前輩教路梁榮忠及梁梓禧在《雙梁計》節目中,除了讚校花校草高質外,亦有提點 Carmen要練好咬字, Felix要 chok出自己味道。前輩袋錢入你袋,二人當然要好好記住! 

U Star

UStar踩入 now《雙梁計》 梁榮忠激讚: Carmen冧死仔 Felix似 Chilam

應屆新鮮出爐的 FACE UStar校花冠軍城大湯加文( Carmen)及校草冠軍公大吳子冲( Felix),上週 19日(二)及 20日(三)獲邀到新城電台知訊台的《娛樂旗艦店》,及 now 102「觀星台」的《雙梁計》分享參選趣事及心得。
雖然二人都是首次上電台電視接受訪問,但《娛》的 DJ路芙、董敏莉就大讚二人表現淡定,而《雙》的主持梁榮忠及梁梓禧(原名:梁奕倫)更指 Carmen有性格,忠仔亦指 Felix夠 chok似足 Chilam:「佢哋條件好好,想喺呢行發展,冇得輸!」連前輩都點評大讚, UStar星途一定掂!

 

上週二( 19日),校花校草 Carmen和 Felix就到新城電台知訊台節目《娛樂旗艦店》,接受 DJ路芙及靚女主持董敏莉訪問,大談參加 UStar心情及未來方向。路芙對二人表現就讚不絕口:「佢哋又靚、夠高又後生,而且對呢行又有熱誠同目標,實掂啦!」

騷前留念

作為年輕一代,臨上節目前,二人當然要在「 studio」牌前影相,即時放上 fb、 Instagram,叫老友扭開電視留意。

董敏莉冧 Felix

UStar魅力連曾經係港大校花的董敏莉都被 Felix吸引,見到對方即時變得好溫柔,董敏莉在節目都話:「其實靚仔已經贏咗一半,剩低就要 Felix努力,例如要學吓點演戲,有埋演技就紅硬!」

即場試 chok

訪問過咗十分鐘都未夠,三位主持人都發覺 Felix連坐低唔講嘢都超 chok,於是叫他即場試 chok。梁榮忠一見即說:「嘩!張智霖咁款!」

現場晒舞技

Carmen在節目中指自己男仔頭,但 UStar決賽當晚就要表演一隻勁有女人味的舞,主持梁梓禧就叫她在鏡頭前示範,好彩 Carmen都冇忘記舞步,冇在電視機前失威!

化妝間度稿

Carmen和 Felix都是第一次上電視,仲要全 live無 take two,二人在化妝間扮靚 set頭時,都全神貫注諗定一陣點應對。

梁榮忠自爆識 Carmen

電台 DJ對 UStar有讚冇彈,翌日( 20日)兩位出爐校花校草就踩入由梁榮忠、梁梓禧及陳俞希 Hailey主持的 now 102「觀星台」節目《雙梁計》繼續受訪。原來梁榮忠及 Carmen早已有合作,之前 Carmen幫朋友做助導時曾與梁榮忠合作。當時因要爬上爬落,所以 Carmen一身男仔頭打扮,二人再見, Carmen變身校花靚晒,梁榮忠都驚訝大叫:「冇可能係你!」節目中主持們更指 Felix chok功十足,似 Chilam張智霖,好有觀眾緣,估唔到連觀眾 phone in(致電節目)都讚 Carmen決賽當晚表現好兼有性格。
節目後忠仔同 Carmen及 Felix分享經驗:「你哋外在條件已經好好,想喺呢行發展,真係冇得輸,最緊要 keep住團火,同學多啲演藝有關嘅嘢!」兩位 UStar要記實啦!

新城開咪

同是 Final Year的 Carmen及 Felix上新城節目《娛樂旗艦店》時,指希望今年先專心學業,畢業後就全力向做演員的目標比發。主持路芙都讚二人目標清晰,「比不少時下年青人更有目標。」

主持變後生

熄咪後 Carmen和 Felix邀請路芙、董敏莉玩自拍,主持二人都擺出趣怪表情,之後路芙笑言:「近得啲後生仔多,自己都好似後生幾年。」

新城 DJ 董敏莉

其實 Felix夠靚仔,已經贏咗一半,剩低就要靠佢自己努力學做戲,有埋演技就紅硬!


撰文:校園組
攝影:何榮亮

Ads by Google

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()