So Comment

大家愈搬愈上  Nosh地址:上環差館上街 11號地鋪
電話: 2559 8508(甲-)

新 Soho?!
就係因為中環爆滿,租金又貴,所以大家愈搬愈上,變了有 SOHO。 SOHO而家亦爆滿,租金又貴,所以大家又愈搬愈上,去到太平山街,普慶坊一帶。

Ads by Google

我開始介紹太平山街的時候,只得小店幾間,現在半條街都係小店,再上一條普慶坊、磅巷,落去正街都變得好年輕,好有活力。五一勞動節那天去行了一次,遊人如鯽,很多港人身上掛着相機,四處拍照,亦見到兩對似退了休的夫婦拖住手行,好 enjoy這一區咁。
見到有間做 pottery的小店,裏面有十個八個人坐喺地下正在學做 pottery,有趣。

新面目…

無去太平山街才不過三幾個月,又有新面目。喺"Secret Ingredient"(大概年半前介紹過)對面的一角開了一間叫"Nosh"的小店,可愛的地方係 Nosh位於一個角落,店看起上來大一點,佢一面係門口,另一面係兩大個無玻璃的窗。窗前全係座位,橫坐在窗前望街。放工去過三次。唔係無位就係快關門。 Nosh係收 6點的。有一次只能坐低飲咗杯嘢,但係我聽聞 Nosh嘅 lemon tart好正,但都未有機會食得到。侍應話中午 12時出爐,一日只出 10個 8個,要早啲嚟呀!
於是五一勞動節十二點多便到,無得訂位,位又少,人又多。我哋好彩都要等了十多分鐘。叫了兩個 soup special$80/一個。南瓜湯, bacon& egg baguette或 eggplant and brie baguette。 OK好食,大家都覺得三文治嘅餡料少了些。基斯就覺得個 baguette差了少少唔夠鬆,因為 baguette個 crust比較硬,要用力咬,但一大力咬,如果個包唔夠鬆,個包就會疊埋一齊咁。 Daily Special$80/一份。那天係食三文魚 fettuccine, OK啦。但最出色乃係啲餅。聞名不如一食的 lemon tart$52/樣子已經好吸引, meringue好高好多,好輕身,中間有兩層檸檬,最中間心係蛋黃色的 lemon custard,外面係淡黃的 lemon mousse,頂係厚厚的 meringue,好正!我鍾意好酸的,可惜這個 lemon tart就一點都唔酸。
Apple Tarte Tatin$52/ Presentation好靚亦非常好食,不過最出色乃係一個黑森林$49,可以話近呢二三十年未食過咁好食嘅黑森林, cream好 light,中間的小 cherries好 rum,朱古力餅好鬆, Perfect!
好耐未食過咁 rum味重的 black forest,要去懷舊一下必食! Lemon Pound Cake,亦好出色。
Hot chocolate, Latte, Cappuccino全畫晒公仔,有很多朋友帶埋狗去放在門口,店內亦有狗 cookies呢!
Lovely Place! 4人食了$616,有一個清新的中午。

 

 






 

Nosh地址:上環差館上街 11號地鋪
電話: 2559 8508

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()