忍唔住 follow,先發現原來係呢期晚晚喺電視搵人跳 aerobic嘅李若彤。佢身形好鬼 fit,真係多一分嫌肥,少一分嫌瘦。係對 boot長咗啲囉! 

媽咪姐

李若彤 魔女腳

Ads by Google

有時媽咪姐睇電視,都會睇出感慨來!好似見到昔日不食人間煙火嘅「小龍女」李若彤,依家拍劇變咗做人阿媽,仲要俾惡家婆苗金鳳糟質,真係不得不嘆歲月催人㗎。

 

不過咁, 47歲嘅李若彤勝在 keep得唔錯,係就係俾人話塊面膠膠哋,但呢個世界沒有最膠,只有更膠,李小姐呢啲,小 case啫!況且,佢仲有兩條 keep得白白滑滑嘅長腿噃。早前,媽咪姐就見到佢着熱褲晒腿遊街。背面睇,索過唔少後生女啦;正面睇,有副超遮一遮,都完全 OK,氣質版美魔女呀!溫馨提示,天氣開始熱喇,媽咪姐建議,下次可以足本晒腿,仲 sexy!


尖嘴晒腳媽咪姐就係喺尖沙嘴等過馬路時,俾呢個露出一截白滑長腿嘅背影吸引住。 

叫得做美魔女,梗係要搵啲舊相嚟對照。 Well,竟然俾媽咪姐發現李若彤與神嫂阿徐原來 friend過喎!依家睇番,佢哋嘅身形都 keep到,魔女依然愛長 boot,講靚,唔使比啦…… 

你話睇電視覺得佢塊面膠膠哋?唔怕,呢個世界有萬能嘅黑超嘛!

湊女露晒

話時話,李若彤查實都好知道自己嘅優勢所在,平日湊姨甥女都會熱褲上陣。嗱嗱嗱,襯涼鞋咪幾 sharp,兩條長腿發晒光!強烈建議佢列為長期 style。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()