甜蜜返歸3月 30日傍晚,陳庭欣和翟威廉返回翟家。翟威廉攞住一袋外賣,準備回家撐枱腳。兩人邊行邊笑,十分甜蜜。 

娛樂喧

秘戀 3年返歸開餐 翟威廉陳庭欣 半同居

Ads by Google

2010年香港小姐冠軍陳庭欣,與同年的港男冠軍翟威廉,三年前撻着,但雙方一直否認。為免戀情見光死,兩人秘密發展地下情,陳庭欣更不時到翟家過夜,兩人開始過半同居生活。
早前正值翟威廉生日,陳庭欣於傍晚時分買埋外賣,與翟威廉一起踩上男家開餐,直至深夜陳庭欣亦未見離開。翟威廉被問到陳庭欣當晚是否上門送外賣,則支吾以對。至於陳庭欣,口中雖然否認戀情,口供卻和男友前後矛盾,只肯承認翟威廉是好朋友。兩人關係又點止「朋友」咁簡單!

 

翟威廉與陳庭欣同在 2010年當選港男與港姐冠軍,陳庭欣更以港姐冠軍身份,成為港男選舉的嘉賓。當年翟威廉外形俊朗,不但是跆拳道黑帶高手,又精通日語及韓語,難怪陳庭欣對他另眼相看,因而投翟威廉一票。兩人當選後,因工作上接觸而漸生情愫,翌年更開始秘密拍拖。
「之前都有報道話佢哋約會,雖然兩人唔認,不過 Toby(陳庭欣)就趁機會,公開表示已經同上海男朋友分手,向 William(翟威廉)派定心丸。當時佢哋啱啱撻着,為咗事業,一早協議唔認戀情。」知情者說。



多年來,陳庭欣都是做主持居多。她最吸睛一次,一定是在旅遊節目胸戰高海寧。 

返歸煮飯仔

為了將戀情保密,兩人平日多數在翟家煲下碟、煮下飯仔。就算偶爾拍拖行街,地點亦只限男方鑽石山住所附近商場。「佢哋拍拖嘅地點,好多時都係荷里活廣場,因為嗰個商場乜都有,出入口又多,有乜事都易甩身。 William對 Toby好細心,平日唔使開工,都會接送女友出入。」
3月 30日傍晚,翟威廉與陳庭欣駕車返回男方寓所。落車時,翟威廉先行,其間他不時四圍望,確定沒有記者後,才叫陳庭欣落車。
兩人步往大堂時,陳庭欣繑住翟威廉,而翟威廉開門時,更順勢拖住陳庭欣入內。後來有其他人入大堂,兩人稍為企開,但仍不時甜蜜互望。之後兩人齊齊搭𨋢直上男方寓所,直至深夜陳庭欣仍未見離開。


純熟拖手進入大堂時,翟威廉一手推門,一手拖住陳庭欣的手,手勢純熟。 

外套保暖為免愛郎冷親,陳庭欣為翟威廉披上外套,相當細心。 

上樓過夜有其他住客出現後,兩人顯得有點避忌,不過最終仍是一齊入𨋢。本刊守候至深夜,仍未見陳庭欣離開。

去年尾見家長

翟威廉與陳庭欣戀情近年愈來愈穩定,去年尾陳庭欣投資六位數與友人開日本餐廳。開幕當日翟威廉現身撐場外,陳庭欣還將他送的日本金箔酒放在餐廳當眼處,翟威廉更順道拜見女方父母。
「 Toby開餐廳時, William驚 Toby唔在行,於是搵自己搞開飲食嘅阿哥做餐廳食材買手, Toby諗都冇諗就應承咗。其實 Toby都多咗上 William屋企過夜,睇得出佢已經當 William係結婚對象。」


認「好朋友」本周二( 6日)陳庭欣否認上過翟家,亦唔認戀情,強調和翟威廉是好朋友。 

陳庭欣與翟威廉自港男選舉後,一直不乏合作機會。圖為兩人在 2010年尾出席明珠台宣傳活動。 

去年尾陳庭欣開日本餐廳,翟威廉出席撐場之餘,更拿着香檳滿場飛。

翟:上樓睇劇本


翟威廉周三( 7日)打籃球,面對記者追問他與陳庭欣關係時,他多次支吾以對。 

本周三( 7日),記者向翟威廉求證,他最初否認與陳庭欣一齊返屋企,被記者踢爆有片為證下才改口話上樓睇劇本。
記:記者翟:翟威廉
記:同陳庭欣乜關係?
翟:朋友囉。
記:佢做司機送你返屋企,仲一齊上樓喎?
翟:送我返屋企就有,上樓就冇。
記:我哋有片喎。
翟:(支吾以對)佢係上嚟睇劇本啫。
記:佢過夜冇走?
翟:佢走嗰時,你見唔到啫!
記:你哥哥係咪幫陳庭欣做餐廳買手?
翟:都應該有,都係生意上來往
記:你哋係咪地下情?
翟:唉!講呢啲……
其實翟威廉多年來堅持地下情,最大原因是之前與亞姐拍拖見光死。「翟威廉 05年因參加亞洲先生加入亞視,並與 07年的亞姐季軍孫辰撻着。當時好多人都知佢哋拍拖,後來孫辰提出分手,佢傷心到離開香港去韓國留學。經歷這次被女飛嘅打擊,佢唔想戀情曝光,就連喺朋友面前都甚少提起 Toby。」
本周二( 6日)黃昏,記者追問陳庭欣有否上過翟威廉屋企,她的口供明顯同男友唔夾。陳庭欣話:「最多都係影到我喺佢樓下,我冇上過佢屋企!(佢哥哥幫你間餐廳做食材買手?)係有請教過佢哥哥。(會唔會公開戀情?)我哋係好朋友。」看來為遷就男友低調風格,陳庭欣被迫拒認戀情。

港男追港姐

翟威廉與陳庭欣同是選美出身,其實之前都有不少香港先生同香港小姐傳緋聞。

 

呂慧儀黃文迪
有「長腳蟹」之稱的呂慧儀是 06年港姐季軍,她與 08年港男黃文迪在 2011年結婚,現更懷孕四個月。

 

葉翠翠高鈞賢
05年香港先生冠軍高鈞賢,入行後和徐子珊、陳茵媺、葉翠翠三名港姐冠軍都傳過緋聞。

 

朱晨麗李晉強
朱晨麗及李晉強分別是 2011年港姐及港男冠軍,兩人 2012年被發現拍拖,朱更因而拋棄老外前度。

花旦鬥開舖

花無百日紅,近年不少女藝人都榮升老闆娘,利用知名度搵錢。

 

譚小環魚蛋檔
94年港姐冠軍譚小環,上個月在銅鑼灣開舖賣魚蛋,比起在大台的萬八元人工,收入上升兩倍有多。她更有意在旺角開分店。

 

蔡少芬賣童裝
去年開始做生意,在尖沙嘴開設「童夢工場」賣童裝。兩個囡囡楚兒及信兒做模特兒, Ada更擔任設計工作。

 

李思欣搞生意
上個月與圈外人合資在銅鑼灣開樓上火鍋店及日本餐廳,近日更與老公范振鋒入股電腦零件店,生意多元化。


撰文:娛樂組
攝影:攝影組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()