蔡少芬投資有道:老公唔准我死

藝人蔡少芬昨為剪綵活動擔任嘉賓,期間自稱掌握家中財政的她大爆老公張晉「唔准佢死」,原因竟是要她分配好資金,皆因老公不諳投資,靠晒她打理家中財政!

Ads by Google


蔡少芬為「投資成功」搵到好老公張晉而自豪。

蔡少芬(Ada)昨日以一身白色露肩短裙打扮,與曾志偉及陳展鵬為投資公司開業擔任剪綵嘉賓,她自稱「投資成功」搵到好老公張晉,認真幸福滿瀉!受訪時她又爆掌握家中財政大權:「因為老公唔鍾意投資(佢唔過問你點投資?)係,就係咁先激死,我會主動話佢知做咗咩投資,佢就淨係問我祈咗禱未,如果祈咗就OK。」


陳展鵬(右)、蔡少芬與曾志偉現身剪綵活動。
讚孫儷B女靚

Ada又笑稱老公「唔准佢死」,因為要她將資金分配好先:「我成日要坐飛機咁危險,我就同老公講定資金點分配。點知佢話『你唔好死住,要搞埋啲資金投資先』。(投資得利?)試過賺double,我見好就會收,不過洪欣就試過走唔切。」談到曾合演劇集的孫儷疑「超生」,她說:「我唔清楚,最緊要母女平安,(睇過B女?)冇,但一定靚啦!睇我同我老公出啲貨就知!」

撐陳慧珊專業

問到投資娛樂公司的曾志偉,有關報道指陳慧珊「扮大牌」缺席無綫新劇宣傳?志偉大讚對方專業:「唔好誤會,我同佢合作得非常開心,因為佢想專心讀書考試,佢喺套劇裏面奸到出汁,我好欣賞佢!」談到會否與林峯及陳法拉簽約?他說:「林峯已經咁紅,唔使我捧,冇需要做佢經理人,大家未傾到咁詳細。(簽埋陳法拉?)唔算係,但佢好有上進心。」至於陳展鵬則透露曾投資獲利六位數字,未來數年會繼續留港發展。

文:影視組

蔡少芬學投資有斬獲


■蔡少芬昨日在尖東出席投資活動時,表示自己投資成功,可掌管老公身家。

蔡少芬(Ada)昨日在尖東出席投資活動時,表示自己投資成功,可掌管老公身家,現在更開始學習如何投資。早年因家人曾投資失敗變負資產,Ada引以為鑑,她說:「初初都唔敢掂股票,驚變大閘蟹,可能試過屋企人有負資產,會睇自己能力,唔想畀壓力自己。」不過,最近Ada小試牛刀,都有不少斬獲,她說:「試過某啲投資有幾個double回報,好奇妙。啲人覺得有得升繼續等,但我覺得夠就收,點知我一賣晒就跌,我儍吓儍吓咁,所以都好感恩。」
有報道指曾志偉開公司捧林峯和陳法拉,志偉笑說:「林峯咁紅使乜我捧,反而我一直都想幫新演員。法拉有上進心,林峯作為朋友亦會出嚟食飯分析吓工作,但未傾到合作咁詳細。」
採訪:溫敏芝
攝影:仇志德

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()