岑麗香氹古仔送鞋子

無綫藝人岑麗香昨日穿上低V裙,與古天樂到銅鑼灣出席活動,微露南北半球的香香,獲古仔駕着法拉利接載到場,香香除為古仔送上了「第一次」,更表示想古仔送「鞋子」!

 

 

Ads by Google


古天樂做柴可夫車岑麗香坐法拉利,奪去香香的「第一次」!

岑麗香與古天樂昨日到銅鑼灣出席鞋履手袋品牌活動,香香低V裙亮相,微露南北半球的她說:「少少性感啦,今日特登着鮮色啲,祝福新舖開張!我做足準備,黐晒膠紙。(酬勞加好多?)公司處理,我唔知,我當然想加。我廿幾歲女,人生第一次坐法拉利,未試過被男仔車添,因為以前都係哥哥同爹哋車我。(想第時男友都要揸靚車接送?)唔一定,我想自己努力買我鍾意嘅車。」


香香自認鞋癡,希望古仔送鞋給她。
自認「鞋癡」

香香自爆是「鞋癡」,又笑言想古仔送「鞋子」,她說:「我好鍾意儲鞋,屋企四個鞋櫃,超過五、六十對鞋,我細個試過畀女仔蝦,攞咗我對鞋,之後我就對鞋變得好重視,唔會掉棄,搬屋都搬埋。(叫古仔送鞋畀你?)好呀!我會好好保護。」

事事唔回應

古仔則說:「十年冇揸車,多數拍戲先揸,因為怕攰、怕塞車又冇揸車癮,去法國同加拿大就試過自駕遊。」多年來古仔在內地捐錢建了63間學校,被導演爾冬陞「踢爆」,問及此事時,古仔說:「唔回應。(想低調?)唔回應!」問到舊愛黃(金己)瑩日前現身佛教活動,古仔未聽完問題即說:「唔使問,唔回應。(佢信咗佛?保養得唔錯?仲有聯絡?)唔回應。」古仔透露母親節望抽空與家人吃飯,並讓古媽媽揀手袋作禮物。

文:影視組

呂珊開騷 追問阿B婚事


■呂珊邀請了鍾鎮濤B哥哥做演唱會嘉賓,邊唱邊問佢幾時結婚!

呂珊前晚喺灣仔伊館開騷有唔少圈中人捧場,有啲仲係久未露面嘅上岸藝人,好似發福嘅文雪兒、尹光同一班離巢大台嘅幕後製作人都有畀面出席。呂珊前晚仲請到鍾鎮濤(B哥哥)做嘉賓,B哥哥上台俾珊姐追問佢幾時結婚!佢就解釋:「係美麗嘅祝福,同美麗嘅盼望。」演唱會後,B哥哥冇接受訪問,珊姐就代答:「我梗係有問,不過佢話忙到冇時間做自己嘢,所以未知幾時。」


■文雪兒(右一)撐呂珊演唱會,雪兒心廣體胖,發福不少。


■在演唱會內,播了一個亞視MV,當中有呂珊同李小龍合照。

鳴謝亞洲電視

演唱會特別鳴謝亞視,安德尊上台揶揄呂珊話:「我頭先見到亞洲電視全力支持,嘩!嚇到我腳軟。」似乎有意影射呂珊係叛徒咁喎!搞到場面尷尬,呂珊上台急急解釋話:「佢真係汪汪(指安德尊係狗),成日上台亂噏嘢,因為個騷有個MV係亞視版權,咁環星老闆就想出番個名俾亞視,與我無關。」
撰文:馮仁昭

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()