IQ考考笑

森美開題:蜘蛛俠係咩顏色呢?

出名轉數快又計仔多多嘅森美,今次
負責出 IQ題考考你。可能平時同囝囝睇卡通片睇得多,連出題都同蜘蛛俠有關。結果除咗金剛之外,所有挑戰者都俾森美考起。森美真係有啲料到喎!

Ads by Google

陳山聰:犀利犀利!

聽到係森美出題,陳山聰好醒目咁話:「肯定唔係好簡單嘅紅黑色啦!」撞完一輪英文加國語,最終都係要開估,知道答案後山聰恍然大悟:「 Oh!係喎!犀利犀利!」

金剛:根本考唔到我!

同森美一樣鬼馬嘅金剛,唔使兩秒就答中,仲好得戚咁下戰書:「唉!你考我 IQ題呀!下次叫森美出條難啲得唔得呀?」又真係抵佢咁牙斬斬!

洪天明:我唔玩呀!

最冇體育精神都算係洪天明喇!佢一開始就話:「呢啲蠱惑問題,冇律師在場我係唔會答嘅!」之後再 hea估:「紅色囉!黑色囉!我唔玩喇!唔識呀!你答我!」到記者開估,佢又唔忿氣作狀攞咪掉人,咁水皮㗎!

陳嘉桓:原來係咁!

嘉桓 BB真係虛心求學喇!佢好努力咁動腦筋,估錯好多次都屢敗屢戰,「唔係紅色同藍色,唔通識變色?又唔係!咁俾貼士啦!」知道答案仲不停傻笑㖭!

鄧麗欣:要用森美思維!

堅持叫記者唔好俾貼士嘅鄧麗欣,話要用森美思維去破解呢條 IQ題,「冇理由係紅藍色咁簡單,黑色又唔係吖!真係一種顏色,唔係嗰啲咩『唔識』之類?」諗咗好耐都冇結果,惟有局住開估啦!

 

答案:白色 s-pi-der-man(是-白-的-人)

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()