next1.jpg


「殼王」引薦高 Ling拍攝賀歲片《賭城風雲 2》,戲中高 Ling拍住劉嘉玲,算重戲。 

娛頭

殼王棄徐子珊 勒令全台服侍高海寧

Ads by Google

繼郭羨妮、徐子珊後,就任「殼王」陳國強頭寵的「咪神」高海寧,得寵指數不斷飆升,殼王打骰的大台,全台上下一心谷行高 Ling,令她有本事連霸三線黃金時段劇集,曝光率多過晒班一線花旦。
睇阿頭做人!公司投資開賀歲片,高 Ling亦被安插一角,拍住周潤發、劉嘉玲、張家輝演出《賭城風雲 2》。
愈爬愈高,可以躍身大銀幕,高 Ling角色戲唔算多,但勝在夠搶!著上火紅比堅尼、擘髀揸水上電單車拍海上槍戰,氣勢十足!加上天賦 34D最強胸器,身材、機會、人氣,齊谷。

乘虛而入

○八年落選香港小姐加入大台後,高海寧過去幾年靠一副「架生」,成功取代嫁人生女上岸的徐淑敏,穩坐咪神寶座;但除此外,在大台的演出,大部分以可有可無閒角居多。直至「殼王」叮走徐子珊,進取型的高 Ling才有機會乘虛而入。
有大靠山,高 Ling劇集一套接一套,最近更包攬黃金時段三線劇,包括《愛•回家》、《大藥坊》及《使徒行者》,相反,昔日有「殼」庇護的徐子珊,全年得兩套劇在手,今時唔同往日。
「成班監製都接咗 order,有劇開盡可能預埋高 Ling,話要俾多啲唔同類型角色佢做,等佢有得發揮,唔使淨係 sell性感。其實擺佢入處境劇,都係想日日出鏡入到屋。公司上下好多人都知高 Ling得寵,仲有人見過佢開廠收夜,坐老細車走。」知情者透露。


高 Ling成功踢走徐子珊,得到「殼王」寵倖,對方更勒令全台上下出力捧她上位。 

高 Ling初次同影帝發哥做對手戲,大讚對方是神級演員。 

安插拍戲

拋胸六年,高 Ling終於把握到發圍機會,無綫投資賀歲片《賭城風雲 2》,還有稍後開拍的《使徒行者》電影版,一律有份。
「《賭城風雲》喺內地收過五億,今次開第二集,投資加大,莫講話幾個主角,連啲串星都好紅,導演晶哥又係無綫友,同殼王仲係同學,加上高 Ling身材夠殺,啱晒晶哥路數,佢做劉嘉玲保鏢,可以黐住個女主角,仲有啲場口係專登俾佢騷 quali,所以高 Ling好搶戲。嚟緊《使徒行者》開電影版,講番班主角點樣成為臥底,上頭亦講明一定要預埋高 Ling。」知情者透露。
講到做戲,自己知自己事的高 Ling,在《使徒行者》扮演臥底探員 Amy,角色原本好有發揮,但拍住佘詩曼、苗僑偉、林峯,見晒底!「戲屎」仍須努力,高 Ling還原基本功——晒胸。
早前《賭城 2》劇組出海拍攝水上槍戰,出動三隻大型遊艇,載住過百名工作人員,清晨六點在西貢早禾坑碼頭出發出海,周潤發、余文樂、高海寧先後坐快艇到達拍攝現場。


瞓身演出的高 Ling,著住紅色比堅尼夾出半呎深溝,噴血度爆燈。 

高 Ling擘髀騎上水上電單車衝浪,離罩飛出乳貼。 

為拍今次泳衣戲,高 Ling做足事前準備,成功搣走 15磅肥肉。 

一上船即有工作人員替高 Ling包毛巾,導演王晶還親自教她做戲。 

飛出乳貼

當日先拍發哥及余文樂戲份,下午三點,終於輪到高 Ling出場,成功飛腩瘦腿的她,著住紅色比堅尼, 34D配 24吋腰,玲瓏惹火。
身材天然生晒!高 Ling更挑戰難度,按導演指示,一手操控水上電單車,一隻手開機槍擊退敵人。在海上高速跌盪衝浪,高 Ling身上的比堅尼突然離罩,半塊乳貼飛出,但她依然淡定,繼續做戲,直到導演嗌 cut,才搵工作人員幫手整理。


在《使徒行者》中飾演變節臥底的高 Ling,努力擺脫「花瓶」形象,可惜演技未夠火喉。 

處境劇《愛•回家》踢走蔣家旻、湯洛雯等人後,即將加入高 Ling。 

在《大藥坊》演癡情女子的高 Ling,被大彈戲屎。

積極脂

一直靠 34D生財胸器出位的高 Ling,出席大小活動都「自動波」性感上陣。今次有機會跳上大銀幕,高 Ling事前做足準備功夫,積極減肥,決心搣甩追隨她多年的象腿和肥腩。現場所見,高 Ling不單成功減磅,甚至可以瘦身不瘦胸。
「為咗呢場戲,高 Ling三個月前已經開始減肥同去學功夫,話操多啲做動作會有型啲;呢排佢又成日去做 spa同 body treatment, keep住啲白滑皮膚上鏡。高 Ling前後瘦咗十五磅,件泳衣都改咗幾次,離佢想要嘅馬甲線仲差好遠,始終肥妹底,盡咗力㗎喇!」


高 Ling霸晒三線劇,曝光率遠遠勝過棄將徐子珊。 

搭上「殼王」後,高 Ling成功脫貧,經常周身名牌,出入名店。 

窮家女出身的高 Ling,父母試過在女人街賣假貨被捕,事後高 Ling更喊晒口話:「做極都養唔起成家!」

同「殼王」關係通天,被同事稱為「老闆娘」的高 Ling,開記者會交代時爆喊。 

上遊戲節目都搏到盡的高 Ling,去年錄影《五覺大戰》時,上演一幕「飄移倒奶」,接獲五宗投訴。 

水乳大戰

除了高 Ling,當日還有一班逼爆女 model一齊水乳槍戰。女模在海中心一邊玩 fly board,一邊亂槍掃射,與揸水上電單車的高 Ling球來球往,吸引不少遊船客觀戰。
「其實高 Ling都要玩 fly board,不過上咗幾堂都學唔識,升咗上去企極都企唔穩,唯有搵替身代佢玩 fly board。」一名劇組工作人員透露。
數日後,高 Ling再埋位出海補戲,當日所見,高 Ling有兩名工作人員貼身服侍,每拍完一個 shot,即有人上前為她包毛巾;導演王晶還親自教戲,高 Ling埋位唔夠半粒鐘,導演嗌 good take,收工。


當日拍完戲,高 Ling即趕下場,出席《使徒行者》慶功,換上短裙晒長腿,被途人捉住影相。 


「殼王」下旨,即將開拍的《使徒行者》電影版,會加重高 Ling戲份。

拍六嬸投地

擅長收購空殼公司、人稱「殼王」的陳國強,名下有多間上市公司,包括任職集團主席的德祥企業及錦興集團,投資有道的他,手上最值錢的物業,是位於香島道自住獨立屋,八四年以三百九十萬購入,現已升至一億八千萬,名下至少擁有四部車,包括賓利、保時捷,並配上自訂車牌「 399」。 11年,陳國強聯同兩拍檔以 80億入股無綫成為大台新老闆,去年再夥拍六嬸方逸華,以七億奪西貢地皮,賬面身家保守估計超過三十億。


殼王與太太伍婉蘭 

撐起花旦

得老闆「殼王」陳國強賞識的大台花旦,除了幕前演出機會特別多,衣食住行都會同步提升,名、利雙收。

 

郭羨妮
06年與「殼王」一同出席飯局後,郭羨妮即脫貧換車又換樓,有指殼王專登投資開拍電影《臥虎》力捧做女主角,開工時,郭羨妮有四名護花保鏢,跟出跟入。

 

葉璇
05年與陳國強在北京夜店跳舞,葉璇以辣身舞「磨」掂殼王,即升呢上流社會,揸靚車住豪宅,又有份擔演「殼王」投資的《至尊無賴》,後疑因過分高調被飛。

 

徐子珊
10年得「殼王」寵倖,徐子珊即入住貝沙灣,一度因緋聞太多激嬲米飯班主被打入冷宮,但去年徐子珊再獲「殼王」點燈,在台慶孭重飛演出外,有份擔正的《 My盛 Lady》,亦獲提早播出。


撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()