徐頴堃甜招冧媽咪

影星徐少強及雪梨女兒徐頴堃(Erica)最近主持有線飲食節目《為食情報局》,日前她錄影母親節特別版,帶媽咪雪梨到西貢歎中式甜品,Erica更送上心意卡及玫瑰花,令雪梨非常感動,又錫錫臉珠,場面溫馨!原來今次是她們首度慶祝母親節,Erica說:「之前我移民咗溫哥華,同媽咪見面都撞唔啱母親節,以往我同哥哥(徐偉棟)都有送花,但一齊慶祝都係第一次,感覺好大。」

Ads by Google


徐頴堃(右)與媽咪雪梨一齊撐枱腳,並送上心意卡與玫瑰花。

節目內雪梨親自駕車接載女兒,兩人勾起不少回憶,Erica表示上一次坐母親車是六歲,當時她非常百厭:「媽咪架車有天窗,我貪玩伸個頭出去,仲掹住天窗邊吊起個人,嚇親媽咪同哥哥!」


放大圖片

梁洛施囝囝喊住別母


■梁洛施稱為舞台劇開始緊張及失眠。

梁洛施(Isabella)、詹瑞文昨日在商台宣傳舞台劇《快樂勿語》,Isabella表示已開始緊張及失眠,經常會發夢見到詹sir,可能近日排練經常見,詹sir即笑說:「有時我會扮佢囝囝錫吓佢,等佢冇咁寂寞。」
Isabella表示分配到時間照顧囝囝,約一個月返家一次,問她囝囝有否扭計?她說:「冇喇,我諗佢哋慣咗,媽咪去工作,佢哋返學都好忙。」不過她透露囝囝之前送機都有不捨,她說:「走嗰吓好依依不捨,特別係大仔,話No,大聲喊,反而孖仔就bye bye媽咪。」問她有否眼濕濕?她說:「有呀,唔捨得,即刻快啲入閘,費事喊。」
採訪、攝影:溫敏芝

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()