去年 3月周嘉儀被踢爆密會許方輝,男方其後被禁止再出鏡,周嘉儀則被勒令停職避風頭,復工後只能主持《香港早晨》,女神神話就咁玩完。《蘋果日報》圖片

 Ads by Google

真面目
上位易 周嘉儀姣底累事 小花陳嘉倩純樣攝位
大台新聞之花買少見少,去年周嘉儀被踢爆暗交已婚許方輝,最近再被指搭上人夫,人氣同形象跌落谷底,有得繼續做《香港早晨》已算好彩!

Ads by Google

小花後繼無人,直至 23歲的陳嘉倩出現,憑超靚純樣俘擄民心,連高層袁志偉都要出手由 nowTV撬過無綫;而陳嘉倩跳糟到大台後,只係返幾個月通宵就調到中午吸客,明顯想捧佢接周嘉儀棒!

上月周嘉儀再被揭約會已婚男, 2人飯聚後男方開車送周嘉儀返回荃灣住所,不過花哥見單新聞冇乜殺傷力,並冇再向周嘉儀照肺。《壹周刊》圖片

陳嘉倩( Katherine)幾個月前加入大台做主播,貫徹新聞部傳統新人先要捱通宵更,但仍冇阻其靚樣迅速引發網民討論,她亦在三個月內便被調到中午時段,被寵愛程度屬近年罕見。
老細睇中
其實陳嘉倩原本是 nowTV主播,去年中大畢業後加入,但冇乜人留意,任職半年唔夠便轉投大台兼做埋女神,原來全因被新聞總監花哥(袁志偉)睇中。據知情人士透露, Katherine在 nowTV一出鏡,其清純美貌和淡定的表現即引起花哥注意,花哥誓要撬她過大台:「花哥即刻問行家邊個識陳嘉倩,然後託人撬佢過無綫。」
不過陳嘉倩當時並非 now的普通員工,而是合約形式簽約兩年,不能隨便辭職。「 Katherine梗係想去無綫啦,但 now個阿頭又唔俾,花哥又係咁 push,拖拖拉拉咗幾個月,後來 now個阿頭見佢都冇乜心機留低做嘢,咪由得佢過無綫囉。」知情人士說。

大台變索
陳嘉倩初入大台要守夜,但其精神奕奕的狀態加上靚樣,旋即被網友叫嘉倩 BB。

now肥腫
網友批評 nowTV的化妝和燈光唔及大台,嘉倩 BB亦冇咁索,不過已經夠煞食啦。

總監花哥袁志偉(小圖)照住,陳嘉倩有機會做埋《周末主播室》主持,連星期六、日都有得出鏡。
cool爆孤獨精
雖然陳嘉倩靚樣夠煞食,但舊同事卻不太滿意她的性格,「佢好 cool㗎!唔同人講嘢㗎!喺 now嗰時已經係孤獨精,未見過佢笑囉,過咗無綫之後都係對住鏡頭就識笑,私底下同同事冇乜兩句㗎!」知情者又話:「佢初初過無綫返通宵更嘛,朝早見到周嘉儀返 morning,係咁意 hi一聲㗎咋,不過周嘉儀自從上次同許方輝單嘢爆咗之後,花哥只肯畀佢返《香港早晨》!其實花哥一直想另外搵個靚女鎮台,𠵱家陳嘉倩啱晒啦!」
Katherine被調到中午報新聞後,花哥更叫她主持埋《周末主播室》,俾晒機會。而陳嘉倩亦有樣有內涵, A-level成績 1A2B2D考入中大英文系,又修讀德文及西班牙文,又學到六級古箏,美貌智慧並重。她又在 09年獲派做東亞運動會的禮儀小姐,負責游泳項目,做主播後連 baby fat都冇埋,攝位做女神合情合理囉!

3年前本刊校園組訪問過當時仍讀中大的陳嘉倩,她說希望做主播,當時仍有點 baby fat的她已經話:「女人點解一定要靠男人至住到豪宅?」反港女性格抵讚。

愛扮 G.E.M.
Katherine(左)說過偶像是 G.E.M.,所以很喜歡扮金魚嘴,唔係鏡頭前報新聞咁嚴肅。網上圖片

親密男友
Katherine讀中大時有個拍拖多年的樹仁公管系男友,爆料人指她仍然有拖拍,但未見過她有男友接送,未知有冇換畫。網上圖片

撈港台
陳嘉倩於 11至 12年讀大學時兼職港台《 388放題》,當年已有網友注意她的靚樣。網上圖片
分秒必爭
有人上位自然有人讓步,陳嘉倩有花哥撐腰,出鏡多咗令其他主播或記者機會減少,影響出鏡率同人氣。

黃德藍 最影響
本來黃德藍在青黃不接期間被備受重用,靚樣亦受觀眾受落,但陳嘉倩被調到中午時段,剛放完大假的黃德藍只好被派到《香港早晨》,疑似被打入冷宮。

 

陳嘉欣 外形似
陳嘉欣雖非主播,依然是網民心中的女神,但自從陳嘉倩的出現,她的風頭被搶去不少,有網民認為嘉倩靚過嘉欣,有網民更說 2人好似樣,懷疑是兩姊妹。

葉昇瓚 男蝕底
女主播大亂鬥,冇乜人留意的男主播就更蝕底,花哥要捧陳嘉倩,連累做午間新聞的葉昇瓚要減少出鏡率,俾嘉倩攝位,讀得幾好都冇用。

採訪、撰文:娛樂組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()