難接受姪仔夭折案判決
張崇基喊爆:當佢骨肉


■張崇基(左)為姪仔夭折而痛哭,張崇德亦非常難過。

Ads by Google

張崇基及張崇德昨日到大埔為亞視台慶進行拜神儀式,談到張崇德夫婦長子張天藍夭折案有裁決,事後張崇德指判決太輕,問可會考慮再上訴?他說:「醫委會要查呢件事,係佢哋內部嘅事,我哋只係以證人身份去提供證據,之後律政署會再落案,對於判決,我哋同一般市民一樣,冇嘢可以做到。」
張崇德解釋早前公開指覺得事件荒謬,是因自己太愛香港:「我唔覺得香港係咁差,要用咁長時間去處理呢件事。」在旁張崇基被問如何安撫弟弟時?他即雙眼通紅、哽咽地說:「呢件事係影響到我哋整個家庭,我爸爸媽媽都好難過,自己亦都好肉痛細佬要等九年先等到所謂嘅真相,我自己都唔能夠接受,因為我當佢(指張天藍)係自己骨肉一樣!」張崇德見狀即拍拍哥哥的肩膀以示安慰,他亦稱因近日受訪不時提及此話題,故跟太太劉美娟心情仍未能平復。


■兒子張天藍夭折,張崇德和劉美娟於九年後才尋得真相。


■張崇基(左)日前陪同胞弟張崇德及劉美娟現身醫委會。資料圖片

亞視招大量人手

此外,亞視高層葉家寶透露台慶當晚以晚會形式進行,並找來韓國組合Cross Gene做外援,他還說:「我哋會sell番亞視嘅輝煌歷史,好似搵蔣嘉瑩唱番《我和殭屍有個約會》,魏秋樺會同舞蹈員載歌載舞。」他又指亞視正籌拍一系列節目,故需要大量人手:「所以人手係一直都招募緊,有報道話某部門(鏡面宣傳部)出現逃亡潮,根本冇咁嘅事,啲人來來去去、離離合合一直都有。」
採訪:譚倩宜
攝影:葉君海

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()