名媽最痛 

名人潮

局撐出櫃 馬詩慧盼望個女攣變直

Ads by Google

養兒一百歲,長憂九十九。
子女由出世開始,做母親要憂心他們食得飽、穿得暖;到他們踏入青春期,又有難關。父母最難插手子女的感情事,更何況是性取向。
名模馬詩慧與王敏德的大女王曼喜,玩得夠放、愛得更大膽。多次被拍得與同性密友街頭纏綿的她,早前公布出櫃。母親馬詩慧局住公開支持,不過做阿媽心底始終想個女有日由攣變直。「阿女雖然依家認咗啫!或者係機緣問題,佢可能識到個男仔思想上面會好夾嘅!」

 

今年 22歲的王曼喜( Kayla),上月尾出席活動時「出櫃」,她說:「唔知點解成日都影到,我鍾意做咩就做咩,唔會因為傳媒而唔做,如果係咁人生會悶。」
面對愛得坦白的曼喜,老竇王敏德選擇公開撐愛女:「囡囡好 brave(勇敢),我覺得佢做得好好,點解佢要隱藏自己。唔係佢自己問題,係人哋思想問題。」
至於阿媽馬詩慧,亦直認曾跟女兒的另一半食飯,支持愛女決定。不過被問到是否已經接受,她吸大啖氣說︰「當我知道咗嘅時候,冇乜嘢好傾,你覺得仲有嘢好傾咩?唔到我哋去唔去接受。我唔可以話俾你聽,我好欣然接受呢樣嘢(同性戀)。但當我好冷靜咁坐低諗清楚,其實愛呢樣嘢真係可以好海闊天空,唔需要用一啲好世俗框框去框住佢,雖然我都係好世俗。」
把口雖然接受,但講到尾,馬詩慧仍存一絲期盼,希望女兒將來結婚生仔。「我都係個幾傳統嘅人,但 at the end我係接受咗(女兒同性戀)。只不過到今時今日,我諗我都仲有一個遐想,我見到有好多朋友,或者其他人可以由直變攣、攣變直,我都會有呢個希望。」


阿媽關注王曼喜愛於 instagram公開與密友 Lia的親密相,馬詩慧亦不時留言,擺明𥄫到實。 

與密友 Lia早前一齊到柬埔寨探訪小朋友,之後又去沙灘玩水。

密友曝光早前王曼喜被拍與密友出動,於西環碼頭公園激吻纏綿,關係曝光,不過當時她仍未承認跟對方拍拖。《蘋果日報》圖片

馬詩慧與三個仔女感情要好,經常黐住周圍去,對於他們感情事,她持開放態度。 

馬詩慧兩個女兒遺傳阿媽的驕人身材,細女王麗嘉亦不時大晒泳裝,惹火誘人。 

經常中環出沒的王曼喜,去年不時被拍得夜蒲,她與男性友人攬頭攬頸,表現熱情。 

周美鳳︰陪阿女失戀

公關公司老闆周美鳳,育有一對仔女,她甚得仔女信任,對他們每個成長變化瞭如指掌。「好好彩!仔女由細到大都好信我,好似當年阿仔啱啱發育嗰陣竟然同我講︰『媽咪我發育,你嚟廁所俾你睇吖!』我仲反問佢,吓!你俾我睇?冇諗過佢搵我唔搵老竇。」
經歷了阿仔青春期,周美鳳亦分擔過阿女失戀傷痛。「囡囡 19歲嗰陣喺美國讀緊書,被男仔飛唔識 handle,佢成日打嚟喊,佢喊我又喊,但隔咁遠好難安慰佢,嗰年同老公輪住飛咗 6次。當時用好多方法𠱁佢,因為宿舍簡陋,想俾個 5星級服務佢,於是我喺嗰邊 book間最好嘅酒店,等佢同我瞓,舒舒服服瞓個靚覺,點知最後冇用。不過我覺得做媽咪,做咗冇用冇所謂,但唔做會後悔。」


周美鳳細仔 Timothy今年 20歲,自小鍾意同阿媽傾偈,兩母子好親密。 

提到 22歲大女 Florence當年失戀,周美鳳指得啖笑。「嗰陣阿女梗係有嗌吓,又話唔想做人!初初都俾佢嚇親。」《壹週刊》圖片 

張筱蘭︰教囝囝揀女

張筱蘭與馬德鐘的獨仔馬在驤,正處於青春期,對於囝囝感情事,她則交由老公負責。「因為阿仔啱啱青春期,咁我又好快到更年期,要互相忍讓一下。我唔特登問佢啲女朋友嘅嘢,同爸爸傾偈多啲。大家會一齊睇 school year book,然後一齊討論唔同種族嘅女仔。佢比較鍾意膚色深啲嘅女仔,好似地中海嗰啲咁。」
家中有猛男父子,張筱蘭享受被保護感覺,十足女皇生活。「佢兩父子太高,我着高踭鞋都唔夠佢哋高,阿 Joe(馬德鐘)成日笑我係小矮人。我希望囝囝當我係阿妹,依家覺得自己喺屋企係被保護嘅動物,安全感大咗。」


近年踏足 ball場的張筱蘭,不時與馬德鐘帶囝囝出席公開活動,上年尾一家三口除夕夜去君悅倒數。 

前年代表香港參加游泳比賽攞咗七金的馬在驤,今年 16歲,同老竇馬德鐘一樣生得高大威猛,父子經常一齊行街 shopping。 

變形「凸」攻

名媽教仔女,各師各法,即將成為人母的汪圓圓,亦甘於為養肥金叵羅戮力進補。周日( 4日),這位準媽咪汪圓圓,以巨肚和逼爆上圍,成功「凸」圍而出,風頭蓋過瘦番晒變回「何銷魂」嘅超雲。

汪圓圓肚大 10吋

玩具大王蔡志明新抱汪圓圓,與蔡加讚婚後 3個月即造人成功。懷孕 5個月的她,終於出動撐老公接棒「政協青年聯會」會長一職,順便宣布懷 B女。當晚她穿上金色晚裝明顯發福不少,不但肚凸凸、上圍亦見升 cup。二人出名恩愛,訪問期間不時打情罵俏,幸福到漏,成為全場焦點。


側面圓潤身形大兩個碼的汪圓圓,正面側面睇都好圓,雙臀亦比以往豐滿。 

最佳示範為怕影響 BB,平日貪靚的汪圓圓,當日連手指、腳趾甲都冇搽甲油,抵讚。 

索模模特兒出身的汪圓圓,不嬲有肉地。 09年,還擔任模特兒的她為公司拍攝泳裝月曆,大騷 S惹火身材。《壹週刊》圖片 

汪圓圓與蔡加讚結婚後火速造人,婚後 3個月即宣布有喜,提到懷 B女,兩個笑到見牙唔見眼。 

何銷魂腰瘦 6吋

幸福圓圓愈來愈脹,相反依然單身的超雲,就一次比一次纖瘦。當晚超雲與母親陳婉珍到場,支持擔任常務副會長的細佬猷啟,她一襲貼身 Alexander McQueen背心裙,凸顯瀟湘身形,少女味返晒嚟!


當晚超雲風頭不及圓圓,不過她與母親、細佬企埋合照,依然搶鏡。 

2011年脹爆的超雲,有齊肥臂、雙下巴,水桶腰起碼過 30吋,同依家差成 6吋。 

撰文:名人組
攝影:攝影組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()