搜機控

識計一定係咁計

現實世界,乜都關乎數字。所以前港姐冠軍陳法蓉喺手機安裝好多換算 apps,仲將呢類 apps分類喺「財務工具」檔案,一目了然,唔怕俾人呃。

Ads by Google

計過先食

要保持身形,飯前飯後都要計,陳法蓉呢個「單位換算」 app就幫到手。「女士每日攝取熱量有限,但有好多食物標籤淨係顯示卡路里,我會用呢個 app去轉換。同埋超市嘅計算單位同街市唔同,所以買餸之前會計一計。」


呢個 app版簡陋,但勝在清晰。 


輸入數字,就可以將熱量轉換成卡路里。

睇匯率收錢

陳法蓉現時主力返內地搵人仔,但由於人仔匯率時高時低,所以佢每日 keep住睇匯價,「近排人仔跌咗些少,所以同製作單位傾酬勞時,會酌量揮多少少人工,唔怕收少咗。好使好用㗎!」


除咗人民幣同港幣轉換外,呢個 app仲提供近 40隻外幣匯價查詢。 

買鞋必備

最近流行網購,款式多就多,弊就弊在啲尺碼太亂,搞到隨時買錯 size。「我會上網買高踭鞋,不過啲 size睇到我一頭煙,呢個 app就有晒鞋碼嘅對換表,都算好準。」


呢個鞋碼對換表簡單清晰,就算英寸都提供埋,唔怕買錯啦! 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()