me.jpg


BabyJohn Choi橙色尼龍風衣$3,200 Paul Smith 

cover face

蔡瀚億 我發明星夢

Ads by Google

對蔡瀚億三個字有點生疏?咁 BabyJohn、柒良應該親切得多。坦白講,我未睇過《狂舞派》,咪噓我住,就係未睇過都知,一班寂寂無名嘅後生仔,喺戲內、戲外點樣追夢,仲追到個最佳新演員獎返嚟;「我認我自己入演藝學院前係發明星夢,乜都想試乜都想做,但入到去後發現自己識嘅嘢真係好少,開頭都幾大打擊同壓力。」
咁咪證明有壓力先有進步,依家總算有半個夢想成真。
最估不到的是,在大家認識他之前婚都結埋,自認追求穩定生活,有了家庭可以努力向外博殺, 27歲仔說得頭頭是道滿口理論,演藝出身係唔同啲,引得我要睇番《狂舞派》,認真了解柒良真工夫。


Profile
 

BabyJohn Choi
出生日期: 1986年 12月 8日(人馬座)
出生地:香港
身高: 5呎 8吋
體重: 138磅
語言:廣東話、英語及普通話。
學歷:香港演藝學院表演系畢業
簡歷:在校期間兩度獲取獎學金,曾經憑《雲雀》及《例外與常規》獲校內傑出演員獎。 10年,憑 Tempo紙巾廣告在香港電視廣告大獎中奪得最佳男主角。 13年 5月,與拍拖七年的女朋友 Donut結婚。同年,香港電影金像獎奪得「最佳新演員」獎。
主要作品:《內衣少女》( 08),《狂舞派》( 13),《 Delete愛人》( 14),《恐怖在線》( 14)。
Instagram ID: babyjohnchoi


扮嘢王
 


BabyJohn Choi深藍色 tee$790黑色針織 zip up外套$3,590黑色長褲(未定價)all Cerruti 1881黑色亮皮皮鞋$5,600Robert Clergerie from Lane Crawford 

喺演藝出身,總會令人覺得你身懷絕技,滿身都是演戲細胞,但原來這種細胞,早在 BabyJohn六、七歲時已蓄勢待發。
「細個無論 Daddy買甚麼電影或演唱會的 LD碟返嚟,我都會扮其中的角色,例如睇《未來戰士 2》,我就會扮機械人 T1000;睇 Michael Jackson就會學佢跳《 Black or White》(屋企人有冇讚你跳得好?)我專登等屋企冇人先扮,所以冇人睇過。唯一一次俾婆婆撞破,當時我扮演緊老師一角,買齊粉筆利用媽咪的衣櫃作黑板,以公仔們作學生,排排坐聽我講書,婆婆突然經過,嚇得我即刻九秒九掃走晒啲公仔,用紙巾極速抹走衣櫃上啲字,即刻坐番低扮溫書。」
讀小學時已經有咁多「演出經驗」,去到中學一定做劇社社長啦?
「中二那年首次接觸舞台劇,當時純粹為消磨時間才參加,結果得到 BabyJohn一角,飾演一班美國街童中最怕醜的一個,自此就以 BabyJohn作英文名兼對演戲產生感覺。」


演一世
 

跟 BabyJohn做訪問,他滿腦子充滿着對電影的熱誠,既然如此,就聽聽他心中的電影世界。
「我其實好想做奸角,唔使奸到出汁,最好表面好 nice其實內裡 dark到爆,呃到全世界再呃埋自己,故事要寫實,就好似馮寶寶那套《不一樣的媽媽》,表面係慈母但暗地裡殺人。
「另一套最鍾意的就是《無間道》,當年買了套戲的劇本集,同幾個朋友翻拍 trailer,走上北角政府合署天台,結果當然係俾人趕走,最後惟有四出搜尋近似嘅位;西片方面,每年必翻睇《 Love Actually》,電影充滿愛,無論社會幾複雜,每個人最靚嘅 moment,就是對住身邊愛人嘅時候。」
好多人話,演員不可以做一世,如果沒人找 BabyJohn拍戲,他又如何打算?轉行的話會做甚麼?
「我不同意,我覺得,演員係可以做一世嘅,好似米高德格拉斯患了癌症,康復後咪又出返嚟,香港代表,則不得不提羅蘭姐,他們每大一年就賺到多一年嘅經歷,演到 80歲都可以有新嘗試;但如果一日,真係冇人搵我拍戲,我會去教人做戲、教琴、幫人伴奏,甚至可試改劇本,再唔係就返去演舞台劇,總之唔會脫離演藝圈。」


91年幾歲人仔又扮老師、又扮機械人,渾身都是戲劇細胞。 

08年廣告 casting時,導演要求 BabyJohn同紙巾玩,結果他把紙巾拋拋接接,跳起紙巾舞來,結果成功當選。 

13年BabyJohn話唔係怕七年之癢先結婚,只係覺得啱時間,婚後可全力為事業衝刺。


愛回家
 


BabyJohn Choi深綠色菱格紋針織上衣(未定價) Carven黑、藍色仿蛇皮紋圖案短褲$2,490 Marc by Marc Jacobs 

很多男演員都堅持要事業有成才談婚論嫁,但 BabyJohn事業剛起步,已簽下一紙婚書,是早熟?還是已肯定找到一生摯愛?
「我拍拖次數不算多,只有兩三次,我和老婆相處了七年,加上我一直很希望有自己家庭,呢方面同我屋企有關;眼見公公婆婆兩個相愛幾十年從未嗌過交,令我自小夢想追求穩定幸福美滿的生活,無論工作幾忙,返到屋企總有人等你、為你分憂,如果仲拍緊拖,根本連見面時間都冇,唔通用 WhatsApp溝通或半夜三更講電話?我要有穩定的家庭生活,每晚打開門就見到佢,就係我最大的動力。」
夫婦二人思想相近,真的所有問題也能分擔?
「冇人會完全明白另一個人,重點係睇吓你願唔願意去分享,其實我仲學緊點樣去 handle一個家庭,呢方面同年齡冇關,每日都有不同事發生,唔會知道下一秒發生咩事,就算突然間死咗,我冇害過人,又學到人生道理就夠啦!」
未結婚就會俾人問幾時結,結咗又會被追問幾時生小朋友,不知 BabyJohn有冇計劃養育下一代呢?
「有,當然有,我哋希望未來一、兩年內有小朋友,但其實呢啲嘢冇得 plan,好似《狂舞派》本來計劃 09年開拍,結果拖到 12年,但如果 09年依計劃開拍,我肯定演唔到依家這個柒良的味道。」


後記
 


BabyJohn Choi淺藍色棉質恤衫$1,890淺灰色短褲$1,990 both Marc by Marc Jacobs白色併淺灰色格仔西裝褸$11,800Black Fleece by Brooks Brothers棗紅色併深啡色羊皮 loafers$8,000 Sergio Rossi藍色格仔短襪 stylist's own 

喺感情上 BabyJohn好專一,但工作上甚花心,想拍好電影,閒時又會作定幾首歌收埋,準備將來或有機會當歌手大派用場。「我覺得做人要不斷學習,不斷增值,好似頭先攝影師叫我試吓當閃光燈每閃一下,我就試轉少少甫士,心諗又幾得意喎,好,我就試,今日又學多一樣嘢喇。」
BabyJohn呀 BabyJohn,真係唔知話你化工作為玩樂,定話你人如其名好似 BB一樣乜都玩一餐好喇。


Shop List
 

Black Fleece by Brooks Brothers 中環雲咸街 18號地鋪  2378 3800
Calvin Klein Jeans 尖沙咀海港城港威商場 2520號鋪  2117 0070
Carven 中環置地廣場 213B號鋪  2801 4051
Cerruti 1881 金鐘太古廣場 302號鋪  2918 9149
Coach 中環皇后大道中 36號地下及 1樓  2868 9676
Lane Crawford 中環國際金融中心 3樓  2118 7683
Marc by Marc Jacobs 中環置地廣場 B17B-B20B號鋪  2868 9782
Paul Smith 中環置地廣場 216B號鋪  2523 5868
Sergio Rossi 金鐘太古廣場 255號鋪  2918 0872


撰文: Carmen Chan
形象: Nata Ngai
攝影: Ray Siu 
化妝: Winki Winki@VCW Makeup
髮型: Dominic Tao@Orient4

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()