fuck1.jpg


長至肚臍上周三( 3日),羅家英換波衫踢波時,唔覺意露出今年手術留下的七吋疤痕。 

滾熱辣

割肝瘤痛足三個月 羅家英肚現 7吋疤

Ads by Google

今個月 22號是羅家英 68歲的生日, 05年做化療戰勝第三期肝癌的他,十年來戰戰兢兢,盡量保持健康生活,戮力控制癌細胞不會復發。但今年初,他進行例行身體檢查時,發現左肝長出一粒 2cm腫瘤,立即入養和醫院,接受最新的「高速螺旋放射治療」,切除腫瘤。
事隔半年羅家英身體逐漸康復,上周三( 3日)羅家英到九龍灣與「明星足球隊」踢波,他換波衫時露出肚皮上一條七吋長的紅色手術疤,非常顯眼。羅家英多年來為擊退病魔,動過多次手術,難怪與他共同經歷生死關頭的汪明荃,上周六( 6日)在澳門開騷時,亦有感而發:「我真係要對我老公好啲!」

Ads by Google

自年初入院切除左肝腫瘤,羅家英留在家中休養了一段時間。一向熱愛踢波的他,今年中才歸隊「明星足球隊」,逢星期三下午到九龍灣足球場踢波。雖然羅剛大步檻過,但為保持強健體魄,落場後亦落力在球場上奔跑。


老馬有力雖然羅家英今年 68歲,加上近年百病纏身,但他在球場上依然四圍跑,狀態好過唔少後生仔。 

落場乏力今年 3月,羅家英試過忍痛落場踢波,當日他戴埋冷帽保暖,面容憔悴,在球場上只係咁意郁動,冇依家咁精神。 

羅家英 05年患上第三期肝癌,當時他做完手術後,要長時間在廣播道寓所休養。 

去年尾,本刊率先發現羅家英身體情況有異,但由於他當時已接了粵劇,所以硬着頭皮去綵排。 

不介意傷疤曝光

上周三( 3日),羅家英一如以往到球場踢波。正當他行埋座位區換衫之際,記者發現他肚皮上有一條長達 7吋,由胸口直落肚臍下的疤痕,而且疤痕呈深紅色,非常顯眼。雖然他得悉現場有記者,但毫不介意疤痕曝光,甚為豁達。
據知這條 7吋疤痕是今年初切除肝腫瘤手術時所留下。知情人士說:「家英哥做手術前已經知道肚上面會留低咁長嘅疤痕,但只要換到健康,一條半條疤痕對於佢嚟講又有乜所謂呀!反而佢預計唔到完咗手術之後,個傷口依然好痛。手術後三個月,佢就算喺屋企郁動都要就住就住,動作大少少都痛到標眼水,阿姐見到唔心痛就假。」


年初入院今年 2月,羅家英秘密入養和醫院做切除左肝腫瘤手術,出院後不夠一星期,他戴住口罩返醫院。《蘋果日報》圖片

共同倒數汪明荃近年珍惜與羅家英一齊的時光,兩公婆去年底約埋一齊倒數,齊齊迎接 2014。羅更抵死在相片上加效果。 

攜手賞月今年中秋,汪明荃特登請假陪老公賞月。事後羅家英在微博留言:「昨窗明月,伴隨着我們,人月同圓慶中秋。」認真浪漫。

好友相繼離世


雖然羅家英以客串性質撐老婆,但他在台上大耍功夫,又唱又跳,還爆肚說:「阿姐真係好難頂㗎!不過難頂都要頂㗎啦!」 

羅家英近年百病纏身,一早對生死看化,加上他身邊好友例如劉家良、紅線女等相繼離世,令他覺得做人應該要及時行樂,汪明荃亦被他這種心態感染。知情人士說:「阿姐以前做嘢冇一刻停過落嚟,拍完劇又開綜藝節目,仲要推動粵劇發展,搞『八和會館』會務,休息都冇時間。加上佢同家英哥分開住,好多時一個禮拜都只係見得一次咁大把。不過阿姐近年眼見老公咁辛苦抗病,去年開始,佢刻意減工作陪老公。」難怪短短半年,他們已一齊去了三次旅行。

晏睡晏起養生


羅家英:疤痕似剖腹產子上周六( 6日),羅家英特登到澳門為老婆演唱會做嘉賓,提到肚皮上的七吋疤痕時,他講笑說:「係呀,條疤痕好似剖腹產子咁!」不過當記者糾正他開刀生仔的疤痕是向橫時,他搞笑說:「係咩!乜咁㗎!我唔知呢啲嘢!」 

上周六( 6日),汪明荃到澳門開騷,羅家英亦專登跟埋去,除乘機拍拖外,他更在台上客串,唱番兩嘴。
經歷過病魔折磨的他,在台上不忘告誡觀眾:「上咗 45歲最好半年或者一年檢查一次身體,如果我唔係咁,已經咁㗎喇!」此時他做出拜拜手勢,示意曾與死亡擦身而過。
完騷後他更向本刊透露現時密密做運動:「我除咗定時檢查身體之外,咪踢吓波囉,有時打吓高爾夫球,要飲多啲水,我食嘢食七成㗎咋。但我唔會早睡早起,而係晏睡晏起。半夜一點鐘瞓到中午十二點起身,一攰就要瞓覺,一有時間就瞓覺。」對於肚皮上留下七吋長疤,他說:「當時做咗八個鐘頭手術,真係好痛,條疤好長。其實我有兩條疤㗎,不過呢條粗啲,好似人哋剖腹產子咁。」識得玩自嘲,證明他非常樂觀。

阿姐口硬心軟


汪明荃:要對老公好啲羅家英肚皮留疤,難怪一向事業心重的汪明荃亦在台上說:「我真係要對老公好啲!」不過她在後台見到記者時,立即轉口風:「佢不嬲唔使我照顧。」似乎面對傳媒,還未肯放下硬朗形象。 

提到羅家英手術後迅速復原,身旁的汪明荃則表示非自己功勞,她說:「佢唔使我照顧,我又唔識煮嘢,係佢照顧我多啲!」對於老公肚皮上留疤,她滿不在乎說:「哦!係 N年前嘅事啦!」其實阿姐口硬心軟,她開騷時在台上便有感而發說:「我覺得以前自己都係着重喺事業方面啦!所以我依家要對我老公好啲。其實家庭好重要,無論喺出面做咗幾多嘢,冇人同你分享,冇人同你一齊去解決問題,始終覺得少咗啲嘢!」

年紀大不適合微創


間中登台割肝瘤手術令羅家英元氣大傷,傷口痛足三個月。身體恢復後,他間中會接內地登台騷,工作性質以輕鬆為主。 

羅家英年初做手術切除 2cm肝腫瘤,留下長達七吋疤痕。腫瘤外科黎卓光醫生說:「一般小於 5cm嘅肝腫瘤手術,可以做微創,唔會留下長傷疤,而且一般不會打直開刀,但又視乎腫瘤位置而定。」
不過做微創切除只適用於腫瘤生在肝臟邊緣位置,加上若果病人心肺功能不佳,是不適宜做微創手術。因為手術過程中會將氣體灌注入腹腔內,氣體會壓迫心肺,提高心肺衰竭風險。羅家英今年初做切除腫瘤手術時,已經 67歲,屬於高齡病人,其心肺功能較弱,故採用傳統切除手術會比較適合。

及時行樂

羅家英今年初又患上大病,令他悟出做人要及時行樂的道理,所以他短短半年間,去過不同地方旅行擴闊視野,其中三次更與汪明荃同行。


台灣舊風情今年 8月,汪明荃到台北拍劇,羅家英特登飛過去,陪老婆坐 40分鐘車程到烏來欣賞老街風情。 

巴西睇波適逢今年是世界盃,羅家英於是搭了十多個鐘頭機到巴西睇決賽,感受足球狂熱。 

探索巴黎有說人生一定要去一次巴黎,羅家英今年 7月就與好友陶傑,遠赴當地欣賞有歷史價值的建築物。 

東京賞櫻今年 4月,羅家英忍着傷口痛楚,與汪明荃坐凌晨機到東京睇櫻花,相當浪漫。 

老友讚堅強

羅家英做切除左肝腫瘤手術後只有 7個月,不過他身體復原很快,他一班圈中好友也讚他夠堅強,心理質素相當好。


關禮傑:佢心態好好關禮傑每周也和羅家英踢波,他說:「家英哥幾乎個個禮拜都嚟踢波㗎!佢心態好好,唔會成日諗住自己係病人,而唔多郁動囉!依家佢走動起嚟好好氣力㗎!」 

斑斑:佢不知幾生猛因合作《歡樂今宵》而與汪明荃成為好友的斑斑,上周六( 6日)在澳門騷見過羅家英。她說:「家英哥依家不知幾生猛,唱歌又好中氣,反而阿姐個樣就好似攰啲,可能佢又要拍劇,又要登台啦。」 

撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()