响摩天輪前影合照,栢芝手上部手機唔係炒價 iPhone 6,而係盛傳俾咗 8,000萬人仔做節目特約廣告商嘅大陸版手機 OPPO。

同你吟一吟
撼贏 Baby 張栢芝天價做村姑

Ads by Google

大陸綜藝節目廣告贊助利錢高,要爭客,收視更加鬥到你死我活。上星期五(十月十日),大陸版 Running Man《奔跑吧,兄弟》响浙江衞視首播,對手江蘇衞視出動張栢芝、黃聖依等人孭飛嘅《明星到我家》硬撼。


《奔跑吧,兄弟》被睇高一線,事關第一集就有 Angelababy濕身落水,又有金鐘國擔任神秘嘉賓,點知《明星到我家》居然爆冷奪冠,真係跌到一地眼鏡碎。
真人騷,張栢芝、黃聖依、內地小花旦李金銘,以及韓籍女星秋瓷炫齊齊下鄉做村媳婦,節目入面張栢芝耕田餵豬煮飯,早排佢仲帶埋「老爺奶奶」嚟香港自由行,行街 shopping做 facial再出海睇夜景。
聽聞今次江蘇衞視好疏爽,單係張栢芝,已經俾到 3,000萬人仔,泊得住郭富城做《中國好舞蹈》評判,袋咁大嚿,張栢芝自己做埋節目內容統籌,佢仲搵埋老友 Rick Chin幫手,有錢齊齊搵。

節目要四位「新抱」帶「老爺奶奶」返自己長大嘅地方旅行,張栢芝於是安排兩老嚟香港自由行,一齊出海睇夜景。

 

「老爺奶奶」响鄉下養豬,張栢芝要幫手落田種粟米做豬糧,之後再拖隻豬出市場賣。

張栢芝煮飯,黃聖依切菜,估唔到觀眾原來鍾意睇女星做村姑。


身為節目統籌,張栢芝連拍攝內容都要度埋,又搵埋老友 Rick Chin幫手,話要捧對方轉型做幕前。

Baby落水濕身打響《奔跑吧,兄弟》頭炮,點知收視都係輸俾《明星到我家》。


撰文:八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()