fuck1.jpg


9月 20日低胸透底 

滾熱辣

陳豪陪老婆遊埠 默認懷女 3個半月

Ads by Google

三年抱兩都未算勁,兩年抱兩先厲害,想知秘訣就要請教「勤力 Mo」陳豪喇!
去年 12月,陳茵媺( Aimee)誕下 Aiden陳梓燁,有傳陳豪想老婆全面停工繼續生,估不到相隔 9個月宣布再佗 B三個半月,話生就生快過打針。
為獎勵老婆連月湊仔辛勞兼肚皮又再受苦,陳豪上周六( 20日)偕老婆去馬爾代夫享受二人世界。當日腹部微隆的陳茵媺,身穿碎花低胸長裙,內褲若隱若現,非常性感。
本刊收到可靠消息,指陳茵媺今胎佗女,湊成「好」字。陳豪出發前亦默認:「應該係咪都 Good嘅!(確定係女嚟?)承你貴言啦!」陳豪笑到甜絲絲,半年後小 Aimee面世,陳家便有兩個 Queen,唔知陳茵媺個肚收得工未呢?

Ads by Google

陳豪與陳茵媺不但鬼聲鬼氣襯到絕,男方更多次以「 My Queen」形容對方,愛得十分高調。縱使陳茵媺因抱大隻囝囝 Aiden,患上「媽媽手」筋膜炎,陳豪仍出盡法寶𠱁嬌妻進行生育大計。以陳茵媺現時三個半月身孕來推算,二人是在 6月回澳洲時造人成功。


Sexy大肚婆 

宣布了佗 B三個半月,陳茵媺終於鬆一口氣。去到馬爾代夫即時大解放,上載騷玉腿加晒肚嘅性感相到微博,還打了一大段英文留言表示感恩。 

上周六( 20日),陳豪大佬做司機,送陳豪陳茵媺去機場。陳氏夫婦落車即向記者揮手,去馬爾代夫享受陽光與海灘,黑超點少得呢!陳茵媺性感打扮透底,陳豪輕裝上機,單手推行李,另一隻手搭實老婆膊頭。

尷尬傻笑明明訂咗頭等機票,但大頭蝦陳豪竟然行錯去經濟位做 check in,最後要地勤人員帶二人到頭等櫃枱。陳茵媺即時與陳豪對望以笑遮醜,呢兩公婆幾時都咁 sweet。 

陳茵媺宣布懷有第二胎後,大部分網友都送上祝福,但亦有愛貓人士重提棄貓一事。 

上月掃孕婦裝


公布有喜上周五( 19日),陳茵媺現身活動時公布再次有喜。由於太過突然,即被大批記者追訪。 

上月初,本刊發現患上筋膜炎的陳茵媺孭住 Aiden到上環 shopping,當時已見其外傭手上的戰利品,全是名牌孕婦裝,剛生完 B仍繼續添置大肚裝,可見當時她已知自己有孕。據陳茵媺身邊密友透露:「其實 Aimee喺 7月已經知自己有咗,所以好勤力去做物理治療,希望左手嘅筋膜炎快啲好,因為就快要湊第二個 B。先前阿 Mo仲講緊想追多個女,估唔到咁快俾佢搞掂。」
陳茵媺上星期對外報喜時,表示想兩個小朋友年紀接近啲,感情會更好。其實醫生一般都建議媽媽於產後,隔一至兩年才懷第二胎較好,因為媽媽產後身體十分虛弱,需要時間進補調理。而子宮及肚皮在短時間內要脹大兩次,絕對是苦差,再加上產前產後均受賀爾蒙影響,情緒容易大起大落。幸好天生樂天性格的陳茵媺,由佗 B到生 B,餵人奶到再有喜,依然是笑面迎人。若是一般新手媽媽,必定叫苦連天,更難得她有個細心體貼的老公在身邊。

外遊當獎勵

據知陳豪知道再做爸爸後非常興奮,為𠱁老婆,他一早向公司請定假,待陳茵媺佗 B一踏入穩定期,加上上周五( 19日)她在記招上公布完喜訊,翌日( 20日)即飛去馬爾代夫享二人世界。當日下午三時許,陳豪胞兄揸車送陳豪陳茵媺到機場。身穿掛頸碎花紗裙配平底鞋的陳茵媺,對住鏡頭全程笑瞇瞇。當記者問及 BB性別時,她都不回應,但在旁的陳豪難掩開心,不慎漏了口風。


8月 20日 當街錫錫上月中本刊拍到陳豪陪老婆去中環 shopping,二人到停車場取車時,細心的陳豪叮囑陳茵媺在旁等候,還送上深情一吻後才去取車,冧死人咩! 


奶粉取代人奶當日陳豪手上的戰利品除了陳茵媺的衫同鞋,還有兩罐奶粉,這是市面上最貴奶粉,一罐要 500元。據知該牌子奶粉成分與人奶最為相近,看來陳茵媺已開始轉餵奶粉給囝囝 Aiden。

開心漏口風


Aimee父母留港湊孫 

記:記者陳:陳豪
記:呢胎係唔係女呀?咁咪可以湊個「好」字?
陳:應該係咪都 Good嘅!
記: Good咪即係「好」!確定係女嚟?
陳:承你貴言啦!
陳豪全程笑不攏嘴,記者問他今次與老婆的旅行目的地,他只說:「出 trip啫!」非常秘密。而陳茵媺則拖實老公,入閘前機場職員恭喜她再度有喜,陳茵媺笑住講多謝。

變身性感大肚婆


9月 7日 買健康食品當日不用外出工作的陳豪,獨自駕車到附近超市入貨。見他專揀奇異果、檸檬、玉米片、鮮奶及米粉等,全是健康食品,明顯是為陳茵媺入貨。 

據知今次兩人乘國泰 CX601航班, 6小時後抵達馬爾代夫,再轉小型飛機去小島上的酒店。在陽光與海灘的美景下,幸福滿瀉的陳茵媺暫且拋下身在香港的囝囝 Aiden,即時放鬆心情。周日( 21日)還在自己的微博上載了一張性感相。素顏的她換上另一件碎花透視高衩裙,露出黑色泳褲加白滑玉腿,亮點當然是她微隆的肚子。她還以英文留言,表示為生命充滿奇蹟與禮物而感恩。粉絲紛紛留言祝賀,還讚她漂亮又性感呢!
明年 3月預產期的陳茵媺,剛剛經歷完產後生活,又再迎接產前生活,看來對她來說,家庭事業始終重要過演藝事業。而陳茵媺父母亦要繼續逗留香港,點解?咪就係因為半年後又有孫女要湊囉!

愛貓歸家無期

陳茵媺當年來港發展難抵寂寞養了三隻貓,但佗 B後怕 BB吸入貓毛會引發哮喘,將貓送給朋友,卻被網友猛烈批評不負責任冇愛心,受盡千夫所指。 Aimee稱養貓後才發現敏感,一直靠抗敏藥控制,懷孕後怕影響胎兒不能再吃抗敏藥,停藥後又敏感復發,但一直餵母乳不能吃抗敏藥。為解除誤會, Aimee承諾會待兒子戒人奶後接貓返家。
但現在 Aimee又再佗 B,懷胎十月再加產後餵人奶,相信兩年內陳家都要禁貓。難怪 Aimee報喜後,即有愛貓人士再抨擊她。一年又一年,更難保會有第三胎, April、 George、 Alicia(陳三隻貓),似乎歸家無望了。


家貓 April 

波斯貓 Alicia 

家貓 George

鬼妹大肚百無禁忌

陳茵媺為人西化,雖然有了三個半月,但繼續着高踭鞋出活動,又孭住個重磅仔周圍去,成日着到咁 sexy,抵冷貪瀟湘。日前仲同老公陳豪舟車勞頓飛去馬爾代夫嘆世界,簡直視大肚禁忌如無物。陳豪都是澳洲長大,又咁錫老婆,依家佢個 Queen肯同佢生多個 B,犯禁都由佢啦!


高踭出騷 

孭重 B 

舟車勞頓 

抵冷露肉 

撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()