me.jpg


Janice Man黃色背心皮裙$33,000 Gucci彩色水晶手鈪$4,300 Swarovski 

cover face

Janice Man 獨立時代

Ads by Google

今次跟 Janice Man( JM)訪問,像一趟 AMusic公司「離職面談」。
話晒娛樂圈都是人情留一線,日後好相見的地方,這次「離職面談」不會像「沒女」般大控訴,更何況,都夠勇氣決定離開一個地方,有啖氣不如暖吓個肚好過。
JM說,跟黎明的這五年,最大得着是品嚐紅酒。
「喺佢身上學到飲紅酒,由唔識飲到有啲研究,我好開心見識廣咗。」
她檢閱入行剛好十年:前五年𡃁模的少不更事,到後五年的模 art高檔路線, JM今年決定創業開公司做老闆,口氣應該要更大,
「我大個女,要自己出嚟闖吓!
「有自主權,為自己爭取,睇吓有咩適合自己。」
葡萄成熟了,就看看這杯由黎明調校出來的紅酒,如何繼續芬芳。


Profile
 

文詠珊
出生日期: 1988年 12月 29日(山羊座)
出生地:香港
身高: 5呎 3吋
體重: 98磅
語言:英語、廣東話和普通話。

簡歷: 14歲,兼職模特兒,夥拍 Angelababy以孖妹形象拍廣告走紅。 09年,簽約黎明旗下 AMusic,主力拍電影。 14年,簽約太陽娛樂文化。
主要作品:《為你鍾情》( 10),《報應》、《 Laughing Gor之潛罪犯》( 11),《大追捕》、《熱愛島》( 12),《臨終囧事》( 13),《那夜凌晨,我坐上了旺角開往大埔的紅 VAN》( 14)。
Instagram ID: janice_man


滿意度合格
 


Janice Man紅黑色格紋連身裙$5,450米白色 Le Pliage Heritage手袋$10,300both Longchamp黑白色尖錐形耳環 stylist's own 

我叫 JM對在 AMusic的發展填上滿意程度,她填:合格。
「可以更加好!唔會俾自己滿分,否則唔會有進步。」
不如數數初出道時的事:封號由𡃁模變模 art、形象由日本妹轉高檔,還有在紅館演唱……其實她通通都不滿意。
「一開始公司已 guide我,覺得日本 style唔得!但根本我都唔鍾意公司要我行嘅形象,唔鍾意就唔啱我。」
JM說當時陳善之反而欣賞她的率直,剛開始磨擦一定有,正如她五年前簽約時,已表明別逼她接不喜歡的工作,不會唱歌……咦,她不是曾在老闆黎明紅館的演唱會處女演唱?原來是黎明度的絕世好橋,好過做一個發佈會。
「所以,先會做一首歌,唔係表達我會做歌手,而係用新的 idea給大家驚喜。
「當時諗,我都唔會唱歌,又真係冇乜機會上紅館。都啱嘅,咪俾自己試吓唱首歌, why not?」
其實 JM簽黎明只想拍戲,但五年內只得七套戲上映(有兩套拍了但不知去向),投放與輸出不成正比,見她做時尚界女神多於一個演員,歸根究柢,是公司揀劇本而令她的磨練機會少了。
「但我都好體諒公司立場,貴精不貴多嘛。
「這五年確實跟之前在 Starz People的時候又不同,客路和 branding都唔同,分別頗大,我也享受呢個過程!」


酒逢知己
 

要數最經典,當然是黎明「賜予」了模 art這曠世稱號給 JM,當事人此刻仍欣然接受。
「我心諗,咁都俾你諗到!其實最大原因係𡃁模已經演變成一個反面嘅字眼,唔想自己被牽連啦,新稱號點都有啲幫助嘅。」
不擔心這稱號會局限要走的路吧?
「 Hey! Who cares?一個人有 potential最終都會俾人睇到。就算講到你係皇后, at the end冇人理會你都冇意思。」
她說跟黎明關係很好,會定時食飯見面,談談近況,將自己想法開心 share,好多時還會把對方當做愛情顧問看待。
「佢唔會同我講金句,我真心聽得明佢講乜。」
那這位老闆最大影響是甚麼,答案是紅酒。
「我係因為 Leon飲紅酒,三四年前,我係滴酒不沾。」
她還記得當初進入這間公司,便發現這間公司很舒服,裝修像屋企,員工非常寫意,閒時可以飲咖啡,也可以「噗一聲」開枝香檳飲。
「喺佢身上試咗好多好靚嘅紅酒,我由唔識飲,到依家一睇顏色,就知係 dry定 fruity。」
現在她會定期買紅酒回家,臨睡前飲一杯,既抗氧又減壓,一舉兩得。
「我唔鍾意飲 dry,比較愛飲 sweet同 fruity一啲,比較女仔一點。」


JM好愛錫媽咪,年年母親節都會慶祝,仲親自下廚,送花當然唔少得。 

近年愛上做運動,大熱的 spinning class也上了。 

簽約太陽娛樂文化,有 Paco睇住,放心大展拳腳。


Janice's tips
 

Q:喜歡甚麼類型的手袋?
A:我喜歡大袋,貪可以咩都放晒入去,唔怕帶漏嘢,其實大袋好易襯!
Q:秋冬流行甚麼顏色?
A:我覺得流行蠟面,睇落去令面嗰種,或者唔同 print撞埋一齊。


我係小管家
 


Janice Man黑併綠色豹紋牛毛 oversized jacket$32,000黑灰白漸變色 Le Pliage Heritage Luxe牛毛手袋$15,150棗紅色尖頭併皮 ankle boots$4,650 all Longchamp黑白色尖錐形耳環 stylist's own 

經過多年磨合, JM說大家合作很順利,只是天下無不散之筵席。
「到差唔多完約時,咦!真係夠期了!
「如果再合作,又幾年㗎喎,不如試吓新嘢啦!」
她慶幸這五年,好多人幫她處理大小事務,自覺像溫室的小幼苗。而她比喻在 AMusic就像中學升大學,現在畢業了,要選一處適合自己工作的地方。
最好就是自組 workshop做老闆,夥拍太陽娛樂文化,她搞盛大的簽約儀式,跟簽黎明時成強烈對比。或者身份和位置不同了,自自然然會成為 control freak吧?
「同事封咗我一個綽號叫小管家,我問點解?佢哋話我乜都理,依家乜都要親力親為,乜都好想知,我係一個問題少女!」
大至簽約酒會、 office選址,小至網站域名申請、文件傳真都會問清問楚。
「由頭到尾,整個過程,自己一手一腳去搞,睇住 baby出世,滿足同成功感大於一切,依家我最想要呢樣嘢!」
那黎明這老闆是否是她最好的借鏡?
「我冇 picture過何謂一個好老闆,佢係一個冇架子的老闆。
「做一個好老闆很難,最煩係如何平衡員工心態,我聽過好多辦公室政治,希望唔好咁快出現呢啲問題。公司得幾個人,人少少,也要講士氣,希望集中火力,一齊去做好嘢,希望公司愈嚟愈大。」
25歲,對未來,還是有憧憬的。


後記
 


Janice Man炭灰色絨帽$1,490紅色緄黑邊運動款 jacket$7,000紅色絲質上衣$3,200紅色猄皮褲$10,800啡色豹紋牛毛 ankle boots$6,000all Longchamp 

查實 JM今年只得 25歲,能創業開公司,講真都幾叻女。
「我都 proud of自己。十年前由一個咩都唔識嘅妹妹仔,到十年後有自己團隊。」
除了工作,還要擔起頭家,要替爸爸媽媽定退休計劃,又要安排細佬工作。
「屋企做家姐,咩都要我去理,冇辦法,真係要咁 tough咁獨立!」
大概連識男仔都冇時間了。
「依家咩都唔想諗,只想積極做好自己崗位。」


Shop List
 

Gucci 中環置地廣場 G23-30號鋪  2524 4492
Longchamp 中環皇后大道中 8號地下  2167 8899
Marc Jacobs 中環置地廣場 209-210號鋪  2523 3324
Sergio Rossi 金鐘太古廣場 255號鋪  2918 0872
Swarovski 尖沙咀九龍站 Elements 1100號鋪  2196 8776


撰文:黃鑑江
形象: Annie Hung
攝影: Eric Seto
化妝: Vincy Tsang@vcwmakeup
髮型: Hin Wan@Il Colpo
鳴謝: Longchamp

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()