fuck.jpg


8月 8日 中環拖手下午時份,黃宇詩在中環漫步去停車場攞車時,主動拖男友的手。 

打頭陣

黃霑婚外情陰影 黃宇詩做小三奪人夫

Ads by Google

黃霑幼女黃宇詩出生在父母離異之時。 76年華娃佗着她,黃霑卻與林燕妮發展婚外情,華娃毅然結束 9年婚姻。
今年是黃霑離世 10周年,黃宇詩不但開舖賣 bra,感情亦有着落。本刊發現黃宇詩與黑實男友 Peter(彭慶餘)打得火熱,收舖後二人雙雙返回中環愛巢過夜。

Ads by Google

父親當年被小三搶走,黃宇詩應該怨恨小三才對,但如今她的幸福,竟是從別人手上奪回來。據知 Peter本是有婦之夫,育有三名小孩,因黃介入搞到離婚。被指拆散人頭家的黃宇詩聲稱:「我哋一齊兩年,對方係辦好(離婚)手續我哋先一齊,自己亦預咗有呢一日。」但那邊廂的彭生卻驚青回應:「我哋拍拖冇耐!」明顯唔夾口供。

 


拆散幸福家庭育有兩女一仔的 Peter彭慶餘,原本一家五口幸福滿溢,此相片是其二仔於 13年 1月放上 Facebook。 

黃宇詩早年與鋼琴王子陳雋騫及祁文傑甩拖後,感情一直懸空,月前她積極發展自家內衣品牌「 Me Me& Me」生意,不過本刊近日拍得一位黑實猛男多次接她收工,陪食飯、返香閨。

中環半同居

經過連日追訪,發現黃宇詩男友彭慶餘,英文名 Peter,年約四十多歲,現居粉嶺某圍村,是卓弘測量服務有限公司董事。 Peter亦早已擁有黃宇詩中環寓所門匙,不只一次跟黃宇詩前後腳返家。他亦會間中到中環接女友放工,再拖手去撐枱腳,表現非常親密。 Peter不避嫌到女友香閨過夜,但通常一星期只會逗留兩、三晚。
還以為黃宇詩終於找到真命天子,但原來 Peter就是 2011年她公開說要斷絕來往的有婦之夫。據知情人士爆料:「喺 2011年,佢哋因為一齊讀人際關係課程相識。黃宇詩當時已知對方有老婆有仔女,人哋不知幾咁恩愛呀!但佢係甘願做小三,又話自己好忍得、可以等㖭!見 Peter為人友善又有風度,出街時好照顧身邊嘅人,就算人哋有老婆,黃宇詩都不能自拔。識佢兩公婆嘅 friend都知,兩年前 Peter仲未離婚,去年一家五口仲好好!依家 Peter同黃宇詩咁高調拍拖,完全冇理過 Molly( Peter正印)感受囉!仲有 Peter嗰三個小朋友,佢哋最無辜。之前黃宇詩表面話要同 Peter割席,唔想搞到人妻離子散,但其實一直都冇斷過囉!」


身穿花花 T恤的 Peter,有時表現得幾大男人,眼見黃宇詩孭住兩個大袋,他都沒有幫手,仲一馬當先咁行。 

黃宇詩駕駛其白色私家車,載住男友 Peter返回位於奧卑利街的女方寓所。 

7月 11日 前後腳入屋7月 11日晚上, Peter自行用鎖匙開門進入黃宇詩香閨。十分鐘後,黃宇詩收工返家,男友親自開大閘給她。


自爆戀情8月 18日,記者在《黃霑回顧展》首次訪問黃宇詩,她當晚即在 Facebook和 Instagram放上與男友的合照,親自公告新戀情。 


知情者踩多腳黃宇詩呢頭公開戀情,嗰頭就有人再爆大鑊,在黃的 Instagram內踢爆兩年前 Peter仲未離婚,暗示黃是破壞別人家庭的第三者。 

自拍家庭照12年 12月, Peter帶同一家大細外出食晚飯,在車上影自拍合照時五人表情多多,很難相信當時他已和太太感情有變。 



3年前行埋早在 2011年 8月,黃宇詩與 Peter已被斷正溫馨逛超市回家煮飯仔。當時黃為了不必要的誤會,公開表明與對方斷絕來往,但事實卻是另一版本。《蘋果日報》圖片 

黃:預咗有呢日

本刊記者於周二( 26/8)晚上到訪中環元創坊,發現黃宇詩親自在店內打理業務,遂上前表明身份問及有關她是「第三者」一事。

記:記者 黃:黃宇詩
記:你依家拍緊拖?感情如何?
黃:穩定,大家搵到一個好好嘅相處方法。
記:有消息指你男朋友姓彭,英文名 Peter,佢有老婆仔女?
黃:係,佢係姓彭。但以我所知,當時彭生已經係單身亦 available嘅。講真,我自己都擔心人哋講!
記:有人話你係第三者,拆散人頭家喎!
黃:第一日決定同佢一齊,就預咗有呢一日。人哋點諗同點講我都冇辦法控制。俾人話係第三者實唔開心啦!但我又唔可以攞到咩證據出嚟證明我清白。依家喺呢度大方承認,係因為我哋兩個感情好穩定,最重要係唔想影響任何人。
記: 2011年你係咪曾經表明會同彭生斷絕來往?點解今日又會翻撻?
黃:今天的我打低昨日的我。當日我係好真咁去講(斷絕來往)。之後有段時間冇聯絡,只係一次同朋友食飯時再撞番,我哋先再由朋友開始。
記:彭生仲有冇同前妻聯絡?知唔知佢哋舊年復合過?
黃:我唔會評論任何嘢,亦唔會過問佢,只知我信得過佢就夠。亦 feel唔到中間發生過咩事。
記:黃霑同華娃離婚,有冇影響你對婚姻睇法?好憎人做第三者?
黃:坦白講,父母同身邊朋友都對我有影響。依家年紀唔細,反而覺得兩個人一齊唔需要咩婚姻制度,唔需要一張婚書;暫時冇結婚打算,將來唔排除有呢個可能性。拍拖唔係好多次,有時自己做咗第三者都係開始咗先知。


8月 9日 男友接放工由於在黃宇詩家過夜,所以這日 Peter還是身穿前一日的花花 T恤接女友放工。 

純熟上車黃宇詩一到便自動波打開前座車門上車,明顯已習慣男友接自己收工。 

繑手同行二人飯後步行去攞車,黃宇詩輕挽男友手臂,非常小鳥依人。 

8月 10日 外賣餵佬這晚黃宇詩收工後,獨自到蛇王芬買外賣,買了一大袋食物回家與男友一齊撐枱腳。 

男友唔夾口供

其實本刊在上周一( 18日),已在公開活動上找黃宇詩回應,而她亦坦白承認與 Peter拍拖已兩年,但另一邊的彭生卻極為驚青,起初不認拍拖,之後才說:「我哋啱啱拍拖……拍拖冇耐!」二人的口供明顯唔夾。接受本刊記者訪問後,黃宇詩即在其 Instagram上載她與 Peter撐枱腳食飯的照片,相中二人在打情罵俏,感覺十分溫馨。她在文中更自爆男友是結過婚的男人:「不是他已單身,我是不會跟他一起。」黃宇詩似乎想盡辦法,洗脫她是第三者的嫌疑。


面紅紅回應周二晚( 26日),黃宇詩在中環元創坊睇舖。日前曬傷了的她,面紅紅接受本刊記者訪問,對於被指是第三者,她坦言有晒心理準備。 

男友笑住耍手上周一( 18日)晚上, Peter駕車到中環元創坊接黃宇詩收工,發現記者後他即先行離開,去到灣仔再打電話求助,落車時他笑住耍手回應,否認拍拖兩年。 

一家五口晒溫馨


上周一( 18日)下午,黃宇詩出席黃霑回顧展,當時她向記者大方表示與男友已拍拖兩年。 

此外,本刊從 Peter二子的 Facebook發現,在 2012年 12月初,他們曾一家外出食飯並影相留念。 2013年 1月 29日,囝囝更把 Facebook封面相片更換成一家五口的溫馨合照,當時 Peter與太太亦表現恩愛,不似已離婚。與黃宇詩所講於 2012年男方「搞清手續才開始拍拖」之說大有出入。本刊記者曾透過知情者接觸 Peter太太 Molly,但對方已更換電話號碼,失去聯絡。
正所謂一家唔知一家事,愛情令人變得盲目,黃宇詩是否如林燕妮當日一樣,受盡千夫所指,相信只有她本人先知。

胎兒感應父母行為

黃霑 1967年與華娃結婚,婚後育有兩子。至 1976年霑叔與林燕妮相戀,當時華娃已經懷有女兒黃宇詩,仍堅持離婚,故黃宇詩在破碎家庭成長,為 38年後成為小三埋下伏線。臨牀身心行為學家李寶能表示,父母有出軌的行為,對於小朋友長大後做第三者,絕對會有影響,「喺父母製造小朋友嘅過程入面,爸爸嘅記憶同習慣都會經由精子遺傳到胎兒身上,即係如果爸爸有出軌嘅行為同記憶,胎兒都會有感應。」


黃霑與華娃育有兩子一女, 38年前林燕妮做小三介入,當時黃宇詩仍未出娘胎。 


自小父母離異,黃宇詩雖然跟華娃在加國生活,但她與黃霑感情也不錯。《蘋果日報》圖片 

戀情見光死

黃宇詩今年已 38歲,不過仍是單身中女一名。多年來每次拍拖她都非常低調,但每次被傳媒撞破後,戀情總是無疾而終,今次她又可否修成正果呢?


撻着鋼琴王子05年,黃宇詩被邀作「鋼琴王子」陳雋騫的港台節目《樂觀主義》嘉賓,兩人一拍即撻着,男友比她細 4年,這段姊弟戀維持了一年多才分手。 

夜會漫畫紅人09年,黃宇詩被拍到與昔日漫畫界紅人祁文傑甜蜜撐枱腳,兩人態度親暱,可惜戀情被踢爆後即散。 

谷咪賣 bra

黃宇詩身為鬼才黃霑女兒,但她沒有繼承父親衣缽,早前她跟 uncle曾志偉合資過百萬大搞自家內衣品牌 Me Me& ME,首間店舖是位於中環元創坊的 300呎小店。
她設計的內衣褲以舒適自然為主,針對亞洲人身形,價錢平均由$200-$400。由於是小本經營,故黃宇詩由籌備、裝修、設計新貨到看舖都一腳踢。
為專心打理生意,她表示暫時不會接幕前工作,目標是開多幾間分店。


新店擺設簡單,內衣與胸圍排列整齊。 

為咗宣傳新店,黃宇詩谷咪瞓身去到盡。《蘋果日報》圖片 

撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()