驚人彈跳力阿倫果然係樂壇長青樹,呢日 post咗張打羽毛球嘅相,呢下 90度拗腰跳躍真係唔係人人做到。正所謂唔打得都睇得,唔怪之得阿倫年年都話自己 25歲,真係冇吹水! 

博出位

63歲倫伯動起來

Ads by Google

夏日炎炎出汗時,加上世界盃就快到, 63歲譚詠麟率先彈起,做運動 keep fit,
絕對有姿勢有實際。除咗倫伯,眾星同樣食住個勢嚟個運動熱潮。趁住太陽伯伯嘅來臨,加多幾錢肉緊操肌同踢走拜拜肉,迎接比堅尼同肌騷啦喂!

運動後大擦

阿倫啱啱打完羽毛球,轉個頭就約埋成班溫拿去豪食海鮮,真係咩脂肪都返晒嚟!鬼馬嘅溫拿仲擺經典 LOVE pose,十足十一班大唔透嘅大細路。


蕭正楠 白淨打拳

蕭正楠密密練拳,仲喺微博 post咗張冇忽似佢嘅騷肌相。但成功需苦幹,雖然練到周身傷晒,但蕭兄仲係白白淨淨兼瘦蜢蜢,睇嚟離成功仲有一段路。

劉浩龍 頭槌入波

師兄喺微博話自己第一次用頭入波,厲害厲害!唔知佢有冇打電話俾祖兒報喜呢?

苟、伍姑娘 行山操馬甲線

兩位姑娘就揀行山嚟操肌,仲誓言要操兩條馬甲線同四嚿腹肌返嚟。

欣宜 泰拳瘦身

欣宜呢排落力為新戲操泰拳乘機 keep fit,仲鬼馬同自己講﹕「加油啊肥妹!」佢嘅努力都冇白費嘅,呢張相明顯見到塊面開始尖尖哋,希望唔係角度問題啦!

創作者介紹

明星八掛大分享★☆

tvb4life 發表在 痞客邦 留言(0) 人氣()