爆 Like王

勁過達哥 教打機定做 DJ?

Ads by Google

知唔知 YouTube影片數量最多嘅片種係乜?係打機!一路打機一路拍片吹水已成為潮流,而喺香港人氣比達哥更勁的是「遊戲人生」版主大 J,訂閱人數超過 19萬。
30歲的大 J( Jason)曾在日本留學 4年,回港後正職是日文翻譯員,副業是 YouTuber。打機拍片之外仲去過東京拜訪拓也哥,又經常跟兩名日本女仔玩遊戲,兼溝到日本妹做女友,點都吸引過得條麻甩佬爆粗……片如人生,正如大 J所言,都分不清是教人打機還是當自己做 DJ,不過講乜都得,大 J話政治、宗教呢類話題,始終唔係佢嗰瓣囉!

Jason(大 J)  Youtuber  30歲 訂閱人數 19萬

大 J拍過 700條片屬多產 YouTuber,但收入唔夠當正職:「每次有廣告彈出嚟,放片人都有錢分,一千人大概 3、 4蚊港紙,如要搵兩萬,要有 400萬人睇。」

F:《 FACE》  J: Jason

F:點解會做 YouTuber?

J:我個人好三分鐘熱度,半年大半年就轉一次工,做過地產、電子、工廠、紅館演唱會搭台,一路搵緊適合自己性格嘅嘢。有次無聊走去旺角拍片問途人,如果揀女朋友會揀徐子珊定高海寧,條片放上網有成 10萬人睇,之後每個星期都放片上網喇。
我本身多屎橋,平時出街戴住個 head phone,以為我聽緊歌,其實係聽緊人講嘢,一、兩句嘢已經成為我下一個題材。


去年拓也哥爆紅,大 J專登飛過日本去到拓也哥的酒吧拜訪他拍成短片,仲要求拓也哥錫面添。網上圖片 

日本妹 Mai和 Kei經常助陣吸客,點擊率勁過打機影片;大 J表示唔排除將來會跟女友 Mai到東京居住,到時在東京拍片可能仲好睇喎!網上圖片 

F:你和達哥同樣一邊打機一邊吹水,你哋有冇分別?


除玩 game、同日本妹玩遊戲外,大 J最近玩埋煮飯仔,可以話最受歡迎題材都俾佢玩晒。網上圖片 

J:達哥係直播,同觀眾好有互動;我係錄播,鍾意講自己生活趣事,啲觀眾兩邊都會睇。讀書時有諗過做 DJ,好耐之前去過商台遞表㗎,但唔請我。由細到大都鍾意講嘢,𠵱家某程度上係做緊 DJ,只不過係通過網上平台啫。

F:除咗教打機,你啲片仲有好多形式,但點解冇提過政治?


為了拍片盡善盡美,他不惜花 2萬多元添置攝錄機、靚咪、駕駛座椅等器材。他說:「唔係講錢嘅!對自己有要求囉!」網上圖片 

J:政治我都關心,但唔想因為我講咗啲嘢而令到鍾意睇我片嘅人受我影響;而且政治、宗教呢啲咁敏感嘅嘢永遠有兩邊嘅,點講都有人鬧!
好似司徒夾帶會拍啲諷刺時弊、諷刺政治嘅嘢,當然有佢選擇亦有鍾意睇嘅觀眾,但我唔想做同類型嘅事囉!

F:港女和日本妹都崇洋,你有位日本女友 Mai,你覺得日本女仔愛港男嗎?

J:香港男仔又唔夠人高大,又唔夠 gentleman,其實兩邊都要反省,一方面港女過份崇洋,一方面港仔又唔爭氣,唔肯花時間去健身呀,唔肯裝扮自己呀!日本仔着衫靚、韓國人夠大隻、歐美人天生高大,香港男仔唔可以成日話女仔鍾意食洋腸呀、崇洋呀,應該將自己同外國人比吓,係咪好過人哋吖?如果港仔掂嘅,我唔信啲女仔會崇洋囉!
日本女仔都係崇洋,我喺嗰邊都感受到,就算香港男仔識講英文都有啲優勢。


攝影:周倪瑩

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()