嘉莉第一個劈炮解約,○六年同甜品鋪老細結婚,前年先生咗個仔,但最近突然爆出原來今年初已經帶埋囝囝 Jean離開夫家,做單親阿媽。
何嘉莉自稱各行各路同第三者無關,純粹雙方唔啱 channel,拍拖結婚一齊超過十年,先發現一個左一個右,都幾化學!都係葉佩雯最定性,同 Eric Kwok拍拖十一年,結婚三年,二十歲揀好咗,就冇變過。
人各有志,三小花中對公司最死忠嘅容 Joey雖搵得最多,亦終於俾劉浩龍拗番直,不過,究竟會否如當事人所願,三十五歲結婚生仔,就要睇劇情發展,下年六月就到期, let see la!

由拍拖到結婚,同 Eric Kwok一齊就滿十四年嘅葉佩雯,繑住老公好小鳥依人。

 

離埋婚
舊年八月,何嘉莉仲同老公拍拖去買衫俾囝囝,估唔到幾個月後,兩公婆就各行各路。

未出嫁
出年六月就三十五歲嘅容祖兒,恨嫁恨到出晒聲,老闆楊受成亦講過如果佢結婚包一百圍酒,老闆開綠燈, Joey做劉太有望。

第二代英皇三小花, 3T成員劉思惠、蔣雅文已經離巢轉行,仲係英皇人嘅 Yumiko,舊年亦同拍拖八年男友 Andy拉埋,加入人妻行列。上個禮拜,兩公婆走咗去九龍城街市熟食中心醫肚,之後恩愛手拖手離開。


撰文︰八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()