楊思琦徬徨 
女兒開刀切瘡


■楊思琦表明不會再輕易相信男人。資料圖片

Ads by Google

楊思琦在2011年搭上香港跳水隊前成員吳帥,狠飛九年拖友李泳豪,事後吳帥被踢爆是空心老倌兼在內地有正室,矇查查做了小三的思琦未婚懷孕匿埋在美國生女,最後決定揮慧劍斬情絲,做單親媽媽獨力撫養囡囡,與吳帥劃清界線。

 

唔再輕信男人

日前思琦接受訪問,罕有大談與吳帥的關係,外界覺得女兒Krystal激似吳帥,思琦毫不介意,坦言不理會別人看法。問到與吳帥有否聯絡時,她說:「冇搵過我,亦冇聯絡,阿女𠵱家仲細冇問過,但如果長大後問到,我都會解釋畀佢聽。」
思琦表示目前只做好媽媽角色:「之前嘅事對我打擊好大,我𠵱家唔會咁易再信男人,獨力湊女係好辛苦,但呢個係我嘅選擇,亦會勇敢面對,努力工作,務求令囡囡喺舒適環境下成長。」不過提到如果吳帥想見女兒時,思琦說:「講呢啲?唔講呢啲嘢啦!」


■思琦自爆囡囡在去年患過大病,要開肚切腸。
資料圖片


■思琦(右)坦言與吳帥沒有聯絡。

連腸拳頭般大

訪問中思琦自爆囡囡Krystal去年患過大病,要開肚切腸,她憶述接獲醫院來電,要簽紙做手術一刻:「我真係好徬徨,好無助,仲驚到攬住個女狂喊。醫生打開佢肚仔,先知原來有個拳頭咁大嘅膿瘡喺入面,個瘡黐住啲腸,最後要膿瘡連腸一齊切走。」見到囡囡皮肉之苦,當然不好受,她說:「當時有一刻諗過,如果身邊有個伴可以分擔吓都幾好,但現實係冇呢個人。」
最近有傳7月約滿無綫的思琦,被嫌棄形象插水,踢出經理人部門,大幅減人工,昨日本報記者曾致電思琦,但至截稿未獲回覆,不過思琦昨日在微博貼上到內地出席婚宴獻唱的相片,為了撫養女兒,相信她不介意頻撲到內地夜場登台賺外快。
撰文:張曦彤

 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()