fuck.jpg

幫襯平民餐廳
雖然女友有五億家底,但平日黎諾懿和女友外出食飯,會揀選抵食夾大件的平民茶餐廳。 7月中,二人帶同黎母和黎的姪仔到九龍城食晏,最後由黎埋單, 300蚊有找。

Ads by Google

打頭陣
11月結婚 食住女友自把自為 黎諾懿激嬲女家
上周有幸運兒兩注瓜分億五金多寶,不過論富貴,點都唔及即將做「五億駙馬」的黎諾懿。據知他鐵定在 11月 8日,迎娶有米落選港姐李潔瑩。
拍拖三年,目標為本的黎諾懿,為加快腳步箝實女友,竟然在今年 5月,婚都未求及雙方家長未同意下,單方面對外宣布娶妻消息。此舉即時觸怒女家父母。

Ads by Google

除了自把自為自爆婚禮,據知黎亦經常要女友半夜三更做他司機接送出入,令女方無暇返美容公司打點,變相加重女友胞兄 Ivan的工作。據知未來大舅更因此與黎諾懿有拗撬。早前本刊訪問李潔瑩父親,他承認對婚事最初並不知情,更表示:「佢哋唔俾我參與。」似乎呢個「 5億女婿」唔係咁易啃喎!

有「姐仔觀音兵」之稱的黎諾懿,入行 10年星途一直浮沉,直至在處境劇中,飾演滑頭賴皮師爺終於入屋。三年前,他更溝掂有五億家底的落選港姐李潔瑩,二人火速在男方位於西貢大埔仔村屋過半同居生活。

李父母有微言
黎諾懿和李潔瑩拍拖三年,最初行世伯、伯母政策,成功融入女友家中。但本刊近兩個月觀察所得,即將成為李家女婿的黎諾懿,甚少拜訪女家,加上自揭婚事,李父李母為此相當不快。

冧未來奶奶
食飯期間,對黎諾懿死心塌地的李潔瑩,多次為男友夾餸,又跟未來奶奶有講有笑,親男家多過自己屋企。

篤燒賣啃熱狗
除了食平民餐廳,黎和女友早前着上街坊裝到九龍灣睇戲時,臨入場只匆匆拮了幾粒燒賣和食熱狗醫肚。
女友做司機
難得女友有樣又有米,黎諾懿當然唔介意公開女友身份。對於和女友家底懸殊,黎諾懿一直表示雙方感情講心唔講金。但另一方面,每當被記者問到和女友木門對竹門時,黎卻多次肉緊表明自己開車房又拍劇,同樣儲埋唔少,更表示女友可任碌他的信用卡。知情人透露:「諾懿成日話睇啱就要出手,諾懿話 Nicole(李潔瑩)呢啲女仔好難得,屋企有家底但冇公主病,仲會成日做司機車佢返工放工,你話呢啲女友邊度搵。仲有 Nicole知男友每月搵幾多,所以好少叫諾懿買貴嘢俾佢。 Nicole老竇對阿女如珠如寶,好耐之前已經俾咗張附屬卡佢任碌,所以 Nicole身上面啲名牌袋同名牌衫,大部分都係自己買嘅!」

大胸港姐
李潔瑩 07年參選港姐時, 34C豐滿身材冠絕同屆,可惜最終落敗。

自己揀首飾
曾揚言讓女友買首飾無 limit的黎諾懿,早前和女友被拍到在珠寶店買四卡鑽石贈女友。本身有父親附屬卡的李潔瑩,日前就獨自到中環珠寶店買戒指和首飾,似乎為了婚禮,她亦要不斷為自己掃行頭。

半夜等男友
李潔瑩經常被影到管接管送男友。月初,黎諾懿要到北角開工,當晚半夜兩點,記者見到李由大埔仔村屋出車接男友收工。未見男友前,李緊張在車上補妝。

做阿四掉垃圾

雖然貴為千金小姐,但李潔瑩在男友家卻要阿四上身,連掉垃圾和晾衫都要做埋,難怪令李父李母心痛。
未提親爆婚事
和女友拍拖三年,黎諾懿見時機成熟,在今年五月單方面「出口術」,公開宣布和女友年底拉埋天窗。他當日對記者說:「因為過兩年自己犯太歲不宜結婚,所以倉促啲今年結。」
據知李家上下要親朋戚友致電祝賀時,才知女兒婚訊,屬大戶人家、有頭有面的李父李母對此頗有微言。「其實黎諾懿爆婚訊嗰陣,佢仲未向 Nicole求婚。不過女友咁聽佢話,亦都預咗嫁俾佢,咁當然容易過得骨啦,問題係事前冇知會 Nicole屋企人。 Nicole雖然做咗夾心人,不過都幫男友講盡好話!」

為男友按摩
黎諾懿一直被指靠黐姐仔上位。兩年前,有傳他被楊怡飛甩,即被本刊踢爆搭上家底超勁的李潔瑩。據知二人婚禮會在 11月 8日舉行,有傳地點在陽明山莊。

口臭撩女仔
早前有傳黎諾懿經常在錄影廠口花花撩女仔,更經常爆粗。據知新聞一出,李潔瑩父母即叫女兒着黎要檢點。
自稱婚禮 no limit
為免被指結婚使女人錢,黎諾懿曾揚言:「婚戒任老婆自己揀,我俾咗卡佢任碌,總之 no limit。但因為雙方嘅家人同朋友都太多,所以會擺兩日酒,盡量照顧到各位賓客。」
同時,他更自爆已在元朗邊境買地起獨立屋,讓富貴女友可以繼續過其千金小姐的生活。不過據土地註冊處資料顯示,未發現黎諾懿有物業登記紀錄,至於所住的大埔仔村屋,亦是去年以月租萬多元入住。
至於日常生活,黎喜和女友出入平民餐廳。至於女友,除了成為男友御用柴可夫,更要掉垃圾、晾衫一腳踢。
外父冇眼睇

避忌衝入屋
周一( 15日)中午,黎諾懿拎着兩大袋外賣返回大埔仔村屋。記者問他未結婚已令女友家人不滿時,他即不停說:「你哋問呢啲嘢,我唔答啦!」然後匆匆走入屋。

同時,據記者連日觀察所得,即將迎娶李潔瑩的黎諾懿,甚少和李家接觸,就連李潔瑩自己亦只間中返回何文田君頤峰老家。直至中秋前夕( 7日),記者才見李潔瑩獨自陪父母飲茶慶祝中秋節,但未來女婿依然冇影。
當日,記者上前訪問李父李志強,看上去比真實年齡年輕很多的李父,向記者承認黎諾懿對外宣布結婚時,並未知會自己。「係冇講……不過……唔緊要啦!最緊要個女開心。」當問到會否參與籌備婚禮,李父顯得有點無奈:「佢哋唔俾我參與。(金錢上協助?)……唔使我哋幫㗎啦,個女搞得掂。」當提到黎諾懿指要擺兩日酒,李父即一臉疑惑:「係咩?應該一日咋,其實我唔知。(點解今日唔見你同女婿一齊飲茶?)好似話要返工喎!其實間中先見。(點睇呢個女婿)以前都唔識佢,我都係睇雜誌先知佢哋拍拖。(咁中秋會唔會一齊做節?)佢哋好似去同屋企人(黎諾懿家人)食飯,仲未同我食!」
未來大舅不滿
為求女兒開心,李父有口難言,但實情是李家上下對黎諾懿一直有保留,「佢哋家庭聚會過幾次, Nicole屋企人覺得黎諾懿口花花,而且約出嚟幾次黎諾懿都遲到,話要開工喎!個男仔又唔會主動埋單,老人家覺得你唔識做囉。不過佢哋最介意係 Nicole為咗佢,未結婚就住埋一齊。至於 Nicole阿哥 Ivan,本來佢同個妹負責搞屋企嘅美容公司,雖然話太子爺、太子女,但都要親力親為日日返工睇住。阿妹呢排話要搞婚禮話唔得閒返工。兩個月前女方有一次屋企食飯,黎諾懿嗰晚有出現, Ivan就因為咁同諾懿頂咗幾嘴,最後仲不歡而散。」知情人說。
對於婚事自把自為,令女家不滿,周一( 15日)黎諾懿回家時一直迴避問題,只不停說:「你哋自己炒作嘅嘢,我唔會答啦!」然後匆匆返入屋。

闊佬上身

由宣布結婚開始,黎諾懿和女友三番四次被傳媒拍到出入珠寶店,揀百萬翡翠鏈和四卡鑽戒,早前二人更被影到入元朗睇地皮。記者曾在土地註冊處查詢,發現仍未有黎諾懿任何物業的買賣紀錄。

同大佬夾份開車房
黎諾懿在大台只屬二線小生,來來去去只出現在處境劇,加上廣告收入唔多,而他和哥哥夾份開的車房剛起步,亦賺得唔多,因此他要為女友搞無上限的豪華婚禮,頗有難度。
李父身家逾 5億
李潔瑩父親李志強除了統領有 18間分店的美容王國「儷凝美聚」外,同時持有多個物業,近年李父更投資買賣多處港九、新界的商業用地,至少賺數千萬,現時身家保守估計逾五億。


老竇呻爆
提到女兒婚禮安排時,李父耍手擰頭表示「乜都唔知」,再問他會否與女兒及未來女婿吃飯時,他表示:「我哋好少見。」擺明呻女婿唔識做。

單拖陪老竇
記者連日追訪,發現李潔瑩在男友家和自己屋企兩邊走,但就甚少和自己父母外出,直至中秋節前夕( 7日),她才抽時間陪老竇飲茶,但全程唔見黎諾懿蹤影。
無殼蝸牛 vs億萬千金


黎諾懿未婚妻李潔瑩來頭不小,身家遠遠超越男友兩個零有餘的黎諾懿果然識食!

撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()