食完消夜後,大孖和蔡思貝轉場食糖水,過馬路時都玩一餐,非常 sweet。

探熱針
酒店爆房 蔡思貝姣擒周志文

Ads by Google

新一代港姐姣精蔡思貝,雖然同大隻舞男麥秋成拍緊拖,但先天進取主動,緋聞依然一單接一單。拍無綫新劇《衝線》,蔡思貝主動黐男主角羅仲謙外,上月出埠到台灣拍外景,又發功姣掂「巨聲大孖」周志文,甚至主動摸上對方酒店房過夜。返港後,二人再相約食飯歎糖水,甚至在馬路中心拖手,繼續偷食真人騷。

 

酒店房過夜
上月無綫重頭劇《衝線》到台灣拍外景,首次孭重飛做女一的蔡思貝,拍劇不忘施姣功,跟男主角羅仲謙嘴出火邀對方食消夜外,又狂電「巨聲大孖」周志文,拖手仔傾密偈。蔡思貝姣得光明磊落,擺明車馬,聲言唔怕大孖𡃁模女友 CoCo袁紫僑呷醋。
去到台中拍外景,見名草有主的羅仲謙刻意同自己保持距離,蔡思貝索性集中火力,生擒大孖。
「喺台灣拍外景咁耐,成大班人晚晚都會約埋一齊食飯,有晚思貝同大孖兩個都飲咗好多酒,未食完飯已經好 high,之後返到酒店,思貝仲直接去咗廿四樓大孖間房,第二朝早先返自己房換衫開工。其實喺台灣咁多日,大家都有眼睇,兩個肯定撻着咗。」工作人員透露。

上週三(十月八日),大孖和蔡思貝去錄音室探吳若希班。

之後周志文和蔡思貝跟吳若希去食消夜,落車時,大孖輕扶纖腰。

1:00am
馬路中心拖手大笑
女友變心
據了解,大孖出發到台灣開工前,有米𡃁模女友 CoCo突然主動攤牌講分手,更表明移情向太陳嵐大仔向佐。
「 CoCo同向佐都係跟伍允龍學功夫,成班徒弟經常約埋食飯同上堂,佢同向佐零舍有 feel,加上同大孖咁耐感情淡咗,咪索性嗌分手囉。」知情者說。

蔡思貝在新劇孭飛做女一,拍劇期間,與前排男角幾乎全部辣着,電力十足。

七月,蔡思貝被踢爆與《狂舞派》舞蹈總監麥秋成拍拖,女方被拍到在男方將軍澳屋企過夜。(《 Face》圖片)

10月 6日,《衝線》劇組由台灣返港,蔡思貝跟大孖糖黐豆推行李,之後孖住搭車走人。
互餵糖水
突然被飛,面對熱情蔡思貝,一拍即合。上週三(十月八日)晚,蔡思貝撇低大隻男友麥秋成,跟大孖到錄音室探吳若希,再一行人到九龍城路邊雞食消夜。
約凌晨一點,吳若希跟同行友人揸車先行離開,留下蔡思貝同大孖二人世界。兩人在馬路中心大聲講大聲笑,蔡思貝更主動伸出「友誼之手」,拖住大孖唔放。之後二人搵地方歎糖水,甚至毫不避忌互餵,痴纏到凌晨兩點。

1:30am 互餵糖水


開心一輪,蔡思貝突然發爛上的士走人,而大孖則到附近買生果。

四角關係
明明甜蜜蜜,但離開糖水鋪後,二人在街上傾唔夠幾句,蔡思貝突然黑晒面截的士走人。被撇低的大孖到附近買生果,之後打了幾個電話,便搭的士返回何文田屋企。
「其實大孖近排都幾煩,佢同思貝撻着無幾耐, CoCo又發現向佐一腳踏兩船,想同大孖復合,而家搞到七國咁亂,大孖都未決定點。」知情者說。

12年 4月 周志文+CoCo
大孖跟 CoCo於 12年初被踢爆拍拖並入住女友貝沙灣豪宅,因無綫落令,大孖當時仍死撐唔認女友。

關係七國咁亂
兩個月前,二人未正式分手, CoCo仍將與大孖合照放 Ig。

CoCo跟伍允龍(右二)學功夫,與師傅好友謝霆鋒兄妹都經常約飯局。

14年 4月 向佐+CoCo
CoCo搭上向佐後, 9月初,二人被拍到在銅鑼灣撐枱腳食甜品。

14年 10月 向佐+內地女友
上週五,被 CoCo發現一腳踏兩船的向佐,跟內地女友在圓方食日本菜,全程有保鏢護駕。
發電機 VS集郵王
2013年港姐亞軍蔡思貝,入行短短一年,緋聞戰績彪炳,成新一代港姐姣精。

羅仲謙
拍新劇《衝線》,不時向羅仲謙放生電,更多次姣邀對方食消夜。

舞蹈總監麥秋成
多次被傳媒影到麥秋成揸車接送蔡思貝,出出入入。

崔建邦
有傳合作主持綜藝節目《瘋狂夏水禮》撻着,崔建邦借教路做司儀,博取歡心。

鄭俊弘
硬撬姜麗文長腳,還在對方的處男騷上親自送花「示好」。

沈震軒
同是拍《衝線》,蔡思貝被指對沈震軒表現主動,多次在男方面前做出挑逗動作。
被發電機電親的大孖周志文,花心情史亦有番咁上下,因為專溝有錢女,被稱新一代「軟飯集郵王」。

袁紫僑
同有錢女 CoCo袁紫僑拍拖兩年多,其間男方多次偷食被揭發。

馬賽
與馬賽合作《名媛望族》撻着,瞞住女友摸上馬賽家中短聚。

莊思明
父親是馬來西亞拿督的莊思明,被發現同周志文結伴睇戲,表現親暱。

黃子菲
周志文透過微博私訊已婚𡃁模闊太黃子菲,多次約對方外出見面。

梁靖琪
睇中梁靖琪鬼妹性格,加上父母圈中人脈廣,合作《衝上雲霄 II》時,不時主動埋身搏好感。

撰文、攝影:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()