4/5 6: 30pm接放工:陳嘉寶週日( 4日)一收工,即約男友 Epaphras相聚, 2人拖住手大方拍拖,與友人到九龍灣準備吃晚飯。 

封面 陳嘉寶

24歲初戀厚底闊少 𡃁版李若彤守處:唔會婚前性行為

Ads by Google

首次喺大台拍劇就飾演𡃁版李若彤兼戲份甚多的陳嘉寶( Anjaylia),早前自爆終於初戀,不過只肯透露男友叫 E先生兼在金融界工作,其餘則保持神秘。
不過初戀熱辣辣點收得埋,本刊週日便發現陳嘉寶收工後即約男友黃頌祈( Epaphras Wong)會面, 2人十指緊扣非常甜蜜。做得女神男友當然唔簡單,查實 Eraphras屋企好有米,家族至少有 7個物業,不過半億家底闊少 06年曾被控刑事恐嚇及不小心駕駛罪成,留下案底,又涉盜竊案,年少輕狂。
而身為基督徒的陳嘉寶,遇着血氣方剛男友仍堅持守身如玉;據知早年屬壞孩子的男友,亦修心養性,兩人於教會撻着齊齊守戒,陳嘉寶更話:「基督徒可以錫,唔會婚前性行為!」

 

24歲的陳嘉寶( Anjaylia)做了 6年齊蔭邦民女,今年絕對係轉捩點,首次喺大台拍劇搶鏡之餘,今年初又自爆已搵到初戀男友,宅男只好睇住電視葡萄。


Anjaylia鮮有穿泳衣,在劇中卻有水着兼露少少事業線,益吓宅男。 

陳嘉寶在劇中飾演年輕版李若彤,戲份甚重,亦有網友讚佢好戲。《蘋果日報》圖片 

曾被控恐嚇

這位被陳嘉寶稱為「 E先生」及金融才俊的男友,名為黃頌祈 Epaphras Wong,現年 32歲比女友大 8年,曾經跟 Anjaylia同屬 Jam Cast模特兒,拍過不少廣告,後來才轉行做金融。男友家境富裕,單是在北角海峰園,除了他和母親聯名擁有的單位外,父親及母親又於同幢大廈擁有另外兩間物業,加上其他物業,總市值超過 7,000萬。大隻的 Epaphras熱愛滑水運動,曾奪花式滑浪獎項,亦是香港 wakeboard代表隊成員之一,相比一向文靜的女友,性格迴異。
屋企有米, Epaphras年青時亦沉淪過,本刊發現他曾在 06年中在西環駕車亂 cut線與另一車主爭執,更拍打對方車門,以一句「我打你吖嗱!」被控不小心駕駛和刑事恐嚇罪成,後上訴至高等法院,最終被駁回留案底,同年還涉及一宗盜竊案。在他 facebook內亦有多張舊女友的親密照,闊少過往經歷明顯比初次拍拖的 Anjaylia複雜。
週日( 4日), Epaphras接埋收工的陳嘉寶及少女版張慧儀賴慰玲等一齊食飯,一行 7人到九龍灣晚飯,其間 Anjaylia跟男友不時十指緊扣,飯後 Epaphras再送女友回將軍澳寶林邨屋企,獨自揸車返回北角海峰園寓所,二人全程守規矩冇太親熱舉動。
對於基督徒婚前性行為,週一( 5日) Anjaylia表示必定會堅守教規。


9: 20pm拖手蜈蚣陣: 2人與朋友包括同劇演年輕版張慧儀的賴慰玲表現得好 high,一行 7人在德福花園平台繑住手步向餐廳,猶如人形蜈蚣陣。 

11: 10pm晚飯後 Epaphras駕駛價值約 40萬的水貨豐田七人車送 Anjaylia及友人回家,最後送女友返回將軍澳寶林邨屋企,雖然只剩 2人, Epaphras沒有過分親熱行為。 


11: 30pmEpaphras拖實 Anjaylia到大廈,上樓約 10分鐘便揸車返回北角高峯閣寓所,果然純情。 

「大家理念一致!」

F:《 FACE》  A:陳嘉寶
F:你男友好鍾意滑水,你又咁靜會唔會唔夾?
A:佢好 outgoing嘅,因為我自己好靜,如果我靜、佢又靜咁就大鑊喇!
F:之前佢拍過好多次拖喎。
A:一定多過我啦!我第一次拍拖,(經驗)點都輸㗎啦我!
F:驚唔驚好似 G.E.M.同林宥嘉咁,因冇性行為而分手?
A:其實我哋係好虔誠嘅基督徒嚟嘅,我同佢喺教會認識嘅,所以大家好多理念好多諗法都好一致嘅,所以呢方面都唔會擔心囉!
F:冇婚前性行為?
A:係係係,拍咗唔係好耐,基督徒係可以錫嘅,唔會婚前性行為啫,正常拍拖情侶會做嘅動作,拖手咁梗係會拖啦!


拖手梗係會拖啦!(真實對白) 

陳嘉寶一聽到記者講男友就笑,但問到婚前性行為就好嚴肅答:「基督徒係可以錫嘅,唔會婚前性行為啫!」夠晒簡潔。網上圖片 

「有啲嘢要堅守!」

同日從事金融業的男友 Epaphras似乎放假,在北角寓所樓下大方講女友,更表示當年自己「曳過」,現已改過自新,更和 Anjaylia口徑一致表示不會有婚前性行為。
F:《 FACE》  E: Epaphras
F:同 Anjaylia拍咗幾耐拖?
E:(思考一陣)幾個月囉!
F:你好鍾意滑水喎,有冇叫埋女友去?
E:佢都有、不過就少啲,一次半次,如果佢鍾意嘅話咪試多啲,如果佢唔鍾意唔需要嘅。
F:你哋一齊去教會?
E:有,喺教會識。
F:係咪好似 G.E.M.咁有啲嘢唔做得?
E:有啲嘢係唔做得,拖吓手嗰啲冇問題。
F:你哋唔可以有婚前性行為喎?
E:(呢方面) OK嘅!我細個就曳啲嘅,離開過教會咁樣,但呢幾年返教會,有啲嘢要堅守住。
難得大家信念一致,浪子回頭,早啲結婚咪搞掂囉!


我細個就曳啲嘅!(真實對白) 

06年 Epaphras被控刑事恐嚇及不小心駕駛罪成,上訴至高院被駁回,同年還涉及盜竊案。 

7,000萬物業

陳嘉寶男友 Epaphras中文譯名以巴弗,在聖經故事中曾被保羅稱讚「基督忠實的僕人」。 06年被控刑恐兼盜竊,家陣信主改過自新,據知 Epaphras父母一直在長洲教會活躍, Epaphras亦於 09年,在中華基督教會長洲堂受浸,而 Epaphras家族更持有多達 7個物業,總值超過 7,000萬。


Epaphras熱愛滑水,曾多次參加公開比賽,跟栢芝細佬豪龍亦是 wakeboard好友。網上圖片 

陳嘉寶男友在 fb內有多張跟舊女友的親密照,講拍拖經驗,贏 Anjaylia幾條街。網上圖片 

最純𡃁模讀樹仁

陳嘉寶在中學會考取得 18分的成績,考入樹仁大學修讀新聞傳理系,期間於 Jam Cast兼職模特兒, 09年與其他模特兒組成八模推出寫真集《 Girls Look Book》,由於仍是學生,她與蔡穎恩( Evelyn)被豁免毋須泳衣上陣,之後便一直以清純形象示人,代表作是連續 6年當「邦民女」。


一向形象保守的陳嘉寶,背心短裙已是性感底線。 

第一代八模出寫真集,難免要泳衣上陣,只得 Anjaylia和 Evelyn走孖女清純路線,獲豁免。 

「新帥哥」何廣沛 捱 6千蚊老底

睇慣中佬扮後生,「年輕版吳啟華」何廣沛得 25歲,令人眼前一亮,被封「 TVB新帥哥」,雖然網友同前輩都一致睇好,但其實何廣沛冇被 TVB重用,仍做緊茄喱啡角色。
何廣沛剛在藝員訓練班畢業兩個月,簽咗 3年藝員合約,得 6、 7千蚊人工,佢話:「我喺《廉政行動》同《使徒行者》都係做茄喱啡冇對白,我唔介意由低做起,呢度個個都係咁啦;雖然人工奀但我堅持畀家用屋企㗎!」原來他中三時已移民到三藩市,讀過會計,回流後加入電視台,這次被前輩賞識是意料不及,要多謝吳啟華喇!


在劇中要演校草,同時得到 7個少女仰慕,但何廣沛只鍾情 Anjaylia。 

何廣沛憑靚仔樣被吳啟華選中做自己的年輕版,連吳啟華都承認:「做我年輕版,梗係要搵個最靚仔啦!」 

今年 25歲的何廣沛小時曾學芭蕾舞,又愛打籃球及足球,是運動健將,跟劇情一樣是個萬人迷。 

高大靚仔的何廣沛曾經在網台 9DTV擔任主持,但兩年前已離職加入 TVB。 

採訪、撰文:娛樂組
攝影:娛樂突發組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()