避世兩周,阿 Yu周日( 8日)現身屯門醫院。本來已經瘦削的阿 Yu,經過多日煎熬,有 5呎 7的她,身形更加單薄。 

封面

屯門醫院覆診 瘦剩 90磅 趙頌茹離婚復出:佢收埋兩個囡

Ads by Google

一單家暴,揭發出軌、虐妻、惡習未清,仲要借醜聞坐地起價接 job多宗罪,出道 13年,周永恒人氣從未如此「高企」,成功登上全年人渣榜榜首。
事發兩星期,渣男與小三仍未斬攬,又上電視做大龍鳳;而決心離婚嘅趙頌茹則一直不見人。周日,本刊獨家發現阿 Yu行蹤,瘦剩 90磅單拖現身屯門醫院覆診。
據 Yu身邊密友透露,死心阿 Yu已下定決心離婚兼復出爭取撫養權,半個月只靠電話與兩囡囡聯絡,阿 Yu掛到心都痛,仲同友人控訴︰「佢收埋兩個囡!」

Ads by Google

上月 24日, 30歲周永恒因為被踢爆有外遇,老羞成怒推跌阿 Yu,引致阿 Yu下巴受傷要縫 3針。報警自行撕破模範夫妻假象後,阿 Yu離家出走,兩周以來一概只見短訊不見真人,周日( 7日)終於蒲頭。


最新圖片覆完診,阿 Yu除去口罩,幸好下巴傷痕並不明顯,不會破相。 

Model出身的阿 Yu,現時不斷向身邊友人放風,希望盡快開始接騷搵錢養女。《蘋果日報》圖片 

據悉,阿 Yu已決定離婚,一家四口和睦景象已成過去。

覆診紙板人

覆診紙板人
有讀者發現面容憔悴的阿 Yu,單拖出現在屯門醫院門診部走廊。炎炎夏日,阿 Yu穿上長袖衫、頭戴 cap帽,遮到密密實實卻難掩其瘦弱身影,而左邊臉頰仍有瘀青。其實家暴鬧上差館前,已有傳周早已對 Yu動粗,最近就傳出周永恒曾一年之內打 Yu七次,更曾因為嫌浴缸污糟,將阿 Yu個頭撼落浴缸,絕非周永恒外婆所說自行撼頭埋牆。
長期受盡周永恒身心折磨,又不願負擔家傭支出,任由妻子獨立擔起湊女及家中大小事務,雖然已是兩女之母,阿 Yu亦一直維持單薄瘦弱身型。據其身邊密友透露,發現丈夫與 Ruby姦情再遭受多次暴力對待後,阿 Yu體重更加直線下降,兩周之內由 100磅跌至 90磅,不過一心諗住自立復出,做好準備打官司爭撫養權,阿 Yu就算食之無味一樣逼自己食足三餐,意志反而比離家前更堅定。

5/9打 Yu罪成 周永恒判守行為 18個月

上周五( 5日)周永恒到屯門裁判法院應訊,其舅父舅母同行。周被判守行為 18個月;而周永恒現居的天水圍嘉湖山莊,屬舅父舅母名下物業。




據土地註冊處資料顯示,嘉湖山莊在 05年以 132萬買入,現時市值 345萬。劉世昌為周永恒舅父。

嫌打得少


《蘋果日報》圖片 

出事後好友譚俊彥曾致電慰問, Roy反而惡言相向:「嫌打得佢(阿 Yu)少添呀!」

小三 Ruby未甩

阿 Yu向密友透露,周永恒雖冇開口要求 3P,但曾多番旁敲側擊試探老婆底線。


網上圖片 

網上圖片 

兩囡變人質


講一套做一套的周永恒,在電視前拼命擠眼淚,實情卻不知悔改。 

今年 4月,阿 Yu自揭小時曾遭性侵,因而與家人鬧翻,不過當獲悉賤夫行為後,趙父已主動聯絡阿 Yu冰釋前嫌,但由於父親心臟有問題,阿 Yu為免讓老父過於激動,現時借宿教友家中。
事發兩周,賤男日日做大龍鳳,阿 Yu反而只在微博發出一份聲明,阿 Yu只向身邊密友透露,「佢收埋兩個女,我好掛住佢哋,決定獨力養大兩個女,呢兩星期都只可以電話同佢哋聯絡。」一邊自認人渣求老婆回頭、一邊又埋怨阿 Yu離家後對女兒不聞不問,原來推撞受傷後第二日,阿 Yu已經致電回家要求探望及照顧女兒,不過卻被周永恒及其母雙重阻撓,更把一對女兒當成要脅回家的籌碼。

前娛記爆料:夠膽你就驗尿!

周永恒絕頂人品,連前娛記都睇唔過眼,《娛樂審死官》主持之一、在 facebook爆過周永恒大鑊的潘小文,上週接受本刊電話訪問,繼續數臭賤男:「周永恒根本係觀 X洋服,講一套做一套。尤其喺毒品,呢幾日佢一直逃避呢個問題,我攞唔到證據出嚟,但係我聽過佢極親密嘅朋友講,亦都知道阿 Yu有叫佢食少啲,佢都唔聽。我攞唔到證據出嚟,但係夠膽你就嚟驗尿!據我所知佢接 job啲錢都用晒嚟買嗰啲嘢,咪冇錢俾家用囉!」


電視畫面 

送貨送上門

反觀在電視上擠眼淚、在 facebook上賣可憐,又向記者自稱已經與小三 Ruby分手的周永恒,據知情人士透露,實情少了老婆在身邊監管,話戒未戒的不良嗜好反而更密集、更明目張膽。本來每日定時在住所附近約賣家在私家車交易,現時為避記者鏡頭更登堂入室,風雨不改送到上門。至於下月 4日,本來周永恒與方力申為「基督教正生會」擔任大使和出席跑步活動,據知周已被飛,週一本刊聯絡正生校長陳兆焯,他說︰「我呢邊係受助人,呢方面唔清楚,要問番主辦『全城街馬』。」本刊再致電「全城街馬」查詢,公關表示︰「周生因為要處理私事唔會再參與宣傳同活動,(方力申會否繼續?)方力申會繼續比賽, 11號會入正生同學生打波。」
現時終日沉溺在損友和壞習慣之中,偽教徒周永恒一早離棄宗教及教友,連昔日好兄弟譚俊彥致電慰問,提出要與阿 Yu聯絡,有人竟然在電話回覆:「唔使喇!我𠵱家嫌打得佢少添!」惡型惡相極品人渣,周永恒想翻身,連神都難打救。


04年衰過藏毒後講過會洗心革面,其實有人仍然戒唔甩周身壞習慣。《蘋果日報》圖片 

周永恒本來下個月要同方力申出席一個正生活動,但現時 Roy已被飛。《蘋果日報》圖片 

今年 5月,已有網友目擊 Roy同 Ruby加愛狗去白泥偷情。 

仍以周永恒經理人身份自居的 Ruby,向澳門一個主辦商坐地起價,反被對方飛起,貪字得個貧。 

如何拒絕 3P而不失霸氣

周永恒公開承認幻想同老婆、小三玩 3P,阿 Yu亦都向閨蜜承認, Roy曾經播放 3P小電影探口風。傻的嗎?唔想得失老公又唔願難為自己,可以參考以下建議。

1.睇咗當做咗

真人免問,不過 3P、多 P成人電影可以陪睇,配合戲院影音設備,達到身歷其境現場效果,用幻覺加想像滿足對方。

2.另類三人行

諗多咗無非都係精力旺盛,一於叫埋賤男同小三齊齊長跑,跑到腳軟為止,不過 Roy同 Ruby有野戰往績,切忌跑去荒山野嶺。

3.讀經熄慾火

一於同佢講耶穌,約埋小三搞 3P查經班,呢樣嘢最適宜請教最叻用金句對抗慾火的高晧正高主教。

4.反客為主導

可以考慮,不過一定要攞番個主導權:「三人行?好呀!你搵到劉華或者吳彥祖返嚟,我就會考慮囉!」

亂性經典

香港娛樂史上一個經典 3P鬧劇,在 04年引爆,珍妹李麗珍被揭與已婚髮型師 Jacky Ma,和其太太(已殁)兩女共侍一夫,長期三人大被同眠甚至有毒齊齊吸。都係嗰句,毒品害人又亂性,千祈唔好掂。


04年髮型師 Jacky Ma妻子 Janet出書爆料,指曾經與李麗珍當住雙方兒女面前大被同眠多年。 

Janet同李麗珍當年一齊開迷幻派對、兩女共侍一夫,真正情同姊妹。《忽然 1周》圖片 

採訪、撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()