本來好好哋

媽咪姐

《西遊》硬膠劇情陸續嚟

Ads by Google

大台呢期大劑,買咗套億元鉅製返嚟,點知冇乜人識欣賞,仲要累收 1100宗投訴,收視跌到 18點,連 9:30檔期嘅中女劇亦受拖累。不過你有你鬧,大台為顧面子誓言唔腰斬,仲以洗腦式宣傳,搵嚟土製八戒視帝祥同沙僧麥長青嚟個「導賞團」,嚟緊又會搵徐子珊孭飛嘅《點金勝手》救收視。
大台企硬,膠劇無極限!可憐大家已經冇選擇之下,再少咗個台睇,嚟緊仲有 40幾集膠劇情㖭,奉勸各位姊妹搵多啲細藝娛樂自己,無謂硬食呀!

第 1膠:觀音係人妖?

雖則話觀音有百相啫,不過唔使失驚無神變身,整個二撇雞嚟啩?之後又整多個化到鬼五馬六嘅男人出嚟,仲要加把嗲聲嗲氣嘅男人聲,真係該煨囉!


忽然變男人 

嘉良扮「女人」? 

吖,睇睇吓,呢個「濃妝 man觀音」竟然有啲似 06年羅嘉良喺《先生貴姓》扮女人㖭!

第 2膠:硬膠豬八戒

早兩日出場嘅豬八戒,豬樣都分兩個層次,可惜兩個樣都係咁猙獰嚇人,尤其係後期出現嘅豬八戒,肚腩似十足笠個水桶咁,膠到反晒光,粗製濫造到呢!

第 3膠:嚇鬼骷髏頭

喺第 14集,終於見番個港產徐錦江,查實佢嘅造型比起其他妖獸,已經叫做最正常嗰個,不過佢嗰串骷髏頭成日喺度挹挹抰抰,扮 He-Man定拍鬼片先?


創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()