濃妝講家暴上週五( 11日)可嵐開記招交代家暴事件,期間講到七情上面,不過半滴眼淚都流唔出。而當晚佢係化「行」妝出現,似出席商場活動,多過傷心談家暴。 

真面目

日日見報 借家暴谷事業 可嵐好打得扮弱者

Ads by Google

香港人壓力大,家暴事件不時發生,計劃復出唱歌的過氣 7線歌手可嵐上週登上雜誌封面,大談結婚 4年間多次遭從事飲食生意的丈夫尤子威( Tommy)毒打,更說上月 2日二人嗌交後,被老公用大門夾傷手,雜誌更離奇地得到可嵐手及頸曾經受傷的相片。

Ads by Google

家暴事件曝光後,不少認識可嵐的圈中人都感到奇怪,事關可嵐 08年入行時,聲稱自己擁有 8年少林功夫底,以佢好打得的身手,一味捱打匪夷所思。可嵐的身邊人更向本刊透露, 2人爭吵時其實是互有動作。
上週六( 12日)家暴男主角 Tommy接受本刊訪問,重複 3次說:「我冇用大門夾佢隻手,喺法庭上,我會 tell the truth(說出真相)。」可嵐被打 4年,等到復出至嗌離婚開記招兼上埋雜誌封面,又頻頻出活動,時間計得啱啱好。

 


10年與老公尤子威奉子成婚,當年仲喺教堂行禮。據知,當年傾酒席時可嵐已很火爆,曾當住兄弟姊妹面前爆粗鬧老公。 

28歲的可嵐, 08年出道簽約恆藝亞洲做歌手,一直冇乜人識, 10年更奉子成婚與飲食界商人尤子威( Tommy)結婚,婚後即退出樂壇專心相夫教子。

谷極無眼淚

人前恩愛,上星期可嵐突然自爆結婚 4年間,不時受到丈夫暴力對待,翌日( 18日)便開記招交代家暴經歷。原定晚上 9時開始的記招,可嵐於 9點 33分才面帶笑容現身。經過一輪拍照熱身,可嵐一坐埋位即開始谷眼淚。
「我一路都好希望可以維繫呢一個家庭,喺呢件事上面我唔想去指責任何一方,總之事情發生咗,我覺得皮肉傷我可以忍受到,但係小朋友心靈嘅創傷,呢個係對佢成長入面一個長久嘅傷痕……喺以後嘅日子,我會同我個仔一齊生活,我會獨力照顧佢。」


上週可嵐登上雜誌封面,有人並提供家暴受傷照片,夫妻情正式決裂。《忽然 1周》圖片 

《忽然 1周》圖片 

老公嘆心傷

上週六( 19日)記者到可嵐丈夫 Tommy位於元朗的日本餐廳找他了解, Tommy初時拒絕受訪,後來他態度軟化,於餐廳門外接受本刊訪問,他直認知道可嵐已開記招交代事件,「我已經俾全世界定型,我唔想再被愈描愈黑。」
問到家暴事件中,可嵐可有還手及他本人是不是曾向太太動手, Tommy說:「呢個係 criminal(刑事)問題,我唔可以答你。喺法庭上,我會 tell the truth(說出真相)。不過我一定要澄清,我無用大門夾佢隻手,我唔知點解會有咁嘅報導,但係我一定無咁做到。(有無機會復合?)用咗咁多時間都相處唔到……我好欣賞佢,咁多年佢對唱歌嘅熱誠仲喺度,希望傳媒們唔好再寫衰呢件事。(關唔關錢銀問題?)呢個係價值觀嘅問題,我唔可以代佢答。我𠵱家鋪頭轉型,係需要時間守,你睇我日日都要返工就知。(可嵐會唔會因為想復出而利用呢樣嘢?)如果呢件事係真嘅話我會好傷心。」
週一( 14日)可嵐原出席落選港男白健恩的生日會,但最終甩底,其經理人郭先生向本刊透露可嵐近年冇習武。「以我所知,可嵐嘅功夫已經放低咗好耐,早排叫佢做 gym佢都冇嚟。佢𠵱家專心讀書,讀完之後就會做番半職歌手,遲啲會有派台歌,預咗會有傳媒誤會佢博宣傳,不過唔解釋咁多喇。」


8年少林功曾經練功夫 8年的可嵐,踢腿高過頭,不過功夫丟低多年,近來去了學泰拳,唔郁唔安樂。《蘋果日報》圖片 

已跟可嵐分居的尤子威向本刊激動澄清,上月 2日並沒有用門夾可嵐隻手,仲要重複 3次。 

尤子威在元朗經營日本餐廳,近日轉型為 98蚊任食場,生意唔錯,日日爆場。 

結婚 4年,兒子尤俊都 3歲,人前人後表現恩愛。可嵐自爆家暴後,丈夫在 facebook留言,指有人只可以共富貴不能共患難,暗示太太爆料是因為他的經濟有問題。網上圖片 

朋友唔多個

08年出道、屬恆藝亞洲旗下歌手的可嵐,以前都傳出過難以相處新聞,據知可嵐勁鍾意打小報告,更經常睇唔起同輩,在圈中無乜幾個真心朋友,不過由於可嵐有返藝人之家教會,所以仍有一班基督徒藝人老友,例如陳明恩;而曾經在恆藝共事過的日模木村乃就傳過跟她不和。

陳明恩:見過佢同老公返教會

我都係睇雜誌至知道,我覺得好震驚,因為我見過佢同佢老公一齊返團契,佢哋都表現出好恩愛,真係諗唔到會咁!我有 WhatsApp佢支持佢。

木村乃:我估佢唔鍾意我

我識 Colleen,佢俾老公打我覺得佢好可憐囉,不過我就唔知佢識功夫喇,我同佢都冇傾過偈,唔算係朋友,我唔知有傳過同佢不和,咁我估係佢唔鍾意我啩!

靠慘宣傳


《中國好聲音》第三季香港區招募,已順利選出見習測量師劉卓軒為冠軍。 

可嵐復出第一炮係參加《中國好聲音》第三季香港區招募。據知本月 7日已經完成決賽,可嵐並沒有被選中做香港區代表。傳聞各參賽者為勝出,不惜自度悲慘故事引起關注;而同樣有參加的趙頌茹,參賽前便自爆曾遭性侵,時間夾啱晒喎!

 


《壹週刊》圖片 

週一( 14日)趙頌茹老公周永恆( Roy)接受本刊訪問時表示,性侵事件其實已著手處理一年,「係因為《香港身心創傷治療中心》呢個機構搵咗佢,其實件事都搞咗成年,唔係刻意喺嗰時講出嚟,只係時間咁啱。我老婆𠵱家好忙,閒時行 catwalk,之前參加《中國好聲音》都只係想做番當年未做完嘅事,我哋根本唔係宣傳。」


採訪、撰文:娛樂組
攝影:楊學、賴穎雋、林迅景

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()