next1.jpg


周永恒自稱好掛住老婆,實質連日陪 Ruby,八月廿七日,他從 Ruby家中步出,二人一身街坊運動 look,孖住去便利店買東西。 

娛頭

趙頌茹 阿 Yu驚見老公偷食淫照 周永恒打完老婆瘟小三

Ads by Google

周永恒和趙頌茹(阿 Yu)結婚四年,人前恩愛,料不到原來在過去一年,阿 Yu飽受家暴和丈夫的婚外情折磨。八月二十四日,爆出周永恒推撞阿 Yu,令她下巴和面部受傷要縫三針外;原來今年六月,阿 Yu亦曾被暴力對待,當時亦報了警,之後她又心軟啞忍,換來暴力升級。
事實上,周永恒和助手 Ruby的姦情愈來愈揚,為討男方歡心, Ruby不惜配合拍情慾片,有人更放上討論區炫耀。本月二十四日,周永恒上午打完阿 Yu,下午即 call Ruby到他家歡聚;至二十七日,本刊又發現周永恒與 Ruby一齊離開女方寓所。打完老婆即瘟小三,聲稱自己好愛老婆的周永恒,絕對是男人之恥!

Ads by Google

拍淫片勾人夫

介入阿 Yu婚姻的小三劉伊靜 Ruby,早在去年六月已經撻着周永恒。
「有次一班人唱 K, Ruby飲醉咗,有人想陪佢去廁所,但佢指定要阿 Roy陪,講完仲留意阿 Yu有冇反應。過冇耐佢就做咗阿 Roy助手兼模特兒公司 partner;阿 Yu開始覺得唔妥,但每次開口問,都俾阿 Roy爆粗鬧爆。舊年九月,阿 Roy不滿屋企有曱甴,借啲意同老婆鬧交,之後走咗幾日冇返屋企。」知情者說。
Ruby處心積慮要從阿 Yu手中搶走阿 Roy,甚至不斷挑戰正印容忍
底線。
「 Ruby差不多每星期都出現喺阿 Roy嘅 family day,當正自己係周家一分子,目的係監察佢倆公婆。舊年聖誕, Ruby同咗阿 Roy返大陸玩,阿 Yu就留喺屋企湊女,阿 Roy唔俾請工人,連鐘點都冇,所以阿 Yu冇得跟埋去。今年四月阿 Roy生日,一家去海洋公園玩, Ruby又死跟,阿 Roy借意話阿 Yu眼神唔友善,仲鬧到佢抱埋個女走,最後就剩番阿 Roy同 Ruby慶祝。」
據了解,今年三月,阿 Roy一度考慮斬纜,卻敵不過 Ruby的情慾攻勢。
「 Ruby唔肯分手,話自己乜嘢都唔計較。為咗討好阿 Roy, Ruby玩 SM,又制服誘惑,好多花款,最絕嘅係配合阿 Roy拍情慾片,有人甚至 cap圖放上討論區。阿 Roy覺得好刺激,同朋友晒料,有朋友睇唔過眼,話俾阿 Yu知;阿 Yu睇見啲相,就成身軟晒,手都震埋,佢一眼就認出老公個身同對腳。」知情者說。


最新圖片阿 Yu暫居友人家中,為免其他朋友擔心,她特別拍近照給他們報平安。由於她下巴縫了三針,目前仍要貼上膠布,左面顴骨位有點青腫。 

啞忍一年家暴有網民不時見到阿 Yu左手抱細女,右手拖大女,再挽大袋餸菜通街走。阿 Yu沒有工人,由她獨力照顧家庭,絕非周永恒外婆所言般不做家務,同時為了女兒啞忍一年家暴。 

24/8 家暴後召小三歡聚八月廿四日,周永恒上午打完阿 Yu,下午急 call小三 Ruby到他家歡聚, Ruby於傍晚六點幾,一臉倦容離去。

27/8 勝利笑容購物期間,周永恒和 Ruby有商有量,知道阿 Yu離家, Ruby心情勁佳,滿面勝利笑容。 

買完嘢食,二人前後腳返回 Ruby家中,周永恒拎住大袋外賣。 

小三送上門

因為婚外情發生爭執,周永恒涉嫌推跌阿 Yu令她受傷,家暴浮面。為避開暴力老公,阿 Yu將兩個女兒交託奶奶照顧,自己則暫時寄居朋友家,準備搵到適合地方,才接兩女重過新生活。
聲稱希望老婆早日回家的周永恒,在這段期間絕不空虛,因為有小三 Ruby陪伴左右。八月二十四日上午,陪完被他打傷的阿 Yu入院治理傷勢,再返回嘉湖山莊,阿 Yu沖完涼並換去有血漬的衣服後,便自行離開屋企;不過,周永恒未有理會妻子去向,反而急召 Ruby上門 happy,毫無悔意。
事隔數日(二十七日),本刊發現周永恒在小三 Ruby位於大窩口邨的寓所出沒。連日來根本沒有試圖尋妻的他,直至當日發現本刊記者,才開始「搵老婆」,並對阿 Yu軟硬兼施,要她封嘴。


阿 Yu指周永恒送相機給 Ruby,而該相機本來是買來為兩個女影相的。 

阿 Yu出席香港身心創傷治療中心講座,藉自己的性侵經歷幫助其他受害者,當時 Ruby都有現身扮支持。 

六月報過警六月十六日,周永恒曾打阿 Yu,當時她有報警,但之後心軟,決定不告他。本刊向警方求證時,警方表示由於沒有控告任何人,只列為家庭爭執,不涉刑事成分,事件交相關部門跟進。至六月二十二日《中國好聲音》在香港進行公開招募,阿 Yu報名參加,雖然化了厚妝,但她額頭仍見到青腫。

冇固定家用


阿 Yu報警求助後,周永恒一日落樓三次扮外出,配合傳媒訪問。今次阿 Yu鼓起勇氣離開,就是不想兩女兒繼續目擊家暴,影響成長。 

「上星期六(三十日),阿 Roy(周永恒)仲同阿 Yu講,會帶埋個女去搵高皓正同何基佑,要刮阿 Yu出嚟。其實阿 Roy一向食住阿 Yu,因為阿 Yu細個俾人性侵,個人好冇自信,加上冇經濟能力,所以好懦弱。阿 Roy睇死佢唔敢走,操控得佢好緊要,家用都係三幾日俾三、五百,唔肯固定俾一筆錢,阿 Yu根本冇乜錢用。識咗 Ruby之後,每次阿 Yu問攞家用,佢就鬧阿 Yu:『你食我住我嘅!』啲說話好難聽。
「其實呢一年佢都有對阿 Yu動粗,身邊班朋友都見過好多次阿 Yu周身傷。今年六月阿 Roy又打佢,阿 Yu報咗警,警察帶埋防暴盾上門,但最後阿 Yu心軟冇告佢。阿 Roy慣咗手勢,有時仲喺兩個女面前郁手,所以個大女成日好不安,細細個情緒已經起伏好大。」

挑釁正印離婚

阿 Yu接受本刊電話訪問,承認已啞忍一年家暴。
壹:壹週刊 趙:趙頌茹
壹:因為你發現周永恒同助手 Ruby嘅婚外情,所以引發家暴?
趙:冇錯。
壹:你幾時知?
趙:好明確係家暴之前嗰日(八月二十三日),朋友話俾我聽,佢哋喺埋大約一年。
壹:周永恒帶過 Ruby去朋友聚會,介紹佢係自己女友?
趙:我諗係啩!
壹:未肯定 Ruby係小三之前,有冇同佢傾過婚姻問題?
趙:有(嘆氣)!
壹:當時 Ruby有冇俾意見你?有冇挑撥你哋夫婦感情?
趙:有!我話我同老公嗌交,成日嗌離婚, Ruby就話你自己同佢講離婚啦,唔係會好冇面。
壹:有冇覺得佢嘅意見好奇怪?
趙:我覺得好似唔係朋友立場,但當時我唔明佢背後係乜嘢意思。


今年四月周永恒生日,一家到海洋公園慶祝,小三 Ruby死跟。晚上生日飯局,男方借意發脾氣鬧走阿 Yu,好讓他跟送蛋糕的小三度過。 


有 32B的 Ruby,經常在網上晒武器放電。

周永恒掟刀


本週一( 1/9),他為本週五提堂的打妻官司到律師樓諮詢法律意見。 

壹:過去一年,有冇覺得周永恒態度有變?
趙:郁啲就撩交嗌囉!話我眼神好寸,食緊飯嘅時候就突然掟牛扒刀。有時佢講嘢,我 lock一 lock頸,佢就話我唔尊重佢,無理取鬧。
壹:屋企方面有冇挑剔你?
趙:有,如果啲襪唔係一對,佢會嘈,會離家出走,試過一兩次。
壹:當時你有冇懷疑點解?
趙:成日都懷疑,我問佢點解俾咗部相機人哋( Ruby),明明買嚟影兩個女,佢解釋話工作需要,但以我所知, Ruby做嘢唔係咁需要用相機,所以我覺得係送嘢俾佢。
壹:有冇發現過啲曖昧 WhatsApp或者電話?
趙:佢會同 Ruby講早唞或者你返到屋企未,但唔會問關於工作嘅嘢。
壹:有冇問周永恒點解對 Ruby咁特別?
趙:佢話係要咁㗎!唔係咪唔幫你做嘢囉。我同周永恒喺日本做嘢嘅時候,佢都匿埋喺廁所同 Ruby講電話,話好掛住佢。當時我有問點解咁同 Ruby講嘢,我冇大吵大鬧,只係盡量 settle down件事就算,在我嘅角度係為咗兩個女,想頭家唔散。
壹:周永恒有冇鬧過你疑心重?
趙:有,仲用埋粗口,好侮辱嘅說話都有。

帶走兩個女

壹:呢一年你點捱過?
趙:為咗兩個女我忍,希望佢有一日會改,希望有一日會浪子回頭。但係發生咗呢啲事,唔係一朝一夕,我覺得需要作出改變,想為兩個女努力。我哋暫時分開先,因為佢對我郁手,其實我真係好驚,驚再面對佢。
壹:你咁驚,因為周永恒以前都有對你用暴力?
趙:(默認)唔。
壹:會考慮申請禁制令,保障自己人身安全?
趙:我報警時,都有問過差人好唔好。
壹:周永恒聲稱好愛你,好想你回家。
趙:(沉默)我唔知信唔信佢好。
壹:有冇嘢想同周永恒、 Ruby講?
趙:我唔知前路係點,只可以倚靠神,希望帶兩個女過新生活!


搵神過橋營造 family man形象的周永恒,年多以來發生婚外情及家暴,他仍然以一副虔誠教徒模樣,每天在 FB分享《聖經》及講見證。 

24/8上午打完老婆,當冇事發生的周永恒照舊鋪金句,當日所選的金句,簡直自打嘴巴。 

31/8湊咗兩日女見傳媒的周永恒,晚上把兩女兒交由父母帶走,準備開學事宜。

性•尋•迷

同小三愈玩愈 high的周永恒,因為向朋友晒命,自爆女友投其所好。有人化名在「 discuss.com.hk」分享他與小三自拍慾照,並把短片放在只接受會員的色情網,尋求性刺激。有指朋友睇唔過眼,向阿 Yu告密。據身邊人稱,阿 Yu目睹淫相時全身軟晒,即使相片男女主角早已打格遮樣,她仍一睇認出男主角,是一起已經十二年的枕邊人周永恒。

 

巴士剝拍下巴似
有人話為滿足男友要求,試過在通宵巴士裸露尋刺激。雖然面容刻意避鏡頭,但又尖又硬的下巴,同 Ruby撞下巴喎!


 

老婆認出
據悉此女上男下慾照,對男方的白晢大腿同肚臍,阿 Yu向友人透露一眼認出係自己老公身形。

 

打野戰撞衫
化名的女子稱愛跟男友打野戰,有沙灘,還有野外,她身上的粉紫色裙,碰巧與 Ruby放上 instagram的郊野相很相似。


大翻執

愛自拍的小三 Ruby,大翻執前五官都算是「極品」,變身後的大眼、高鼻樑、尖下巴,跟原貌簡直兩回事。絕對沒女大翻身人辦!


整容前今年 25歲的小三劉伊靜( Ruby),模特兒出身,擁有 32B岩石胸,拍過時昌迷你倉廣告。前年加入港視,拍過《 Night Shift》及《惡毒老人同盟》。 

整容後 

惡人先告狀


外婆為撐周永恒,數臭孫新抱,可惜講多錯多。 

被阿 Yu識破婚外情後,將老婆推落地的周永恒,事後公開說冇戲拍冇碟出有壓力,求神原諒;但同時又將自己一手摧毀家庭的惡行,全面推卸到一班保護阿 Yu的朋友身上。惡人先告狀,周永恒外婆日前將歪理變道理,為撐孫數臭捱打阿 Yu!外婆聲稱孫仔有外遇搞到家變係阿 Yu睇唔開;又話孫仔好少打老婆,係阿 Yu自己撼頭埋牆,試圖為周永恒脫傷人罪。但據了解,兩婆孫曾經一齊住,但由於經常同個孫爭執,最後外婆決定搬走。


撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()