喺上海演唱, Maggie好識做用上海話加普通話同觀眾打招呼,仲拎晒沙槌 fing頭扭腰,非常戮力。 

媽咪姐

張曼玉 Do姐上身 爛聲益同胞

Ads by Google

國際影后張曼玉( Maggie)一直夢想當歌星,最近終於加盟獨立音樂品牌,仲喺上海同北京初試啼聲!先講上海草莓音樂節當晚,唔少粉絲都特登因為呢位巨星而入場,場外又將張曼玉當生招牌。

 

當晚大約 7點, Maggie未見其人先聞其聲,佢以超簡單吊帶裙襯上一臉濃妝,嘩!驟眼睇,同 Do姐鄭裕玲竟然有幾分姊妹相呀!
Maggie用極低沉老牛聲唱出老歌〈甜蜜蜜〉,幾乎係將歌詞一句句以超沉音唸出來,嚇到唔少觀眾 O晒嘴,更有同胞忍唔住嗌:「好難聽!」不過咁都無阻張曼玉响台上自 high,充滿自信嘅表演簡直係勇氣可嘉!媽咪姐喺現場亦都曾經努力融入去曼玉嘅音樂世界,但係聽佢唱自創嘅〈 Why did you do it〉同 Rihanna嘅〈 Stay〉等等名曲,感覺都係……得啖笑囉!不過,相信唔少同胞應該覺得可以現場感受女神氣場已經值回票價,正所謂邊鬧邊睇,樂趣嚟嘅。


Well,正面睇已經有啲似!側面睇, Maggie同 Do姐簡直有啲失散姊妹 feel。唔係媽咪姐吹水,有網民喺《忽周》 fb都咁講,仲好多人 Like㖭! 

《蘋果日報》圖片 


上海草莓音樂節當日打 8級大風,但無阻觀眾熱情,帶埋帳篷捧影后。點知,最後負評大爆發,但都有人撐 Maggie嘅。 

北京求情

歌藝遭批評, Maggie之後喺打大風嘅北京草莓音樂節就話:「我演電影演了 20多部還被叫做花瓶,唱歌也請給我 20次機會。」

音樂人點睇
Eric Kwok 鍾意就得

「鍾意唱嘅人就繼續唱,唔鍾意嘅人就唔好聽。 No Comment from my personal side。」

鄧智偉 英好過中

「我覺得大家對於〈甜蜜蜜〉太有 expectation,所以改編嘅時候用咗呢個方法,未必可以好接受。老實講,英文歌嗰度無咩事㖭啦!我反而覺得幾型。佢係特登去做嗰個風格。」

周啓生 想教影后

「佢( Maggie)把聲咁低,百萬人中無幾個,俾我教佢絕對會搵番真係女仔嘅聲,我唔覺得佢五音不全。」

創作者介紹

明星八掛大分享★☆

tvb4life 發表在 痞客邦 留言(0) 人氣()