faec.jpg

1.jpg
「中毒」留言房祖名攤喺梳化,狀甚迷離,張相話佢「食物中毒」,又話佢需要「 tlc」( Tender、 Loving、 Care),究竟做過乜會搞成咁呢? 

封面

索女伴遊 招呼台韓星 房祖名迷照曝光

Ads by Google

本月 14日,房祖名同柯震東在北京涉毒出事,被捕多天仍未獲釋,事後柯父及成龍先後代子道歉,有傳成龍用盡內地人脈救仔,但至今仍未知如何判刑。
身為「龍之子」的 32歲祖名,人脈不比父親輸蝕,在香港、北京、上海、台灣等地都有相熟私竇同蒲場,每次有朋友探訪,祖名一定親自招呼,有時更有索女出席,保證玩得熱鬧玩得盡興。連 G-Dragon同周杰倫等巨星都鍾意搵祖名做導遊。
本刊發現兩輯祖名同陳柏霖等台灣幫的 home P相,其中一張影到祖名全身冇力攤在梳化,仲寫住「 food poisoning is never fun」,究竟祖名食咗乜「食物」搞到「中毒」呢?

Ads by Google

相識滿天下的房祖名,唔只喜歡招呼柯震東、陳柏霖等老死返自己北京豪宅「 Naga上院」開 P,亦會帶朋友落私竇夜蒲,蒲腳遍佈中港台,包括 Eason、謝霆鋒、王力宏、周杰倫等,連內地大姐大范冰冰都係蒲腳,而且玩得比祖名更癲更放。老豆大把錢,祖名出去玩經常包場,提供大量酒水雪茄外,偶爾仲有唔少索女同場齊齊玩,保證玩得夠 high,難怪被圈中人戲稱為「蒲點 GPS」。


房祖名、陳柏霖同柯震東老友鬼鬼,但事後陳柏霖竟然立即劃清界線,更自爆早知對方吸毒,相當冇義氣!網上圖片 

從另一角度所見,陳柏霖同另一友人一齊,兩人一樣攤喺梳化休息,似乎玩到好攰喎!網上圖片 

網上圖片 

陳柏霖坐喺鋼琴前面,呆呆對住鏡頭舉 V,祖名則手揸平板電腦唔知做乜咁。網上圖片 

蒲勻亞洲

叫得做「蒲點 GPS」,祖名當然係識蒲老馬啦!蒲點遍及中港台韓,而且全部設有 VIP房夠私密!所以話,識蒲一定係跟祖名蒲,不過毒就咪掂啦!

 


網上圖片 

北京 Spark、 Coco Banana
祖名鍾意去北京嘅 Spark同 Coco Banana,曾被影到同王力宏在北京夜蒲。有傳今次被捕的第一現場亦是在 Spark內,但因現場有其他富二代及官二代,現場片段先冇曝光。

 

首爾 Club Octagon
同唔少韓星老友,祖名去到首爾都有私竇,去年曾包起當地高級明星夜蒲場 Club Octagon搞生日會。


網上圖片 

網上圖片 

 


《蘋果日報》圖片 

香港 Volar、 Dragon-i
祖名喺自己地頭香港有多個相熟蒲場,試過帶柯震東落 Volar,亦同葉熙祺去過 Dragon-i連玩兩晚。

 


網上圖片 

上海 Bar Rouge
祖名(中)愛去上海外灘 18號的 Bar Rouge夜蒲,去年曾帶 GD(左)落去玩。

 

台灣 Primo
由黃立行同黃立成兩兄弟所開設的夜店,祖名同對方非常熟絡,經常落去蒲。 11年同混血女模 Nesha亦係去 Primo夜蒲後過夜斷正。


網上圖片 

網上圖片 

GD認曾吸大麻

近年祖名有意大力發展經理人事業,兩年前成立「藝房紫」公司,打算簽韓星到內地開騷,因此祖名積極同韓星打好關係。除了與在韓國人面廣的阿嬌前男友 K先生相熟,連 K-pop巨星 BIGBANG的隊長 G-Dragon、勝利同權相佑等,亦同祖名稱兄道弟,每次 GD來港或到內地工作,必搵祖名陪玩。
去年 11月, GD到北京出席頒獎禮,當晚祖名即帶 GD到那英開的酒吧 Vics夜蒲,同場仲有好兄弟柯震東及 Angelababy。今次祖名因毒惹禍,無獨有偶, GD 11年在日本開騷時曾吸大麻,雖因服食量少及初犯,未被韓國警方起訴,但亦要公開道歉。


喺台灣蒲慣蒲熟的祖名, 11年同 17歲混血模 Nesha(小圖)夜蒲後直接返大宅過夜, Nesha被影到第二日由祖名家行出去,斷到正!台灣《蘋果日報》圖片 

混血模 Nesha台灣《蘋果日報》圖片 

國產模葉熙祺祖名 12年曾被影到同周秀娜師妹葉熙祺連玩 4晚,祖名除出動過百萬名車接送,仲搵埋老友 Eason(左一)做煙幕。《壹週刊》圖片

𡃁模忽然懷孕

貴為「龍之子」,自然大把女黐埋身。遺傳父親「優良血統」的房祖名,緋聞女友多到數唔到,由薛凱琪到前「城嫂」葉熙祺、旗下藝人「小薰」、台灣歌手大元等,其中 11年試過帶 17歲混血模 Nesha夜蒲後返台北屋企過夜,唔嫩唔食,斷正後祖名口窒窒回應,衝口而出:「今次被媽罵慘了!」更驚到要求記者筆下留情。
據傳去年祖名曾與一名圈中廣交男星的𡃁模玩得好埋,其後對方忽然向友人透露懷孕消息,北京𡃁模界更傳出有人畀了一筆可觀的費用給大肚𡃁模,事件才平息。而據知祖名定居北京兩年,雖然身邊女伴氹氹轉,但始終冇公開的女友。不過毒案事發後,幾位緋聞女友都好維護對方,薛凱琪最初唔信祖名涉毒,消息證實後亦唔肯公開評論,只表示關心;而葉熙祺亦對本刊說:「很久沒聯絡,希望祖名沒事,亦希望身邊朋友潔身自愛。」


祖名同旗下藝人、黑 Girl小薰關係曖昧,女方的微博有兩人的大量合照,仲親密到攬晒,好 close!網上圖片 

曾被影到同祖名釣蝦的台灣𡃁模陳敬宣,在祖名出事後主動驗毒以表清白。台灣《蘋果日報》圖片 

柯震東返台即勒戒

祖名人緣好,被捕後亦獲公安厚待。比起柯震東要着住囚衣「走格」出鏡,祖名獲央視打厚格遮樣,更誇張到安排北京公安局禁毒總隊副總隊長力讚「有文化素養、比較後悔」,大龍鳳做到足。老豆成龍出力營救,母親林鳳嬌則傷心過度,因為太擔心祖名而數度暈倒,好友甄珍亦聯絡不上,成龍現時除了為仔奔波,更要照顧好嬌媽身體。
而同祖名一齊被捕的柯震東,被控吸毒而要拘留 14日,預計最快本週五「放監」,雖然刑罰較祖名的「容留他人吸毒」罪輕,但回台後要立即接受勒戒,加上代言的 19個廣告分分鐘索償,有份參與的 3套電影亦肯定被拖累,真係星途盡毀。


成龍同林鳳嬌得祖名一個仔,祖名出事啦,林鳳嬌擔心到精神崩潰,數度在家暈倒。台灣《蘋果日報》圖片 

喜愛夜蒲,祖名不時被影到在夜店溝女。網上圖片 

柯父事後飛到北京探仔,更代仔向公眾道歉;而柯震東則在獄中喊住認錯,態度誠懇。

網上圖片 

柯震東現時有 19個廣告代言,其中內地 KFC已率先公布終止與柯震東合作。 

拘留有咩做?

 


採訪、撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()