江美儀不嬲都係義氣仔女,又夠吉士,今年佢唔驚得罪大台,出錢出力 line up做搞手,仲幫舊同事張啟樂上台鬧高層冼偉智,勁! 

媽咪姐

亞視人聯歡江美儀 鬧爆高層

Ads by Google

亞視昔日嘅員工同藝人年年都會搞活動見吓面,佢哋有個會叫「 A記同學會」,年年都搞飯宴。上星期六( 3日)就筵開廿幾三十圍,好多已經唔喺香港嘅藝人都返嚟食飯,好似嫁咗去內地嘅繆非臨、張東琳齊齊出席,連喺新加坡做 OL嘅韓君婷都特登返嚟。今年嘅搞手江美儀,就事先講明唔俾亞視高層出席。媽咪姐知道,佢今次出錢又出力,而鮑姐鮑起靜、羅霖都有份拎錢抽獎。不過,全晚氣氛最熱烈竟然唔係抽獎,而係江美儀鬧人。

 

話說食食吓飯,江美儀頂住度氣,忍唔住要上台講幾句:「有條友(媽咪姐後來八到係任職亞視助理副總裁嘅王祖藍舅父冼偉智)打俾我話想嚟。梗係唔得啦!呢條友炒張啟樂㗎!」張即刻走上台和應,佢哋仲 high到喺台度講粗口,全場掌聲四起。媽咪姐覺得講粗口就唔係太好,不過就足見佢哋嘅團結,班高層真係要反省吓!


鮑姐依家主力拍電影居多,但亞視有活動都逢請必到。 

羅霖喺亞視嘅日子唔係好耐,只係玩咗幾年,但江美儀叫幫手,佢又冇托手踭,帶埋工人拎嘢之外,仲拎錢出嚟抽獎㖭。 

冼偉智 

張啟樂 

失蹤人口返來喇!

同係亞姐出身嘅繆非臨、張東琳、韓君婷,都係演藝事業停滯不前,移居外地,袁文傑就北上賺人仔,大家咁耐冇見佢哋,仲認得冇?


繆非臨(左)同張東琳呢對好姊妹,嫁咗去上海多年,仲係好有心,今次特登返嚟食飯,睇吓佢哋同以前又冇乜點變喎! 

返咗新加坡定居嘅韓君婷,為咗呢餐飯返嚟,但睇佢咁瘦,真係要食多啲嘢! 

袁文傑以前都話晒高大靚仔,唔見一排留埋鬚,嘩!有啲難認。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()