fuck1.jpg


8月 16日,馮寶寶接受記者訪問,提到童年往事及與兩個仔的關係時,她的情緒起伏甚大,動作多多。 

滾熱辣

爆 16歲入精神病院 馮寶寶:細個俾老竇賣 依家俾阿仔賣

Ads by Google

過了一段漫長隱世生活的馮寶寶,今年突然活躍娛圈,早前她除客串唱大戲,還自爆經歷第二段婚姻失敗。
上月馮寶寶接受本刊訪問,坦言離婚復出對她來說,是難能可貴的重生機會。她唞大啖氣說:「我一直喺度扮演緊馮寶寶,我決定要做番自己。」
回望過去六十年馮寶寶悲多過喜。曾兩度自殺的她,原來 16歲時住過精神病院,足足食了 18年抗抑鬱藥。父親馮峰是她抑鬱源頭,做童星時所賺的每一分毫,到頭來淪為老父賭枱上的籌碼。今日,她 33歲大仔招啟宗決心做導演,做人阿媽亦義無反顧為個仔頻撲。她笑說:「我細個俾老竇賣,依家俾阿仔賣。」上半生還完父親賭債,下半生她則戮力償還兒女債。

 

今年 60歲的馮寶寶,半生跌宕。現時單身的她,孑然一身,決定出自傳《馮寶寶與我》,以及籌拍一部關於女星悲涼史的電影,以阮玲玉和契媽林黛兩位自殺女星作為藍本外,亦包括自己的悲慘經歷。


馮峰爛賭 

兩歲已開始做童星的馮寶寶,當時所賺的片酬全被父親、已故男星馮峰賭輸晒。雖然事後馮峰被揭發並非生父,但馮寶寶 2000年亦照以次女身份出席其喪禮。 

招再強周身債馮寶寶 1977年下嫁從事金融的招再強,並火速誕兩子。可惜原來招債務纏身,馮於 1986年提出離婚。 

幫大仔搭路馮寶寶為圓大仔招啟宗導演夢,不惜搭路幫佢搵唔少知名演員與幕後班底。而她與細仔招啟正關係曾一度疏離,近年好轉。《蘋果日報》圖片 

馮峰輸晒片酬

回憶做童星時慘況,馮寶寶對着記者倒抽一口涼氣。「我 6歲嗰年已經拍咗 36部電影,好似一棵搖錢樹。」當時她片酬兩萬蚊,足夠買一個廣播道單位。可惜她父親馮峰不但未有把握置業時機,反而將女兒捱更抵夜賺回來的錢,賭錢輸清光。
辛苦錢一鋪清袋,就連馮寶寶唯一感受到的家庭幸福,原來也逐漸消失天與地。「父母嗰時離婚,為咗爭奪我嘅撫養權,唔單止鬧上法庭,仲當住好多記者面前講粗口鬧交。我冇童年㗎!冇家庭幸福㗎!連返學都冇機會。」幸而多得一位忠實影迷資助 5千蚊,令她在 16歲那年遠赴英國讀書。
以為脫苦海,但原來有個大浪正朝她撲來。「我生母搵到上門,話原來馮峰唔係我親生阿爸。」晴天霹靂,她亦被這個驚人消息嚇傻。「我幾日嚟唔食嘢,唔講嘢,最後被醫生確診為『暫時性精神崩潰』, 16歲就要入當地精神病院。」


前年再離婚馮寶寶 2000年下嫁馬來西亞知名建築師翁兆泉,當時她風騷向各大傳媒公布喜訊。不過今年她卻忽然自爆兩年前他們經已離婚。對於離婚原因,她隻字不提,非常奇怪。 

《光明日報》圖片 

前夫逼認黐線

別人笑馮寶寶太瘋癲,但不久她就找到白馬王子,與從事金融的招再強結婚,並火速生仔,但幸福生活僅僅維持一年。「佢契爺上門追債,話我前夫用 BB嘅名義問佢借咗幾百萬。欠債還錢好應份,即使係親戚都冇情講,但之後類似事件久唔久再發生。」
白馬王子背後,原來包裹住魔鬼的靈魂。馮寶寶忍無可忍,終於提出離婚。「兩個仔嘅撫養權歸佢所有,因為佢逼我喺協議書上面寫自己有精神病,我冇得揀。」招再強擸仔後,更帶他們到馬來西亞。為了見他們,馮寶寶可以去到好盡,拋低演藝事業,隻身飛去馬來西亞搵仔。「嗰時我乜都冇,寄住喺朋友屋企,差一步就喺廿二樓跳落去。」


飯盒做晚餐之後她單拖到附近買燒味飯盒做晚餐,其間更與斬燒味師傅有講有笑。雖然當晚要食自己,但睇得出她是開心的。

銀行搞財務8月 18日,本刊拍得馮寶寶搭的士由油塘到跑馬地,之後直奔銀行,並逗留三小時之多。 

與細仔關係疏離

馮寶寶大仔招啟宗,今年已經 33歲,醉心演藝事業; 31歲細仔招啟正則在北京任地產分析員。現時馮寶寶與大仔同住油塘私人樓,母子感情不錯。但正所謂「有立場便有代價」,當時馮寶寶認黐線痛失撫養權,搞到她和兩個仔的關係非常疏離。
「我同大仔感情好啲,大家會講吓笑,佢成日叫我唔好喺屋企講咁多嘢,話我上台講嘢有紋有路啲喎!當時我去馬來西亞搵仔,前夫就掟細仔返香港。有次我打電話俾細仔,埋怨佢唔搵我呢個阿媽,真係死咗佢都唔知。點知佢話:『唔會嘅!你死咗我會睇到報道㗎!』嗰一刻就知我哋關係好疏離。」
現職導演的大仔招啟宗現時身在泰國拍戲,馮寶寶為幫他上位,穿針引線搵惠英紅做電影女主角,自己亦友情價客串。「呢個世界係冇無條件嘅愛,哎!我細個俾老竇賣,大個俾仔賣啦!」為咗個仔,阿媽真是仆心仆命。


8月 22日,馮寶寶到新光戲院客串唱大戲。綵排前,她與一眾表演者影相,其間更對身旁的童星發脾氣,指她遮住自己。 

馮寶寶近日積極鋪路復出,除與祥嫂客串唱大戲外,之後還拍兩部電影。 

大仔做導演

馮寶寶大仔招啟宗,今年已經 33歲,醉心演藝事業,現時身在泰國拍戲。據知他還未有拖拍。


出入邦民8月 21日,本刊拍得現時留長頭髮的馮寶寶大仔招啟宗,由寓所外出,揸電單車到觀塘的「邦民財務中心」,足足逗留近兩小時。 

自稱電影人記者在招啟宗微博發現他介紹自己為香港電影工作者,但就冇公開是馮寶寶兒子身份。 

拍過盧海鵬招啟宗現時主力拍廣告和微電影,最近他亦與盧海鵬交過手。 

想撈幕前高大靚仔的招啟宗(右) 04年曾到大台為《四葉草Ⅱ》試鏡,最終失敗而回。《蘋果日報》圖片 

老友少聚頭

馮寶寶一向俾人感覺情緒化,連昔日好友及親人都不是經常聯絡。

 

馮素波:唔好問我佢嘅嘢
平易近人的馮素波,與馮寶寶是姊妹,應該關係十分密切,但當被問到妹妹近況時,她居然劃清界線:「你千祈唔好問我有關佢嘅嘢!人哋嘅嘢我唔知,亦唔想講,我哋亦好耐冇見過面!」

薛家燕:佢太多嘢想做喇
與馮寶寶同為「七公主」的薛家燕,表示間中只在公開場合撞過馮寶寶。她透露寶寶份人好多理想:「我諗佢係太多嘢想做,又話想拍電影,又唔想個老公成日陪住佢周圍走,所以想有個交代(離婚)啫!」

 

黎小田:
拍戲要好多錢
反而黎小田最近有與她見面,馮寶寶還向他提及想籌拍電影一事,不過小田說:「拍部咁嘅電影,需要嘅錢唔少,二千萬都未必夠,淨係劇本都搞好耐啦!」言語間有點潑冷水。


採訪、撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()